試當真

試當真|Ca姐陳苡臻升呢「修女」3大原因人氣急跌? Kayan9896 反超前

最新娛聞

廣告

YouTube頻道「試當真」成功捧紅Kayan9896(吳家忻)、Jessica(Ca姐,陳苡臻),二人曾廣告一個接一個,大受網民歡迎。不過近日有網民以「Ca姐已經完全被Kayan9896拋離」為題發文,討論Ca姐近期三大人氣大跌原因,連IG followers都被Kayan9896反超前。

試當真 Kayan9896 Kayan9896去年為ViuTV單元劇《YOLO的練習曲》女主角之一,令人氣再度急升﹗
Kayan9896去年為ViuTV單元劇《YOLO的練習曲》女主角之一,令人氣再度急升﹗(圖片來源:IG@kayan9896)
試當真 Kayan9896 Ca姐都是女主角之一,大玩清純學生妹造型﹗
Ca姐都是女主角之一,大玩清純學生妹造型,當時人氣爆燈﹗(圖片來源:IG@krisssica)

Kayan9896 31萬Followers反超前Ca姐

「試當真」成員Kayan9896(吳家忻) 同Jessica(Ca姐,陳苡臻)出道時間相若,前者被封為「港版周子瑜」,後者被封為「Ca姐世一」,Ca姐IG Followers之前一直拋離Kayan9896。但網民最近留意到Ca姐同游學修拍拖後,Kayan9896(31.6萬) IG Followers已反超前Ca姐(26.9萬) 5萬,隨後更分析Ca姐人氣大不如前嘅三大原因。

試當真 Kayan9896 Ca姐IG追蹤人數過去一直領先kayan9896,近月被對方大幅拋離﹗Kayan9896約32萬,而Ca約27萬﹗
網民於「Ca姐已經完全被Kayan9896拋離」帖文留言:「半年前修女IG仲拋離緊Kayan9896,今日被人拋返轉頭,講到底本身MK格想學人,轉到一半轉埋職業做修女」。(圖片來源:IG@kayan9896、IG@krisssica)

1.Ca 姐同游學修拍拖清純長情形象大崩壞

Ca姐同「試當真」創辦人游學修今年4月被傳媒影到手拖手同遊科學園,戀情隨即公開,正式升呢做「修女」,差唔多時間Ca姐與前度pre-wedding相流出,網民鬧爆「派帽比前度將以前個清純長情形象親手破壞,再痴埋落個老細度拎個女一番嚟做﹗」,仲話游學修「硬捧佢做女一咪害咗佢」。一連串負面消息使Ca姐過往清純形象大崩壞,致廣告工作流失,「對上一個廣告仔已經係7 月22 日」。同一時間,形象正面嘅Kayan9896「隔兩日就有個大牌廣告LV 、Celine 、YSL、Chanel 、Dior乜大牌都齊晒」。

試當真 Kayan9896 游學修曾揚言唔會同女同事拍拖,點知自打嘴巴﹗4月自爆同Ca姐拍拖,原因是被雜誌影到,不如自爆先﹗
游學修曾揚言唔會同女同事拍拖,點知自打嘴巴﹗4月自爆同Ca姐拍拖,原因是被傳媒影到。(圖片來源:IG@neoyau19)
試當真 Kayan9896 Ca姐被指游學修2月拍片時檸檬茶兩份飲,被指早就撻著日,同時又指Ca同前度未分手,更流出pre-wedding婚照,游學修即為Ca姐澄清﹗
Ca姐被指同游學修2月拍片檸檬茶兩份飲時經已撻著,同時又被網民話未同前度分手,更流出pre-wedding婚照,游學修即為Ca姐護航,但愈講愈禍﹗(圖片來源:IG@neoyau19)
Kayan9896 Ca姐升呢「修女」後,成為「試當真」主辦的舞台劇《一個舞台上不能接受的吻》女主角,擔正女一,被指戲屎未夠班,因為升呢「修女」才有此機會﹗
Ca姐升呢「修女」後,成為「試當真」主辦的舞台劇《一個舞台上不能接受的吻》女主角,擔正女一,卻被指戲屎未夠班,因為升呢「修女」才有此機會﹗ (圖片來源:IG@krisssica)

