IG

女星愛「派福利」答謝粉絲 IG谷人氣有咩玩法?

最新娛聞

廣告

現今資訊發達,一眾藝人除了要顧及自己在台上的表現之外,在經營社交網絡、例如Instagram(IG)上亦要有著相當的功力!其中一班女藝人都會因唔同理由、例如粉絲達某數目而「派福利」,益網民之餘又可以製造話題谷人氣,睇睇佢哋會點做?

撰文:東方新地|圖片:新傳媒、Instagram

D Cup高海寧晒噴血相答謝粉絲

高海寧(高Ling)自08年參選港姐後加入TVB,一直都係大家心中的性感女神!不經不覺入行十年,高Ling的IG近日達40萬粉絲,所以佢決定post番張噴血靚相答謝大家,仲寫明係「私藏閨蜜照」, 大家有眼福啦!

剪咗短髮的高Ling顯得更爽朗同富有女人味,IG啲相唔只騷事業線,仲經常都露纖腰同晒優質股!

高海寧陳敏之鬥性感

上星期一眾藝人到上環出席餐廳開幕活動,人人盛裝打扮,不過就被高海寧及陳敏之搶晒鏡,瘋狂謀殺菲林!咪神高Ling以一襲低胸緊身短裙示人,谷出深長事業線,下半身則晒修長美腿,索呀!而人妻兼人母敏之則大Deep V中門大開,勁呀!

索爆低胸緊身短裙

高Ling接受訪問時表示,呢條裙佢其實已經買咗好耐,今日終於有機會著,而且自己除了TVB台慶外,已經多時未有作性感打扮,竟然有少少緊張!佢笑說有人問佢凍唔凍,但其實佢緊張到出晒汗,又不時都會低頭望望,確保無走光。

男友同場未有合照

其實呢晚高Ling男朋友鄧智偉亦在場,佢表示自己係透過經理人獲邀,而男友則受餐廳老闆邀請,所以未有合照及一同受訪。

李佳芯派出浴照福利

加入TVB六年,李佳芯(Ali)由節目主持成功晉身為一線花旦,今年劇集《BB來了》擔正女主角,道出新手媽媽既要湊B又要面對奶奶的辛酸,成台慶視后大熱!原來Ali近日IG已經有超過70萬追蹤者,為答謝一眾粉絲支持,Ali都好識做,大晒出浴照!

Ali留言道:「The way to celebrate my 700K ig followers… fooooot high five!:))」相中見到Ali將頭髮紮起,露出迷人鎖骨,仲伸咗隻腳去鏡頭面前。雖然靚腳失焦,不過都引起唔少網民留言大讚腳趾修長,整體非常靚!要噴鼻血咁話喎!

李佳芯笑言冇「買粉絲」

Ali早前出席活動,提到喺IG發放「福利照」答謝粉絲一事,Ali表示都唔係咩福利,只不過係前排去浸溫泉影的,大家都知佢唔係走性感唔線。Ali又透露最近IG突然多了不少followers,但佢對此冇咩追求,亦強調唔係「買粉絲」。

馮盈盈激罕泳衣照

2016年港姐冠軍馮盈盈,本身樣靚身材正不在話下,仲經常爆出大膽言論而被封為「性博士」,係現時最受歡迎港姐之一!今年9月盈盈喺出第1000個post,所以決定派福利益網民,相中盈盈著上花花三點式泳衣,心口逼爆,皮膚又白又滑,跪喺獨角獸浮床大擺誘人甫士!小編同好多男網民一樣,好想做隻獨角獸呀!

趁day off回味舊照

其實呢張相係盈盈之前去泰國旅行時影的,佢留言道:「Scrolling through old photos on my day off, and missing those good vibes in the last trip」另外仲有「holiday我真係好愛你,無咩事我返出去做野先」等的hastags。

泳衣照好珍貴

馮盈盈自2016年當選港姐冠軍後,憑出眾外表吸納大量男粉絲,加上其個性貼地敢言,又不時喺人氣節目「#後生仔傾吓偈」中發表大膽言論,令佢多咗個「性博士」的稱號,喺近年港姐中確係人氣高企!盈盈雖然不時都會作性感打扮,但自選美後就真係極少以泳裝示人,小編在此就希望佢多啲day off,多啲post相啦!

