Ian陳卓賢

Ian陳卓賢被指犯4宗罪 格衰遭雪藏隨時跌落下弦 舊同學現身幸災樂禍

最新娛聞

廣告

Ian陳卓賢本來是MIRROR第一個出solo作品,不過人氣每況愈下,近日有消息指Ian因性格差經常發脾氣,被公司「半雪藏」,咁搞法分分鐘跌落下弦。

陳卓賢 近有日消息指Ian因格衰被「半雪藏」。
近有日消息指Ian因格衰被「半雪藏」。(圖片來源:IG@iancychan)

Ian陳卓賢被傳係「性格巨星」 得罪公司新劇主角變路人

29歲Ian陳卓賢是MIRROR第一個推出個人單曲的成員,本身文質彬彬又唱得,不少鏡粉都對他寄予厚望;可惜一路有傳他少爺脾氣,曾向MIRROR隊友及工作人員發火,被公司MakerVille「半雪藏」。他與姜濤本身擔正新劇《季前賽》,但因性格差得罪公司而戲份大減,改由Edan呂爵安頂上。

陳卓賢 有指Ian本身同姜濤擔正新劇《季前賽》,不過因為性格差發脾氣,所以被大抽戲份做閒角。
有指Ian本身同姜濤擔正新劇《季前賽》,不過因為性格差發脾氣,所以被大抽戲份做閒角。(圖片來源:《季前賽》劇照)

Ian被狂數格衰4宗罪

1.拍MV小事化大躁隊友

有指MIRROR去年拍攝《WARRIOR》MV時,Ian到場後發現有隊友攞錯其歌衫並著上身,他即時大發脾氣;到拍攝完成後,仲嬲到即刻除衫掉落地,結果要工作人員執手尾。

陳卓賢 消息指Ian拍《WARRIOR》MV時,因隊友攞錯佢套衫而即場發火,事後仲掉衫走。
消息指Ian拍《WARRIOR》MV時,因隊友攞錯佢套衫而即場發火,事後仲掉衫走。(圖片來源:IG@iancychan)

2.累花姐孭鑊

承接上述MV發火事件,Ian格衰驚動公司高層,有指經理人花姐要出面代Ian向公司道歉。

陳卓賢 有指Ian拍MV發脾氣一事驚動公司高層,累到花姐要親自代Ian道歉。
有指Ian拍MV發脾氣一事驚動公司高層,累到花姐要親自代Ian道歉。(圖片來源:ViuTV)

3.公私不分同女友片場鬧交

Ian臭脾氣現場發火不止一次,有消息人士指,他與女友盧慧敏拍攝定情作《無限斜棟有限公司》時,二人撻著冇耐就喺片場鬧交,當時Ian同女友趕晒所有人出門口,二人衝入化妝間隨即傳出激烈的爭吵聲,在場演員及工作人員都聽到。

陳卓賢 有指Ian同女友Amy Lo撻著冇耐,喺片場突然趕晒所有人出門口鬧大交。
有指Ian同女友Amy Lo撻著冇耐,喺片場突然趕晒所有人出門口鬧大交。(圖片來源:《無限斜棟有限公司》劇照)

4.冇歌出冇宣傳埋怨公司偏心

消息指公司MakerVille一直不滿Ian的態度,同樣Ian亦不甘心被公司冷待,多次向身邊人埋怨公司唔幫佢出歌;及後推出歌曲《留一天與你喘息》及《Got U》後,Ian又怨公司宣傳唔夠落力,覺得公司偏心姜濤與Anson Lo身上。

陳卓賢 Ian係MIRROR隊中第一個出solo的成員,但人氣不斷下滑,有指他狂怨公司唔幫佢出歌做宣傳。
Ian係MIRROR隊中第一個出solo的成員,但人氣不斷下滑,有指他狂怨公司唔幫佢出歌做宣傳。(圖片來源:IG@iancychan)

