林芊妤

Coffee林芊妤3歲囝囝被踩「唔得意」 霸氣反擊:Unfollow我啦

最新娛聞

廣告

百萬YouTuber兼瑜伽導師Coffee(林芊妤),不時在IG分享其3歲囝囝翟德彥(伯伯)的生活點滴,大晒兒子搞笑又可愛一面。不過近日就有網友私訊Coffee踩伯伯「唔得意」,又鬧她行為cheap,搞到Coffee一肚火!

3歲伯伯被踩「唔得意」

Coffee(林芊妤)近年主力教瑜伽及KOL工作,更成為百萬YouTuber。Coffee不時在IG分享3歲囝囝翟德彥(伯伯)的互動及生活日常,大晒伯伯搞笑又可愛一面。其實伯伯在2歲時其個人IG 已有17萬人追蹤,不過後來Coffee開始覺得伯伯有思想,自己不應該再代替囝囝講話,而關閉伯伯的IG,但伯伯依然人氣高企,好得網民喜歡﹗但日前Coffee在限時動態貼出一名網友的私訊留言,內容極不客氣:「其實你個仔真係唔覺得得意,你成日自戀你個仔,可唔可以唔好再放上網,其實你啲行為好Cheap,不過我無聊先會撳你啲嘢睇吓,但開始好頂唔順啦。」

Coffee Coffee林芊妤)近年主力教瑜伽及KOL工作,更成為百萬YouTuber。Coffee不時在IG分享3歲囝囝伯伯搞笑又可愛一面。
Coffee(林芊妤)近年主力教瑜伽及KOL工作,更成為百萬YouTuber。Coffee不時在IG分享3歲囝囝伯伯搞笑又可愛一面。(圖片來源:[email protected]
林芊妤 Coffee Coffee一家三口幸福滿滿。
Coffee一家三口幸福滿滿。(圖片來源:[email protected]
林芊妤 Coffee 不過日前Coffee被一名網友私訊留言,內容極不客氣。
不過日前Coffee被一名網友私訊留言,內容極不客氣。(圖片來源:[email protected]

霸氣反擊:Unfollow我啦

Coffee被搞到成肚火,即cap圖放上網,並霸氣回應該網民:「其實我真係冇逼你睇我嘅嘢,同埋我真係覺得我個仔好得意,同埋我真係好鍾意我個仔,所以我嘅IG都充滿着佢嘅足跡,不過我從來都冇要求人鍾意佢,呢個係我嘅IG,我鍾意擺咩就擺咩,難道呢個世界有咁多人有咁多唔同嘅意見,我都要聽?咁我咪好唔得閒!同埋你覺得我cheap嘅話,你仲Follow我,你咪仲cheap?乖啦,Unfollow我啦。我其實都唔係好想要你呢種Follower,Bye」之後Coffee收到大量支持者msg力撐,而她感謝粉絲外並大派定心丸:「放心,我冇咁容易畀人影響到我」。

林芊妤 Coffee Coffee不時分享伯伯的生活點滴。
Coffee不時分享伯伯的生活點滴。(圖片來源:[email protected]
林芊妤 Coffee 伯伯人氣高企,好得網民喜歡﹗
伯伯人氣高企,好得網民喜歡﹗(圖片來源:[email protected]
林芊妤 Coffee Coffee霸氣回應。
Coffee霸氣回應。(圖片來源:[email protected]
林芊妤 Coffee Coffee留言。
Coffee留言。(圖片來源:[email protected]
林芊妤 Coffee Coffee與粉絲對話。
Coffee與粉絲對話。(圖片來源:[email protected]

撰文:東方新地圖片來源:[email protected]

讀者留言