Ivy So、Candy@COLLAR做中學歌唱比賽嘉賓 離場時被數十人包圍險釀意外

表演2首歌掀全場高潮

Ivy So及Candy當日以一身白色上衣及長牛仔褲現身，並演唱出COLLAR的歌曲《Never-never Land》和台灣樂隊的八三夭的《想見你想見你想見你》，之後又與台下學生不斷互動炒熱氣氛，掀起全場高潮。

離場時被幾十人包圍

兩人表演完之後登上保母車離開，不過卻因為圍觀的人實在太多，令保母車無法離開校園，期間更有幾十人湧到座駕旁邊不斷拍攝車內的Ivy So及Candy，更有人疑似拍打車窗。該片段火速在網上瘋傳，令大批網民狠批在場人士太自私，留言表示「圍車會嚇親佢哋，好容易有啲乜嘢碰撞」、「呢啲行為好幼稚」、「唔知以為係法庭門口記者影殺人犯」、「咁樣好易有意外」。

自稱學生發文澄清 有歌迷混入學校追星

有自稱參加該歌唱比賽的學生發文表示，當日有一班非師生的外來人士在學校入面：「我爸爸媽媽當日等入場嘅時候，就見到一大班唔係學校師生嘅人，亦即係2位artists嘅fans，喺圖書館大大聲暢所欲言，食嘢飲嘢，老師叫佢哋靜都冇人聽，冇人理。」該名學生亦表示，得知有人在某粉絲群組反映學校安排太差，希望能夠幫學校澄清一番：「呢個show係一個校內比賽，同埋俾（畀）校師生享受嘅表演，冇人要奉旨服侍你哋，請大家尊重規矩同場合。」

該學生亦在文中澄清，歌唱比賽後引起騷動的並非該校學生：「當2位artists表演完而準備頒獎嘅時候，fans諗都唔諗就想衝出去場外睇COLLAR，完全0尊晒成個show同節目，大家都已經好客氣對待，但而家矛頭指咗我哋學校嘅學生到（度），我認為非常之唔公平。」

《全日制COLLAR學院》突擊檢查酒店房

《全日制COLLAR學院》第一集「抵埗東京初體驗」中，由於COLLAR隊長Gao（沈貞巧）和成員Sumling（李芯駖）已率先飛往日本，所以首集只得Candy（王家晴）、Day（許軼）、Ivy（蘇雅琳）、Marf（邱彥筒）和Winka（陳泳伽）五位成員一齊飛抵東京，到達住宿的地方後，五人分住三間房，其中Candy和Day同住，Marf和Winka同住，Ivy則獨佔一間房。

影埋Ivy So「阿婆底」

節目組隨即拉隊突擊查房，帶領觀眾到COLLAR酒店房中探秘，結果Ivy被發現房中掛了一條「阿婆底」！睇翻ViuTV《製作中》的花絮片段，原來這條「阿婆底」本來有打格，但入到到房內做訪問時，節目組就唔記得遮住，令到這條「阿婆底」出現在Ivy身後，令網民驚嘆節目果然夠真實：「連底褲都影埋！」

Candy、Day同房亂到七彩

另一段直擊Candy與Day酒店房的片段亦引起網民關注，除了因為房間十分凌亂，亦因為節目組直擊了兩人著衫的花絮！網民紛紛表示：「牙日啲嘢亂到」、「勁亂」、「半個喼都係衫」、「去程已經超重」、「牙糖終於識用另一半喼」等等。

即睇《全日制COLLAR學院》花絮片段：

網民都大讚Ivy、Candy同Day都好可愛！