舊同學翻出更多Ian黑面舊帳

Ian格衰消息傳出後,隨即引起網民討論,有網民翻出更多他黑面舊帳。年頭舉行的2021年度叱咤樂壇流行榜頒獎典禮中,不論在觀眾席或者在台上表演,Ian表情呆滯毫不投入,與其他成員形成強烈對比。又有網民重提Ian在綜藝節目《MIRROR GO》中,因不滿Anson Lo出矛招憤然掉衫離場。亦有網民表示自己是Ian同學,指對方鏡頭前、後兩個樣,並指他私下性格一樣臭脾氣。

陳卓賢
(圖片來源:連登截圖)
陳卓賢 有網民翻出Ian於初舉行的叱咤頒獎禮上黑面,即使在台上表演時一樣黑口黑面,與其他成員形成強烈對比。
有網民翻出Ian於初舉行的叱咤頒獎禮上黑面,即使在台上表演時一樣黑口黑面,與其他成員形成強烈對比。(圖片來源:my903直播截圖)
陳卓賢 Ian多次被指與隊友不和,曾經在拍攝《MIRROR GO》時動真火掉衫走人。
Ian多次被指與隊友不和,曾經在拍攝《MIRROR GO》時動真火掉衫走人。(圖片來源:IG@iancychan)

花姐IG疑隔空回應

Ian陳卓賢格衰被雪藏新聞傳出後,經理人花姐於IG出限時動態出圖,疑似隔空回應,寫上:「Gossip dies when it hits a wise person’s ears.」(謠言止於智者),未知她回否出手力挽狂瀾。

陳卓賢 花姐IG出story疑似隔空回應傳聞。
花姐IG出story疑似隔空回應傳聞。(圖片來源:IG@ahfa0908)

Ian陳卓賢疑IG回應:要學會自律

Ian陳卓賢亦有在IG限時動態中疑似回應格衰傳聞,他寫上:「You won’t always be motivated, so you must learn to be disciplined.」(你不會時常都保持積極,所以要學會自律)然後再加多句:「卓賢語錄分享暫告一段落,下回再見」講到「要學會自律」,未知是否對自己的行為有所反省。

陳卓賢 Ian陳卓賢疑似在IG隔空回應。
Ian陳卓賢疑似在IG隔空回應。(圖片來源:IG@iancychan)

Tiger@MIRROR「下弦論」原來係先知?

Tiger(邱傲然)早前在《第16屆鮮浪潮國際短片節──本地競賽》頒獎禮上指直認「下弦」,以下言論語出驚人:

近排就好多人搵MIRROR拍戲,咁就梗係好啦,但係佢哋搵MIRROR拍戲,好多時都係搵姜濤、搵Edan(呂爵安)、搵阿Lo(Anson Lo盧瀚霆)、搵阿Jer(柳應廷)、搵AK (江熚生),雖然有搵吓Lokman(楊樂文),但係大多數佢哋搵去拍戲嘅,都係上弦嘅人。咁咩係上弦呢?其實MIRROR十二個人,多啲人識嗰6個就叫做上弦,冇咩人識嗰啲就係下弦,所以佢哋好少可會搵下弦啲人拍戲,譬如Tiger、Alton、Frankier嗰啲咁,有見及此,所以我今日嚟,係嚟尋找工作機會嘅,我係MIRROR下弦嘅Tiger!

有網民發現呢段說話數漏咗Ian,難道Tiger一早心中有數?

陳卓賢 有網民翻出Tiger之前的「下弦論」發現,佢數漏咗Ian,唔通佢係先知。
有網民翻出Tiger之前的「下弦論」發現,佢數漏咗Ian,唔通佢係先知。(圖片來源:網上圖片)

Ian陳卓賢被狂數邊4宗罪?

有傳他少爺脾氣,曾向MIRROR隊友及工作人員發火,甚至累及花姐孭鑊⋯⋯詳情請看

Ian陳卓賢真係被雪藏?

Ian陳卓賢格衰被雪藏新聞傳出後,佢自己同花姐都有於IG回應⋯⋯詳情請看

撰文:東方新地圖片來源:IG@iancychan、《無限斜棟有限公司》劇照、《季前賽》劇照、ViuTV資料或影片來源:ViuTV