Edan個人演唱會︱第二場狠刪大半段棟篤笑自爆收DM被質問：好好笑呀？

Edan第2場演唱會認衰狠刪大半段棟篤笑：「堅持係啱但唔可以固執」

Edan個人演唱會首場內容豐富，邀請到《全民造星2》B3的4位成員一起玩「自抽」上演「偶像補習班」，重提自己向姜濤舉中指、提醒好兄弟不要隨便開餐廳做生意，更拿姜濤和髮型師Lydia的緋聞開玩笑等，Talk Show部分長達30分鐘。不過，有觀眾在首場結束後，投訴演唱會Talk Show部分太長、內容太無聊。Edan在第2場尾段分享心聲，坦言係自己決定刪走有關段落，爆出金句「堅持係啱但唔可以固執」，又說「Seven咗就要認」，為了有更好效果決定狠刪了大半段棟篤笑！

Edan在昨晚第二場直認「Seven咗要認」，所以狠刪棟篤笑內容。（圖片來源：東方新地）

Edan 有觀眾看完首場後，狠批演唱會太似嘉年華會，Talk Show部分亦太長太無聊。 — 有觀眾看完首場後，狠批演唱會太似嘉年華會，Talk Show部分亦太長太無聊。（圖片來源：東方新地）

首場扮姜濤舉燈牌自爆收DM質問「你覺得好好笑呀？」

向來出名「零偶包」的Edan，在首場演唱會中亦不忘搞笑，在過場期間播出惡搞MIRROR成員的影片，其中更扮姜濤在街頭學「姜糖」舉燈牌，認真搞鬼。不過，似乎惹來姜濤粉絲「姜糖」不滿，紛紛留言狠批Edan將隊友「擺上檯」。Edan昨晚亦在台上自爆收到DM被質問：「你哋有冇收到咩DM啊？我有啊：『你覺得好好笑呀？』、『你諗唔到嘢表演呀？』」。

edan 呂爵安又扮姜濤喺街頭劇燈牌。 — Edan首場扮姜濤喺街頭舉燈牌，又狂抽姜濤水。（圖片來源：東方新地）

Edan 姜糖不滿Edan擺「隊友」上檯。 — 疑似姜糖不滿Edan擺「隊友」上檯。（圖片來源：網民留言截圖）

58歲吳君如重口味「姑媽」造型做嘉賓

出名人緣好的Edan，首場邀請到MIRROR隊員Jer、《膠戰》「5膠」與《全民造星2》B3隊友做嘉賓，第2場台上嘉賓陣容同樣厲害，邀請到曾經合作拍電影《闔家辣》的鄭中基和吳君如。其中58歲的吳君如更「神還原」電影中的姑媽造型，以一身粉紅色緊身衣上陣，大唱《萬水千山總是情》。唱完之後更激吻Edan，錫到Edan面容扭曲，重口味得嚟又娛樂性十足！