鍾培生

Do姐邀鍾培生上節目 質疑「林鍾之戰」係夾計宣傳 網民狂畀嬲:聽到熄機

最新娛聞

廣告

Do姐(鄭裕玲)主持的電台節目《口水多過浪花》周不時都會邀請不同的名人明星上節目做訪問,昨日一集Do姐就搵來鍾培生做嘉賓,訪問了他多個問題,包括問他和林作的「林鍾之戰」係咪夾埋?又講到關於鍾培生的事業同野豬等話題,但卻惹來網民一面倒負評,更嬲爆話:「聽到熄機!」

文:東方新地|圖:Do姐及鍾培生IG、《口水多過浪花》影片截圖

鍾培生轟林作:不尊重女性

在昨日(6月22日)的一集《口水多過浪花》上,Do姐(鄭裕玲)問到鍾培生和林作的「林鍾之戰」,是否兩人夾埋,想做宣傳同賺錢?鍾培生肯定地回答:「一定唔係!因為我哋係道不同不相為謀。」他指在他提出打拳賽之前,已經有很多人將兩人相提並論,原因是兩人在同一日生日(12月23日),雖然兩人當時其實並不認識。

鍾培生 Do姐邀鍾培生上節目《口水多過浪花》做嘉賓,更在社交網進行直播,睇真啲,鍾培生左邊眼角充血,似乎被人打爆眼。
Do姐邀鍾培生上節目《口水多過浪花》做嘉賓,更在社交網進行直播,睇真啲,鍾培生左邊眼角充血,似乎被人打爆眼。(圖片來源:Do姐IG)
鍾培生 原來Do姐早前都有同鍾培生合作拍過無綫節目《識貨》。
原來Do姐早前都有同鍾培生合作拍過無綫節目《識貨》。(圖片來源:鍾培生IG)

鍾培生指當時網民都係讚他較多,但他完全不想和林作有所接觸,原因其一是覺得他很不尊重女性,其二是他好鍾意抽死人水,其三是他有很好的先天性條件,包括學歷好、家境好等,但他會用這些條件來「蝦蝦霸霸」,而不是去回饋社會,所以令鍾培生「好睇佢唔順眼」。

鍾培生 鍾培生指因為兩人同日生日,所以未有「抄我一百萬」事件發生前,他已經常被人將他和林作相提並論。
鍾培生指因為兩人同日生日,所以未有「抄我一百萬」事件發生前,他已經常被人將他和林作相提並論。(圖片來源:無綫影片截圖)

直到那次林作指鍾培生抽水「抄我一百萬」,他認為男人解決問題的方法,最公平、公正的地方就是擂台,所以就提出了「林鍾之戰」,Do姐即問他:「點解唔用有文化啲嘅方法呢?要用咁粗獷嘅方法?」他說:「由於依家嘅social media加上香港嘅法治,令到好多人可以唔respect人,而唔需要畀人punch in the face嘅,所以我覺得如果喺個擂台上面就可以光明正大咁做呢樣嘢,當然我係邀請佢嘅,佢可以選擇唔做,咁咪做一個懦夫囉!」

鍾培生 鍾培生話自己本身係個好唔鍾意嘈交嘅人,以往就算女友有不滿,他都會選擇檢討自己,而不會和對方嘈交。
鍾培生話自己本身係個好唔鍾意嘈交嘅人,以往就算女友有不滿,他都會選擇檢討自己,而不會和對方嘈交。(圖片來源:鍾培生IG)

提到「佛祖佳麗」Kirsten被林作消費一事,鍾培生指這件事令他覺得好反感,但因為9月「林鍾之戰」將至,所以他才未有就這件事再發言,他說:「我由Day One已經講會一拳打爆佢個嘴,呢件事係會發生嘅!」他又指自己現時一個星期最少有六日、每日朝頭早七點半都會準時到Gym Room操練,這是他對自己和對香港人的承諾,會盡力去為比賽鍛練自己。

鍾培生"
鍾培生自言是個業餘拳手,本身無咩運動細胞,加上手腳不協調,所以今次拳賽對他而言,也是一個挑戰。但講到對打贏「林鍾之戰」的信心,他直言係100%!(圖片來源:Do姐IG)

講到未來想做的事,鍾培生就話好想結婚生仔,因為覺得男人需要「修身齊家」,Do姐問他是否因為要傳宗接代、繼承家業?他說:「咁又冇,因為我爸爸媽媽好早婚,所以佢哋成日都叫我唔好咁早結婚!不過我覺得緣份係整定嘅,邊個係你老婆、邊個係你小朋友都係一早整定,當我屋企過得好好、好融洽,事業就一定會好。」

鍾培生 鍾培生提到自己過去撞過好多次板,公司都破產過好多次。
鍾培生提到自己過去撞過好多次板,公司都破產過好多次。(圖片來源:《口水多過浪花》影片截圖)

之後講到事業話題,鍾培生指自己早前投資了少許金錢在鄭中基演唱會上,因為他非常欣賞「暴龍哥」的搞笑形象,這也促使他踏出在人前「做自己」的第一步,他又舉例指劉德華在電影《與龍共舞》中都係做丑角,也令大家覺得好好笑。他表示因為決定「做自己」,所以他之前就在YouTube拍片講到自己「最憎最憎」的話題:野豬,他說:「野豬係非常之擾民,跟住我就拍咗條片去爆啲野豬,嗰條片之後就開始多人睇!」

鍾培生 鍾培生講到野豬就語氣激動,指好多弱勢社群在山頂受過野豬一家的驚擾。
鍾培生講到野豬就語氣激動,指好多弱勢社群在山頂受過野豬一家的驚擾。(圖片來源:《口水多過浪花》影片截圖)
鍾培生 不過Do姐就話:「野豬都好可憐,因為我哋人多,搞到佢哋冇地方住!」
不過Do姐就話:「野豬都好可憐,因為我哋人多,搞到佢哋冇地方住!」(圖片來源:Do姐IG)

節目播出後,網友幾乎一面倒對鍾培生畀嬲和負評,紛紛表示:「聽到一拳真係忍唔到熄機」、「條友講嘢完全冇內容」、「垃圾都可以上節目」、「拉低節目嘅質素」等,亦有網友攻擊鍾培生的衣著和外表,指他「件衫好皺」、「畫咗眼線」等等。

鍾培生 網友對鍾培生講野豬的言論非常不滿。
網友對鍾培生講野豬的言論非常不滿。(圖片來源:網友留言截圖)
鍾培生 網友普遍認同Do姐所講,認為野豬都好慘。
網友普遍認同Do姐所講,認為野豬都好慘。(圖片來源:網友留言截圖)
鍾培生 話野豬都覺得佢好乞人憎。
話野豬都覺得佢好乞人憎。(圖片來源:網友留言截圖)
鍾培生 亦有網友不滿鍾培生話要打爆林作個嘴。
亦有網友不滿鍾培生話要打爆林作個嘴。(圖片來源:網友留言截圖)
鍾培生 網友叫鍾培生檢討吓自己。
網友叫鍾培生檢討吓自己。(圖片來源:網友留言截圖)
鍾培生 又叫Do姐下次請唔到嘉賓就咪請。
又叫Do姐下次請唔到嘉賓就咪請。(圖片來源:網友留言截圖)
仲有網友指出鍾培生件衫好皺,仲畫埋眼線遮黑眼圈。
仲有網友指出鍾培生件衫好皺,仲畫埋眼線遮黑眼圈。(圖片來源:網友留言截圖)

即睇今集《口水多過浪花》精華版 ,Do姐:「你哋係咪夾埋㗎?」

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言