Depp v Heard Netflix｜熱播尊尼特普夫妻決裂紀錄片竟招惹3大負評?!

Depp v Heard Netflix｜紀錄片分集重點

depp v heard depp v 《Depp v. Heard》共有三集，以不同切入點角度回顧這樁審訊。 — 《Depp v. Heard》共有三集，以不同切入點角度回顧這樁審訊。（圖片來源：Netflix）

Depp v Heard Netflix｜Episode 1. Truth on Trial（47分鐘）

《Depp v. Heard》第一集先以緊湊角度剪輯控辯雙方的證詞，全世界關注的案件正式開庭，除了庭上畫面還有隨之而來的網絡回應，首集追溯了Johnny Depp與Amber Heard兩人關係的開始，以及讓關係生變的種種事件，第一集30分鐘就進入「床上大便」的重點！

Depp v Heard Netflix｜Episode 2. Breaking the Internet （48分鐘）

《Depp v. Heard》第二集聚焦大眾對案情的關注，網絡起風雲，在法庭外的討論進一步白熱化，社群媒體上錯誤資訊瘋傳。審判進行到回顧在澳洲發生的事件。

Depp v Heard Netflix｜Episode 3. The Viral Verdict （50分鐘）

《Depp v. Heard》第三集Johnny Depp的團隊透過有力證詞，邀請Kate Moss登場，視像作證否認曾被Johnny Depp推落樓梯，直接「打臉」Amber Heard的可信度問題；Amber Heard的團隊則針對Johnny Depp的人品開砲。判決結果引發一波和#MeToo運動有關的討論。

Depp v Heard Netflix｜花生位1. TikTok 審判帶有偏見

Netflix新推的紀錄片《Depp v. Heard》，除咗紀錄返Johnny Depp同Amber Heard的世紀官司之外，仲有埋唔少「評論家」如一啲TikTok、Twitter、YouTube的KOL、網民對呢單官司的分析同睇法，雖然令觀眾唔駛下下咁悶聽複製的法律論點，不過唔少人就認為咁樣有會令描述唔夠完整且帶有偏見，而且紀錄片中普遍言論都係支持Johnny Depp。

depp v heard Depp v. Heard — 紀錄片中普遍言論都係支持Johnny Depp。（圖片來源：DEPP V HEARD）

Depp v Heard Netflix｜花生位2.草率又膚淺紀錄片缺乏深度

《Depp v. Heard》仲被外國評論網站狠批草率又膚淺！認為紀錄片分析缺乏深度，好似只係透過一啲TikTok平台上的花生友表達吓意見咁。

Depp v Heard Netflix｜花生位3. 對Amber Heard 2次網絡欺凌？

有評論更認為今次《Depp v. Heard》紀錄片係對Amber Heard 2次網絡欺凌。其原因指紀錄片不斷放大對Amber Heard負面的評論，而且內容仲要係針對兼無情的嘲笑，如果本身唔知呢單嘢詳細內容的人可能會被模糊！還以案中其中一個焦點「糞便」暗嘲Amber Heard。

Depp v Heard Netflix｜正方立場：力撐紀錄片「其實係揭露社會弊病！」

Netflix《Depp v. Heard》的處理手法雖然獲得唔少負評，但仍有不少影評人力撐，認為今次紀錄片除咗簡易令觀眾了解呢場官司之外，其實係想揭露社會弊病！《Depp v. Heard》審判咗YouTube、TikTok、Twitter的言論，當時的人點樣帶風向、KOL為咗增加follower而不斷將呢件事抽水、TikTok的人點樣扮Amber Heard，將佢唔好的經歷拎出嚟笑等問題。同埋《Depp v. Heard》有試圖突出Johnny Depp粉絲壓倒性支持的問題，以及metoo的影響。