復仇者聯盟

狼人有望加入《復仇者聯盟》 FOX被收購後大量超英回歸Marvel

最新娛聞

廣告

Marvel公司近年發展得如日中天,但其實佢哋都曾經經歷過低潮,被逼將大量超級英雄版權出售,令原本漫畫版中嘅《復仇者聯盟》喺電影版變得支離破碎。依家好消息嚟啦!因為Marvel嘅母公司迪士尼成功收購FOX,即刻黎盤點吓到底有邊啲人物會強勢回歸呢個超級英雄大家庭啦!

撰文:占士、Evita Suen│圖片來源:Marvel、電影截圖、電影海報、Twitter@Russo Brothers│編輯:占士

狼人、暴風女神有望加入《復仇者聯盟》 FOX被收購後大量超英回歸Marvel

相信有留意超級英雄電影嘅對呢班角色一定非常熟悉,但你又知唔知喺原著中有又邊啲人物因為版權關係,而無法出現喺《復仇者聯盟》呢?當中有好多大家熟悉嘅人物㗎!

1. 狼人(Wolverine)

狼人早喺2000年嘅《變種特攻》(X-Men)首次登場。狼人作為X-Men最受歡迎嘅人物之一,加上喺漫畫版亦係《復仇者聯盟》成員,今次FOX被收購令好多美漫迷都非常期待狼人會喺未來嘅Marvel電影中現身!可惜扮演狼人嘅Hugh Jackman早已宣布喺拍完《盧根》後就唔再演出呢個角色。唔係由Hugh Jackman扮演嘅話,乜仲係狼人咩?

2. 神奇四俠( Fantastic Four)

除咗狼人之外,一班漫畫迷最期待可以喺《復仇者聯盟》電影中見到嘅角色,肯定非神奇四俠莫屬啦。不過《神奇四俠》電影幾乎肯定要換角啦!因為喺舊版扮演Human Torch嘅演員,就係扮演美國隊長嘅Chris Evans;而喺新版Human Torch就係喺《黑豹》飾演大反派齊爾蒙格(Killmonger)嘅Michael B. Jordan。但無論邊個演出都好,只要四位能夠現身《復仇者聯盟》,相信班漫畫迷應該都心滿意足㗎啦。

3. 暴風女神(Storm)

黑寡婦(Black Widow)同紅女巫(Scarlet Witch)喺電影版出現之前,暴風女神簡直係粉絲中公認嘅超英女神!暴風女神一頭白髮、加上呼風喚雨時反白眼個樣真係非常有型!漫畫版中暴風女神亦係《復仇者聯盟》成員,大家都好期待呢個角色回歸。

4. 磁力王(Magneto)

無論係由Ian McKellen扮演嘅年老版磁力王,定係由型男Michael Fassbender扮演嘅年輕版磁力王,喺全球都一樣有無數擁躉。相信呢個亦正亦邪嘅經典角色喺《復仇者聯盟》現身嘅話,肯定會擦出好多新火花。

5. 牌王(Gambit)

漫畫中作為X-Men一份子嘅牌王一直有多支持者,好多粉絲都希望牌王能夠推出個人電影,近年亦有報道指2019年將會上映呢個角色嘅電影版,仲請到型男Channing Tatum主演添!不過依家角色版權換來換去,真係唔知呢個角色嘅個人電影會唔會受到影響,小編都好希望睇到呢套戲呀!

6.死侍(Deadpool)

死侍抵死嘅風格令好多影迷睇完都笑到腸穿肚爛!死侍除咗超能力勁過人,死侍同其他Marvel英雄嘅關係亦係大家嘅焦點,尤其是喺漫畫版中同蜘蛛俠嘅手足情,令網民引發無限遐想!所以呢次死侍回歸Marvel,大家最想睇到嘅,就係佢同蜘蛛俠嘅互動呀。

7. 彈頭(Negasonic Teenage Warhead)、8. 雪緒(Yukio)

齋睇「彈頭」呢個名,各位未必醒起佢係邊位,但只要有睇過《死侍》你就會知佢係邊個,就係死侍嘅𡃁妹拍檔,黑口黑面寸寸哋嗰位少女。彈頭亦喺第二集成功媾到另一個變種人雪緒(Yukio)。既然彈頭經已回歸Marvel,相信雪緒亦唔會另外啦,無理由要斥散呢對變種人鴛鴦嘅。

9. 機堡(Cable)

既然有一班X-Force嘅成員回歸Marvel,咁當然唔少得機堡啦!值得一提嘅扮演機堡一角嘅Josh Brolin早已經喺《復仇者聯盟》中扮演大反派魁隆(Thanos),不過又無話唔可以一人分飾兩角嘅,魁隆喺戲入面個樣紫到咁樣,唔講嘅話分分鐘冇人發現其實兩個角色係同一個演員㗎。

10. 鳳凰(舊譯:靈鳥)(Phoenix/Jean Grey )

擁有全變種人中最高能力嘅Jean Grey一直都係漫畫版核心人物之一,就算去到電影版亦然。Jean Grey喺2006年嘅電影《變種特攻:兩極爭霸》中曾經失控變成黑鳳凰殺死X教授、於《變種特攻:天啟滅世戰》亦用上鳳凰之力將天啟(Apocalypse)打敗!

暫定明年年中上映嘅《變種特攻:黑鳳凰》入面,Jean Grey似乎亦會再次失控!仲有傳Jean Grey將會喺新戲誤殺一名《變種特攻》嘅重要人物添!而呢次角色回歸Marvel,扮演年輕版Jean Grey嘅Sophie Turner亦表明好希望可以加入《復仇者聯盟》,不過成唔成事就仍然係未知之數啦。

延伸閱讀:

網民創意拆解《復仇者聯盟4》戲名

佈局十年後推出的《復仇者聯盟3:無限之戰》劇情非常虐心,令很多影迷都推測英雄們是否真的灰飛煙滅,更不斷拆解劇情發展。《復3》口碑和票房都大豐收,而第4集將於2019年上映。

羅素兄弟早前公開表示希望觀眾能夠消化電影,會在《Marvel隊長》的預告出爐後才發表有關《復仇者聯盟4》的細節。而羅素兄弟亦沒有令觀眾失望,在Twitter上載一張Joe Russo在片場的照片,並寫到 “Look hard…”(睇真啲),像是暗示圖中有線索。

有不少網民都認為相片跟《復4》有關,指自己找到4個「A」字和數字「4」,更有大批網民發揮創意,在相中寫出外界推測的《復4》戲名”End Game”。

這位網民相當有創意,竟然「找到」蟻俠!

羅素兄弟留下Look hard和照片後就沒有再說甚麼,看來《復4》消息都要等《Marvel隊長》上映後才會一一透露。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!