2.Ca姐轉形象走Kayan9896型格路線 carry唔到露額頭

Ca姐出道嘅清純形象深入民心,迷倒萬千男粉絲,但唔知乜事近幾個月轉行Kayan9896式型格路線,網民似乎唔多受落,留言話「Ca姐明明sell鄰家女孩可愛look,扮乜鬼暗黑有型,要知自己定位先得㗎﹗」、「Ca姐想學9896路線但完全唔夾,近半年改形象想變類似poker face,髮型衣著有一排抄到足」、「佢只可以瀏海,依家學人露額頭扮型,嚇走晒啲粉絲﹗」,睇嚟型格路線真係唔係人人啱,市場唔受落,人氣自然大幅下滑。

試當真 Kayan9896 Ca出道時走清純鄰家女孩形象,大受歡迎﹗
Ca出道時走清純鄰家女孩形象,大受歡迎﹗(圖片來源:YT@試當真影片截圖)
試當真 Kayan9896 Ca姐出道以來一直瀏海造型,近來忽然露額被批唔適合佢,更指佢抄人﹗
Ca姐出道以來一直以瀏海造型示人,近來忽然露額被網民狠批完全唔適合,更指佢抄人﹗(圖片來源:IG@krisssica)
試當真 網民話「ca姐只可以瀏海,依家學人露額頭扮型,嚇走晒啲粉絲﹗」
網民話「ca姐只可以瀏海,依家學人露額頭扮型,嚇走晒啲粉絲﹗」(圖片來源:IG@krisssica)
試當真 Kayan9896 網民指Ca轉造型,明抄對手kayan9896﹗
網民指Ca轉造型,明抄對手kayan9896﹗(圖片來源:IG@kayan9896、IG@krisssica)
試當真 Kayan9896 亦有網民為Ca姐平反,指藝人應該多作嘗試,應該試不同造型﹗
亦有網民為Ca姐平反,指藝人應該多作嘗試,應該試不同造型﹗(圖片來源:IG@kayan9896、IG@krisssica)
試當真 Kayan9896 網民狠批Ca姐MK味濃,點抄都型唔起來﹗
網民指Ca姐適合行可愛路線,「之前Yolo咪好地地,又要學人搞到鬼五馬六」。(圖片來源:IG@kayan9896、IG@krisssica)

立即重溫Ca姐《Yoloh的練習曲》清純造型

Ca姐以前個look真係好清純。

3.Ca姐MK味濃 上唔到大枱冇人搵開工

Ca姐上個月擔正做「試當真」舞台劇《一個舞台上不能接受的吻》女一,不過仍然有網民話佢未上到一線做明星,只停留喺KOL界水平,一直都搣唔甩陣MK味,「平日開Live就原形畢露,根本MK妹,被人講多幾句游學修就黑面」、「做個訪問都睇到出,談吐舉止真係上唔到大枱,寸寸貢MK味出晒嚟﹗」、「謝票場成日黑面零參與,多次公開表示扮可愛好嘔心,好似上次試當真九展,話扮美少女戰士好唔鐘意,怨呢樣怨果樣,開戲果班邊敢搵佢」﹗

試當真 Kayan9896 網民狠批Ca姐談吐好MK,一開Live就現真章﹗
網民狠批Ca姐談吐好MK,一開Live就現真章﹗(圖片來源:IG@krisssica)
試當真 Kayan9896 Ca姐被指失去女神光環﹗
Ca姐被指失去女神光環﹗(圖片來源:IG@krisssica)

Kayan9896狂接名牌廣告紅過Ca姐

網民指kayan9896愈來愈紅不無道理,「9896食到KOL同hi fashion條水,雖然個樣唔係最靚,但成個package嚟,佢都一定有排玩,佢個格係食呢行飯」、「成個觀感同性格都好過修女,修女成個格八婆又扮嘢」、「依家睇一個藝人發展得成唔成功好易
就係睇多唔多人識/多唔多廣告,9896一早就超過咗條修女啦,又出歌又多大brand搵佢拍廣告」。

試當真 網民指kayan9896愈來愈紅不無道理。
網民指kayan9896愈來愈紅不無道理。(圖片來源:IG@kayan9896)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部分內容轉載自新Monday)圖片來源:IG@kayan9896、IG@krisssica資料或影片來源:原文刊於NewMonday