Sunny

Arho Sunny再被揭大話連篇買淘寶貨 $3000貨講到值60萬又捱轟

最新娛聞

廣告

YouTube頻道 「arhoTV」的 Sunny及Creamy繼早前實被指賣NFT呃小朋友錢之後,多次強調自己「唔淘寶」的他又被指賣淘寶貨。到近日Sunny又再涉淘寶風波,其片中聲稱價值60萬的人形雕像被踢爆又係$3,000的淘寶貨,YoutuberTIK LEE直斥Sunny講大話講上癮!

Sunny arhoTV
(圖片來源:youtube@arhoTV)

Sunny再被踢爆講大話淘寶$300人形雕像吹到60萬?!

Sunny於4月一條片中講到自己將工作室大改造,影片中曾指出一件人形雕像價值60萬。不過近日Youtuber TIK LEE 拍片踢爆Sunny該人形雕像疑只係淘寶賣緊人民幣300至3,000,並放上一系列於淘寶的截圖,斥sunny真係講大話講上癮,好嘔心!同時,TIK LEE 懷疑Sunny抬出天價,目的似係想呃觀眾錢,因為sunny曾經拍片講過如果有觀眾有興趣可以pm佢,仲話會俾一個「觀眾價」,TIK LEE 直斥sunny真係賺到盡,成日想將二手的物品千方百計變錢!

Sunny arhoTV
(圖片來源:youtube@arhoTV)
Sunny arhoTV
(圖片來源:youtube@arhoTV)
Sunny arhoTV
(圖片來源:youtube@arhoTV)
Sunny arhoTV
(圖片來源:youtube@arhoTV)

網民推測連道歉片都係大話!

網民睇完片後,意見兩極,雖然sunny最近形象愈來愈差,但都有網民支持佢,認為「初模公仔一隻要幾萬不出奇,而淘寶商家keep住個模,可以大量制造,成本自然可以很低。公仔的模是佔整個公仔的7至9的成本」「我唔係幫Sunny 不過其實我都做開呢行 我有幫人做代理同埋打模 其實呢呢舊嘢貴在唔係個成品 而係不斷打樣既過程」。

arhoTV YouTuber Sunny與Creamy拍片道歉,不過網民質疑他們的道歉不真誠。
YouTuber Sunny與Creamy拍片道歉,不過網民質疑他們的道歉不真誠。(圖片來源:YouTube@ArhoTV)

網民堅持Sunny 「吹大咗」大話連篇

亦有唔少網民就認為就算sunny唔係淘寶人民幣300買,都唔會係60萬,認為sunny真係吹得太大,而家先會俾人不斷踢爆!「又有好有心既師兄去左問,只要比圖比尺寸,就幫攪掂曬, 一條龍$4000人仔喎,師兄你點睇?有冇諗住再比幾萬去做一隻?」「加埋運費我諗可能$5000人仔到啦」「上次天使B都係唔洗10萬…這種何來60萬」「可以收檔了 sunny 大話連篇」「就咁睇個雕像都知係大陸style」「唔奸點賺大錢 , 短時間買到樓」「今次點兜好」網民仲留意到,sunny有機會連道歉片都係大話「其實重點唔係60萬,而係佢聲稱20年無再用淘寶,結果呢隻野21年出,即係21年佢都仲係用緊淘寶,即係佢條道歉片又講大話」!

Sunny曾被指年宵賣淘寶貨兼篤手指報大數。

arhoTV Sunny Sunny和Creamy年宵片段。
Sunny和Creamy年宵片段。(圖片來源:YouTube@arhoTV)
arhoTV Sunny 網民提供的證據。
網民表示自己向Sunny起用的淘寶店家查證。(圖片來源:LIHKG區截圖)
arhoTV Sunny 網民提供的證據。
網民表示Sunny向淘寶店家只訂造了100個咕𠱸,但他早前表示銷量達1萬個,有虛報銷量之嫌。(圖片來源:LIHKG區截圖)
arhoTV Sunny 網民提供的證據。
更多網民與Sunny起用的淘寶店。(圖片來源:LIHKG區截圖)
arhoTV Sunny 網民提供的證據。
網民提供的證據。(圖片來源:LIHKG區截圖)

Sunny與Creamy曾謊稱銷售量?

網民從淘寶店家查到Sunny的淘寶帳戶,而且更踢爆Sunny虛報咕𠱸銷⋯⋯詳見:Sunny賣淘寶貨推NFT潛水一個月

Sunny又再講大話?

Sunny於4月一條片中講到自己將工作室大改造,影片中曾指出一件人形雕像價值60萬,卻被另一個YouTuber踢爆Sunny疑似再講大話⋯⋯詳見:Sunny再被揭大話連篇買淘寶貨

圖片來源:youtube@arhoTV、youtube@TIK LEE資料或影片來源:原文刊於NewMonday