Chill Club

Chill Club頒獎典禮2023 ︱7大花生位 MC張天賦與Ash超市事件後再同場

最新娛聞

廣告

《Chill Club頒獎典禮2023》今晚於亞博舉行。今年Chill Club玩改賽制,消息一傳出就已經不獲網民睇好,今晚嘅直播過程更係充滿各種花生位,就等我哋一齊回顧今晚頒獎典禮最有趣嘅7大花生位!

花生位 1︱出席歌手人數澎湃

昨晚喺紅館舉行嘅《十大中文金曲》出席歌手少得可憐,原本有十位歌手得到「優秀流行歌手大獎」,但最後就只有Gin Lee 李幸倪、馮允謙、泳兒同王灝兒等4位歌手到場領獎,人氣王姜濤同Jer柳應廷則未有到場領獎,其他得獎歌手都紛紛缺席。不過今晚《Chill Club頒獎典禮》就同昨晚《十大中文金曲》相映成趣,大批「失蹤人口」成功上水,今晚仲要盛裝準時赴會,可見港台廣播界大佬「江湖地位」𣎴保!

Chill Club COLLAR今日7缺1上陣,Soching因病缺席。
COLLAR今日7缺1上陣,Soching因病缺席。(圖片來源:東方新地)
Chill Club P1X3L組合都有出席今晚頒獎典禮。
P1X3L組合都有出席今晚頒獎典禮。(圖片來源:東方新地)

花生位 2︱開show仍有大批觀眾未能入場

今日出席《Chill Club 頒獎典禮 2023》嘅歌手人數眾多,搞到觀眾都多到人山人海,大部分觀眾都排隊排到未能夠準時入場睇Show。大批鏡粉都趕唔切睇Ian陳卓賢打頭陣表演,紛紛怒斥:「第一個應該艾粒唱吖嘛,睇唔到Ian喇!」

Chill Club
(圖片來源:東方新地)
Chill Club
(圖片來源:ViuTV截圖)

花生位3︱唱作男歌手表演炒曬車

Gareth.T湯令山、洪嘉豪、陳健安、吳林峰四位唱作男歌手一起表演《國際孤獨等級》、《污糟兒》、《笑住喊》、《厭惡物圖鑑》、《土撥鼠之日》、《未知道》等多首歌曲。不過Gareth.T湯令山同洪嘉豪演唱時把聲唔夠入咪,又走曬音,成個表演大炒車!

Chill Club Gareth.T湯令山表演失准
Gareth.T湯令山表演失准(圖片來源:ViuTV截圖)
Chill Club 陳健安嘅表現算係唔錯!
陳健安嘅表現算係唔錯!(圖片來源:ViuTV截圖)
Chill Club 吳林峰嘅表現最穩定
吳林峰嘅表現最穩定(圖片來源:ViuTV截圖)
Chill Club 洪嘉豪都炒曬車
洪嘉豪都炒曬車(圖片來源:ViuTV截圖)

花生位4︱MC張天賦又擊倒張敬軒

MC張天賦繼《十大中文金曲》成為大贏家之後,今次再次贏過泳兒、Serrini同張敬軒一班前輩,奪下「CHILL CLUB 年度另類歌曲獎」同「”Genre of The Year“ 大獎」兩大獎,非常威風!

Chill Club
(圖片來源:東方新地)

花生位5︱MC張天賦與Ash超市事件後再同場

MC張天賦早期因為同Ash嘅「超市事件」而鬧到滿城風雨,今日兩人竟然喺「超市事件」之後再次同場,不少網民都表示非常驚訝!

Chill Club Ash左一)擔任今日頒獎典禮主持之一,同MC張天賦於「超市事件」後首次同場。
Ash(左一)擔任今日頒獎典禮主持之一,同MC張天賦於「超市事件」後再同場。(圖片來源:ViuTV截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:ViuTV截圖、東方新地