Edan後援會宣佈解散被爆5大罪！鬧「爵屎」係白卡數百萬會費未經同意就捐

Edan@MIRROR後援會解散被爆5大罪

1）後援會Admin鬧「爵屎」係白卡

自稱Edan後援會總務部Leader的Kiwi貼出多張對話截圖，指後援會Admin經常稱呼唔聽話嘅「爵屎」為「白卡」：「邊個爵屎係谷或外面谷話過EFC，其實都會記落白卡名單。」Admin們不但會一同取笑與攻擊「白卡名單」的爵屎，有Admin誇張到放天燈時候寫埋「白卡去死」。

更誇張的是，Admins對海外EFC並不友善，抗拒合作。有海外FC曾私訊呂爵安，希望授權借圖做應援，呂爵安回覆OK，admins竟連呂爵安都鬧埋：「WTF佢O乜K？」，「做乜要覆佢哋？」，直斥Edan「not first day on9」。

Edan Admin都稱部分「爵屎」為白卡 — Admin都稱部分「爵屎」為白卡（圖片來源：TG截圖）

Edan 只要唔聽話都會被列入「白卡名單」 — 只要唔聽話都會被列入「白卡名單」（圖片來源：TG截圖）

Edan 放天燈都要寫「白卡去死」 — 放天燈都要寫「白卡去死」（圖片來源：TG截圖）

2）操控抽飛結果唔聽話會被Blacklist

Kiwi又大爆粉絲會的抽獎活動均是「黑箱操作」，凡是被記落「白卡名單」的粉絲們，都不會抽中演唱會門票：「捉捉下（白卡）應該冇人有得抽」、「發現啲白卡都幾好運，咁都有得抽中」、「抽中左都會起出黎或比西位佢」等。事後Kiwi逐一聯絡「白卡名單」中的粉絲們，證實他們的確從未抽中後援會的抽獎活動。

Edan 被列入「白卡名單」的爵屎的確冇被抽中。 — 被列入「白卡名單」的爵屎的確冇被抽中。（圖片來源：TG截圖）

3）自肥拍Edan MV 鬧Edan為「豬隊友」

Edan後援會Admin早前被指自肥帶朋友齊齊拍Edan MV，事後更出現於Edan MV幕後花絮Vlog中，令事件曝光。當一班Admin發現自己出現喺Edan Vlog入面，就即刻在群組中鬧Edan為「豬隊友」，仲話：「醒少少當幫忙啊豬隊友」、「返工Vlog剪走我得唔得」、「大腦很讚，記得要用」等。

Edan Admin被發現自肥去拍Edan MV — Admin被發現自肥去拍Edan MV（圖片來源：大會提供）

Edan 被發現就發爛渣鬧Edan係「豬隊友」 — 被發現就發爛渣鬧Edan係「豬隊友」（圖片來源：TG截圖）

4）直言對Edan「唔太愛」

Kiwi又貼出截圖大爆Admin們直言對Edan「唔太愛」，又指自己本命並不是Edan，更表示要盡快脫粉，繼續追原本追開的韓國、泰國明星，睇到爵屎們無言又眼火爆。

Edan 直言對Edan「唔太愛」 — 直言對Edan「唔太愛」（圖片來源：TG截圖）

5）Admin曾私下怒斥其他應援站

Edan粉絲後援會一直是非多多，前年就已經一度被傳出Admin之一的「May」處事能力低，May更一度接受傳媒訪問為自己辯護。今次May又再次被翻出黑歷史，被指曾經私下發長文怒斥Edan Follow其他Edan應援站：「宜家Follow咗姐係點？比起嬲更多是失望同心淡，覺得自己都可有可無。咁大個人自己識諗啦，路係自己揀。」

Edan 睇嚟Admin May真係好嬲Edan Follow其他應援站。 — 睇嚟Admin May真係好嬲Edan Follow其他應援站。（圖片來源：網上圖片）

Edan後援會宣佈解散：在此向Edan致歉

爆料一傳出，一眾「爵屎們」都紛紛表達不滿，以hashtag「#adminleaders請解散」、「#adminleaders請向呂爵安及爵屎道歉」提出要求。昨晚（8日）Edan後援會終於在群組中宣佈會解散團隊，現正售賣的周邊產品都會停止發售並且進行退款，後援會所有餘下款項亦將以呂爵安的名義捐出，邀請有意接任者組成團隊接手。雖然在聲明文有對Edan致歉，但就沒有向其他爵屎們道歉。

Edan Edan粉絲後援會宣佈解散！ — Edan粉絲後援會宣佈解散！（圖片來源：IG@edanlui_fansclub）

Edan 因為後援會將TG Group禁止發言，所以Edan特登開IG Channel繼續同爵屎們講早晨。 — 因為後援會將TG Group禁止發言，所以Edan特登開IG Channel繼續同爵屎們講早晨。（圖片來源：IG@edanlui）

爵屎繼續狠批：未經會員就話捐資金

雖然現任Admin宣佈下台兼解散後援會，但爵屎們依然對後援會的安排感到不滿，不但狠批後援會Admin未有就「白卡」發言道歉之外，又指後援會的資金大部分為爵屎們的會員費，但卻在未經會員的同意下就宣佈捐資金。據了解，後援會現時有超過7000名付費會員，再加上其他應援的集資，總數高達數百萬元，因此未經同意就宣布捐出實在是過分之舉。