ERROR

ERROR演唱會|193騷前確診淚曬當場 四子齊心叫MIRROR「收皮」

最新娛聞

廣告

今晚一連4場《明星生活 ERROR LIVE SHOW 2022》在九展開鑼,由肥仔(梁業)、阿Dee(何啟華)、193(郭嘉駿)和保錡(吳保錡)組成的ERROR四位一體,號召力與MIRROR不遑多讓,全場座無虛席,粉絲合力炮製的應援打卡位及應援食物真係好誇張,ERROR家陣紅到發紫,獲不少圈中名人贈送花籃,包括保錡偶像張家輝、張敬軒,以及早前曾在個唱中點名多謝ERROR的鄭伊健等。

ERROR ERROR今晚開騷,號召力與MIRROR不遑多讓。
ERROR今晚開騷,號召力與MIRROR不遑多讓。(圖片來源:IG@wayii)
ERROR ERROR唱完串燒歌即交個台畀阿Dee何啟華,由佢打頭陣表演棟篤笑。
ERROR唱完串燒歌即交個台畀阿Dee何啟華,由佢打頭陣表演棟篤笑。(圖片來源:IG@wayii)

宇宙天團ERROR白馬王子Look登場

今晚(16日)ERROR在九龍灣展貿中心舉行一連4場的《明星生活ERROR Live Show 2022》演唱會,$980最貴位置最快被掃清,原定3場最後要加開多一場先夠應付,可想而知ERROR吸粉能力絕對不容忽視,頭場更吸引不少圈中人前來捧場,當中包括宣萱、姜皓文和太太、廖碧兒、小儀等。ERROR四子以白馬王子造型登場,先以串燒歌《404》、《我們很帥》、《我們不Chok》和《我們不碎》拉開序幕。

ERROR ERROR四子以白馬王子造型登場,令台下粉絲不停尖叫。
ERROR四子以白馬王子造型登場,令台下粉絲不停尖叫。(圖片來源:viu1hk影片截圖)
ERROR 193在最後綵排時自拍。
193在最後綵排時自拍。(圖片來源:IG@deniskwok193)

阿Dee棟篤笑 自嘲脫貧搞氣氛

ERROR唱完串燒歌即交個台畀阿Dee何啟華,由佢打頭陣表演棟篤笑,他笑言觀眾入場睇棟篤全笑為睇人除褲,個唱就為睇人除衫,而他就一次過滿足大家這兩個願望,即場除衫除褲,不過內有搞笑背心和另一條長褲打底。阿Dee自嘲發現食飯唔使睇價錢,搭的士唔使找錢時,先發現自己真係明星,「以前食三餐都要睇價錢牌做人,檸底加冰底8蚊,乜檸嘢冰咁巴閉?」不過成名的代價就是令生理時鐘錯亂、腸胃不適,而且變得迷信,他大晒手上的綠色名錶笑指綠色旺自己:「我稱佢為安心撈,望到佢就好安心,我用原價買,如果依家放出去就由5位數變6位,我冇得撈時,佢都仲開緊工,所以望住佢好安心!」

ERROR 阿Dee的楝篤笑好多自嘲位,贏盡掌聲。
阿Dee的楝篤笑好多自嘲位,贏盡掌聲。(圖片來源:viu1hk影片截圖)
ERROR 阿Dee話依家食飯唔再睇價錢做人,有時仲會叫兩個餐,食剩打包返去喂經理人「阿濟」。
阿Dee話依家食飯唔再睇價錢做人,有時仲會叫兩個餐,食剩打包返去喂經理人「阿濟」。(圖片來源:viu1hk影片截圖)

193講Hater嬲到爆粗

保錡演唱3首個人單曲,當中更請來他視為女神的Hedi李靜儀合唱《獨琑》,以及《羅曼蒂克衰亡史》,保錡表示非常感激Hedi肯做嘉賓,更憶述大約10年前追星守候Hedi的片段。ERROR四子全晚在台上的言論都好踩界,貫徹他們的作風,講到Hater的問題,193說:「因為我實行動態清零,邊個鬧我,我就Block邊個,喺街嚟鬧我我當聽唔到,喺網上唔block X你就唔叫193。」

ERROR ERROR四子全晚在台上的言論都好踩界,貫徹他們的作風。
ERROR四子全晚在台上的言論都好踩界,貫徹他們的作風。(圖片來源:IG@wayii)

四子叫MIRROR「收皮」

平時說明比較有分寸的肥仔,終於忍唔住,他表示自己在《季前賽》的演技遭母親批評,其母更大讚Edan演技不浮誇好自然,為此肥仔回應:「Edan收皮啦!」之後再大叫:「Edan、Anson Lo、姜濤收皮啦!」四子好齊心逐個叫出MIRROR成員叫他們「收皮」,人人有份,不過ERROR最後都有叫自己「收皮」!