兩年前港姐泳裝環節

馮盈盈兩年前選港姐的泳裝問答環節,當時可能比賽壓力大,盈盈比起依家好似瘦削好多?都係多番啲肉好睇啲!

馮盈盈噴血透視裙唔著底褲行紅地氈第一人

雖然IG少泳衣照睇,不過馮盈盈今年就成為台慶全場最性感女星,當晚佢條裙側邊睇落完全真空,噴血程度爆燈!盈盈仲透露為咗美感同線條,連條底褲都除咗,堅係全真空!

陳凱琳唔派福利晒幸福

上個月初,陳凱琳趁著IG粉絲人數突破52萬,唔係派福利照而係放閃,上載與老公鄭嘉穎的幸福照!相中嘉穎擔遮為陳凱琳遮風擋雨,老婆翹實老公一起回望,襯晒520k (我愛你) 呢個數字。

陳凱琳 鄭嘉穎公布喜訊

11月22日晚上10時許,嘉穎與陳凱琳在IG上載溫馨擁抱合照,表示喺感恩節呢個大日子,宣布家庭將會有一位新成員,陳凱琳成功陀B!難怪近月鄭嘉穎每次出活動見人都由心笑出來,原來即將做人父難掩喜悅。

巨肚陳凱琳破禁出關

早前本刊拍得陳凱琳獨自現身銅鑼灣鬧市,先去shopping再去買熱飲,收埋大肚幾個月的她,這日穿上一件鬆身恤衫,凸起的肚皮終於避無可避表露無遺。記者目測其巨肚最少已有五個月,但四肢仍十分纖瘦。拎住杯熱飲邊行邊飲的她,最後走到戲院買定飛,再會合女友人入場。

背面睇勁Slim

友人傍實回家

陳凱琳睇完戲散場後即搭的士返回北角寓所,看來她亦緊從老公鄭嘉穎吩咐,盡量不要周圍去,去睇戲都要有人陪,在女友人護送下最後安全返家。

雞排妹無碼素顏浴照益網民

雞排妹之前為咗慶祝IG follower突破30萬,大方晒自己嘅無碼浴照。相中雞排妹素顏仲紥起頭髮,浸喺浴缸沖涼。一身泡泡嘅雞排妹雖然用雙手遮住個胸,但成個shape都出晒嚟,「大奶奶」呀!

係就係夠晒噴血,不過素顏嘅雞排妹雙目無神,眉毛顏色好淡,睇落隻眼細咗好多,但雞排妹皮膚真係好好,身材又正,難怪咁多粉絲!唔知佢幾時又再慶祝呢?

20萬時曾露白底底慶賀

其實之前雞排妹慶祝IG粉絲達20萬時都有發相慶祝!相中見到雞排妹面向大海興奮地舉高雙手,踮著腳輕輕一跳,不過最引人注意是身穿純白色水手服嘅雞排妹,成條裙掀起來,更露出白色嘅小底底,清楚睇到飽滿的臀形和肉肉腿!

雞排妹「光棍節」派福利 噴血真空照宣傳新寫真

雞排妹派福利,又何需等IG粉絲達某個數目?早前雙11「光棍節」,雞排妹為咗慰藉一眾光棍,宣布其最新「寫真旅遊書」《泰純了》正式開始預購,更上載一張噴血程度爆燈的性感照,叫男士們點忍呀?!

雞排妹教B Cup變F Cup

早前雞排妹喺一個節目中分享谷胸技巧,教大家點樣可以由B Cup谷到F Cup,睇到網民嘖嘖稱奇,不過就引來網民質疑雞排妹「報大數」,懷疑佢本身都係得B Cup……

親身解釋「B奶疑雲」

日前雞排妹就喺Facebook解答大家疑問:「前陣子我教大家擠奶,目測B變成目測F的實用小影片。最近有很多人拿著那則影片,跑來歡說雞排妹就是B奶。」

親認「報大數」

雞排妹又稱早年出道時的確係「報大數」:「本來想報內衣上的尺寸32D,但看上一個模特兒多報一了尺寸,我也+1寫E,當出道的正確罩杯其實是D。」

C、D、E都沒錯?

