G.E.M.

宇宙G.E.M.化身超級英雄殺入Marvel 絕招係咪「兒夜姨野以夜儀野」

最新娛聞

廣告

「兒夜姨野以夜儀野」一睇到依句嘢真係無聲仿有聲呀!唔怪得之阿G.E.M.鄧紫棋一喺IG發文,公布變成超級英雄JEWEL之後,即刻有網民話佢嘅絕招就係「兒夜姨野以夜儀野」呀!

撰文:占士 │圖片來源:IG連登、節目截圖、東方新地|編輯:占士

宇宙G.E.M.化身超級英雄殺入Marvel 絕招係咪「兒夜姨野以夜儀野」

其實阿G.E.M.喺舊年年底已經同Marvel之父Stan Lee有過一面之緣,當時已經有唔少網民估計兩人將會有合作計劃,依家相隔大半年後,謎底終於揭曉啦!

日前一個以《 Stan Lee’s Comic Universe》為名嘅展覽喺上海舉行,雖然Stan Lee本人冇出席,不過就公布咗一個以阿G.E.M.為藍本嘅超級英雄JEWEL,名字同阿G.E.M.個名一樣有寶石嘅意思,真係好有心思呀!

JEWEL呢個超級英級個名嘅意思就同阿G.E.M.一樣,不過外型就被班網民批評到體無完膚啦。

G.E.M.繼「蟲蟲裝」後又一力作

網民:搞乜鬼成隻水母咁樣

阿G.E.M.把聲把聲靚當然係不容置疑,不過造型方面就不時被人批評,難怪一見到佢化身超級英雄個造型大家都忍唔住諗起佢過往嘅「經典」打扮呀。仲有網民話佢自從北上搵真銀之後,連造型都非常「迎合國情」,簡直係走在內地fashion尖端呀!

有網民話阿GEM呢套衫係阿婆底褲加螢光外套。

呢套就適合玩抖音拍學貓叫。

講到阿G.E.M.近年嘅fashion力作,不得不提梗係呢套「蟲蟲裝」。貼身透視長裙確係吸晴嘅,不過無論係遠睇定近睇,阿GEM上身一條條「蟲蟲」嘅點綴,不論係粉絲定係尖酸刻薄嘅網民都口風一致咁話,呢套衫好得人驚呀!

唔知係咪因為網民反應太熱烈嘅關係呢?阿G.E.M.後來嘅打扮似乎收儉咗唔少,似返一個正正常常嘅後生女啦。

不過阿G.E.M.間中又會有失手嘅時候,搞到有網民話佢返內地做嘢後,做到連打扮都勁「貼地」。

比起阿G.E.M.鄧紫棋嘅「蟲蟲裝」同「阿婆底褲」,佢最近呢啲打扮真係濕濕碎……點知網民發現佢近日又有驚人打扮,話佢呢套出海嘅look好似水母咁呀!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!