ERROR 193感受到粉絲的厚愛,又喊。
193感受到粉絲的厚愛,又喊。(圖片來源:Viu1hk影片截圖)

193一時感觸唱到喊

193自爆開騷前中招,康復後狀況依然差,今日要打類固醇針才能開聲,193 又重提去年做生意的小額錢債糾紛,一句「燒畀你」令他衰咗一年,他表示已知錯唔敢再衰多口,感性的193對於被粉絲指接近完美,感覺好唔真實,最後獻唱新歌《越州公路193》送給所有老婆們,193仲唱到喊同粉絲表白:「冇你哋行唔到今日」。

ERROR 欣宜為ERROR頭場做嘉賓,仲當自己係禮物送出去。
欣宜為ERROR頭場做嘉賓,仲當自己係禮物送出去。(圖片來源:IG@princejoyce)
ERROR 193即場親吻欣宜玉手。
193即場親吻欣宜玉手。(圖片來源:IG@princejoyce)

欣宜叫ERROR拆禮物

肥仔亦有Solo環節,估唔到佢會揀選多首郭富城的歌曲,包括《鐵幕誘惑》、《唱這歌》、《新的喝采》、《對你愛不完》、《Para Para Sakura》,今日還有鄭欣宜驚喜現身,與ERROR合唱《報復式浪漫》,唱完仲話放大禮畀ERROR,她把一隻粉紅色蝴蝶頭飾放在頭上,向四子大叫:「拆我啦!」為現場增添歡樂氣氛。

ERROR 193開騷前與粉絲送入後台的應援食品自拍。
193開騷前與粉絲送入後台的應援食品自拍。(圖片來源:IG@deniskwok193)
ERROR 送給193的花牌最多。
送給193的花牌最多。(圖片來源:IG@deniskwok193)
ERROR 193班老婆sss真係好誇張。
193班老婆sss真係好誇張。(圖片來源:IG@deniskwok193)

場外打卡位好吸引 「193老婆」應援最瘋狂

今晚開騷前正當ERROR四子在場館內準備演出之際,場外已有大批粉絲一早到場為偶像應援,分別為四子設計了多個打卡位,當中以193的粉絲聲勢最為浩大,有近百位「193老婆SSS」在場拎晒燈牌公開愛的宣言,還有應援物品即場派發,此外,大量食物及飲品被送入後台供ERROR及幕後人員享用,感覺如同國際巨星的排場。

ERROR
(圖片來源:Facebook截圖)
ERROR
(圖片來源:Facebook截圖)
ERROR
(圖片來源:Facebook截圖)
ERROR
(圖片來源:Facebook截圖)
ERROR
(圖片來源:Facebook截圖)
ERROR
(圖片來源:Facebook截圖)

ERROR吸金力大爆發周邊產品被指價錢公道

ERROR今次的演唱會推出好幾款周邊產品,有近期大熱Board Game($390),還註明是「會場限定」,ERROR四子的Card Set($280), 但要數最具人氣兼高CP值絕對是Q版卡通圖案Tee,售價$280還有黑白色揀,粉絲們未見到真身已激讚ERROR周邊產品價錢實惠又好玩,還留言表示:「件Tee唔錯!$280好為fans著想!」「買爆!!!有Board Game咁正有得玩!!!」「幾有心機嘅紀念品」睇嚟ERROR今次會賺到笑。

ERROR 一般演唱會的周邊產品,慣性都被評為呃錢或唔等使,今次ERROR的周邊產品除得到粉絲認同外還被大讚價錢公道。
一般演唱會的周邊產品,慣性都被評為呃錢或唔等使,今次ERROR的周邊產品除得到粉絲認同外還被大讚價錢公道。(圖片來源:[email protected])
ERROR
(圖片來源:[email protected]
ERROR
(圖片來源:[email protected]
ERROR
(圖片來源:[email protected]
ERROR Board Game近年大熱,今次連ERROR都摻一腳推出會場限定版,相信又會牽起炒風。
Board Game近年大熱,今次連ERROR都摻一腳推出會場限定版,相信又會牽起炒風。(圖片來源:IG@deegor_hkwa)
ERROR 由保錡親身示範為今次演唱會推出的黑Tee。
由保錡親身示範為今次演唱會推出的黑Tee。(圖片來源:IG@deegor_hkwa)
ERROR 193身上的ERROR卡通人物構圖Tee,相信是周邊產品中大賣之選。
193身上的ERROR卡通人物構圖Tee,相信是周邊產品中大賣之選。(圖片來源:IG@deegor_hkwa)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@deniskwok193、IG@deegor_hkwa、Facebook截圖