Heidi示範內衣當上衣穿著造型 唔係大胸先叫性感!

最新娛聞

女子組合Super Girls成員Heidi(李靜儀)人靚聲甜,皮膚白滑有長腿,可惜就係上圍比較平平無奇,不時被網民冷嘲熱諷!不過Heidi BB一向好少理,早前佢獲美國內衣品牌Victoria’s Secret邀請到紐約睇內衣騷,旅程中有唔少內衣當上衣穿著的造型,性感得來不帶俗氣,索呀!

撰文:東方新地|圖片:Instagramheidibibe、東方新地、電視截圖

Heidi李靜儀睇「維密」內衣騷

Super Girls成員Heidi(李靜儀)過往曾到米蘭出席時裝周,近日又獲美國殿堂級內衣品牌Victoria’s Secret邀請到紐約睇內衣騷,難怪Heidi都話未出發先興奮!去到呢個「男生夢寐以求想睇既show」,Heidi成功跟多位超模集郵,十分幸運!

示範內衣當上衣穿著造型

呢趟紐約之行中,Heidi當然少不了喺IG狂晒靚相,其中見到佢有唔少以內衣當上衣穿著的造型,西裝外套配內衣夠穩陣,雖然Heidi絕對唔係營造到波濤「胸」湧效果,但造型甚有時尚感,性感得來不帶俗氣,索呀!

更多內衣配搭:

唔係大胸先叫性感!

延伸閱讀:

Heidi挑戰黑絲床照

早前Heidi BB去咗法國旅行時,見到Heidi身穿短裙仔及黑絲,擺出多個性感甫士,再加上嫵媚誘人的表情,一眾男士們都睇到不行了!

仲有其他黑絲造型:

巴打睇完都紛紛留言:

同場加映:

Heidi BB被嘲胸似背脊…

Heidi曾喺社交網上載法國旅行照,相中見佢着住件長袖大露背衫,勁騷白滑玉背,畫面好吸睛!不過呢啲時候總有口賤網民出現,留言問「有冇(人)話我知呢個係正面定背面?」

神回應自抽獲讚EQ高!

點知Heidi BB自嘲回覆話「你鍾意既(嘅)都可以話係正面」,似乎大方承認自己身材真係好平,但又無嬲豬喎!

恥笑身材事件簿

如果講返Heidi被網民嘲笑身材事件簿,一定要提兩年前的香港先生選舉!擔任嘉賓的Heidi一襲蕾絲長裙,長腿與上圍若隱若現,高貴又性感,完美呀!

不過等等先… 另一個角度睇就穿晒煲啦!一向身材平板的Heidi搏到盡谷胸,不過衰在太貪心,加得太多墊搞到離晒罩,成件事錯晒!下次Heidi都係揀番件適合自己嘅晚裝啦⋯

改晒靚背無得輸!

其實人最緊要認清自己優點,上圍唔「胸」湧又有咩所謂!Heidi BB身材高佻又平均,肌膚白滑,所以佢就決定唔哂咁多胸,改哂靚背!今年新年時,Heidi大放福利。牛仔褲再搭一件性感上衣,大晒玉背,把她嬌嫩白滑的肌膚表露無遺!

小編就覺得Heidi BB樣子甜美,著衫又好睇,唔係下下露胸先靚嘛!

讀者留言