雞排妹又補充:「至於這幾年有沒有過E呢?有的,大約破52公斤的時候有到E,我的胸部就是兩塊脂肪,會隨著體重變化有增減,最瘦的時期43公斤就到小C過,也就是說這幾年,有好幾個時期的大小都不同。所以討論串中的答題,寫cde的人都算對,媒體上的三圍資訊很不整齊也都沒錯。」

延伸閱讀:

香港女星IG粉絲排行榜Top 20 邊個先係IG女皇?

20|Janice Man 59.5萬

今年30歲的Janice Man,當年可謂o靚模鼻祖之一,如今當然唔再係嗰個帶點「MK味」的少女,近年愈來愈有女人味,進軍影視界亦有不俗表現。

19|唐詩詠 61.1

唐詩詠喺眾多TVB女藝人當中,人氣之高不庸置疑,而且亦係晒名性格好、人緣好、朋友多,所以IG上除了有大量詩詠靚相,都有唔少佢同其他藝人聚會的合照。

18|陳敏之 62.1

「索腿天后」陳敏之憑一雙美腿,足以走遍「江湖」,雖然已為人母,不過敏之的樣貌、身材都完全冇走樣,難怪網民對佢喜愛有加啦!

17|陳法拉 64.9萬

那些年華姐亞軍陳法拉,樣靚身材正無需多介紹,雖然佢現時已離開大台,但生活多姿多釆,早前於美國完成戲劇表演碩士課程,更是首個華人以全A的成績畢業!早前傳聞陳法拉已被金牌經理人Brian Swardstrom看中,簽約美國著名經理人公司United Talent Agency(UTA),為港爭光!

16|姚子羚 68.3

「表哥」姚子羚樣子嬌媚,身材火辣,雖然已經38歲,但依然係不少男性心中的女神!姚子羚除了「表哥」出名,多年來亦被指與日本女優立花里子撞樣,亦被戲稱為「立花子羚」,不過子羚對於所有網民戲言都係大方面對、一笑置之,人靚又EQ高!

15|李佳芯 70.7

有線主持出身Ali自從脫去「邪花」光環,人氣便長期高企,近年在多部劇集擔正都有不俗表現,今年更憑《BB來了》新手媽媽角色大獲好評,成為台慶「最佳女主角」熱門之一,唔知Ali可唔可以一嚐視后滋味呢?

14|鍾欣潼(阿嬌) 72.8萬

阿嬌鍾欣潼係圈中有名的美女,37歲但依然如青春少艾,今年與圈外男友賴弘國結婚後人氣有增無減!

13|佘詩曼 82.7

雖然佘詩曼近年已經冇接拍無綫劇,轉而投向大陸市場,不過人氣依然強勁,早前一部《延禧攻略》更令阿佘風頭一時無兩!雖然阿佘今年都四十有三,同現時新一代的花旦有的距離,但保養有道的阿富佘依然如少女一般青春,魅力不減當年!

12|容祖兒 83.2萬

Joey容祖兒多年來都係香港人氣最高的女歌手之一,粉絲眾多,千千萬萬人都係聽佢啲歌長大,佢啲金曲亦係唱K必選!

11|胡杏兒 84.3萬

1999年港姐季軍胡杏兒,同上面唔少女星一樣已離開TVB,現時專心做人妻人母,而且佢個仔Brendon Lee超級可愛,為近年萌爆星二代之一,可能杏兒IG有唔少媽媽級粉絲,為了睇Baby Lee而follow!

10|周秀娜 84.6

可算係「o靚模元老」的娜姐周秀娜,雖然早已不再係當初嗰位靠露肉出位的性感少女,近年打扮愈見成熟愈見女人味,而且專做演技派演員路線,反而令人更喜歡佢!

9|岑麗香 93

香香公主岑麗香長相甜美可愛,性格真摯不造作,加上親切友善的笑容, 為觀眾緣數一數二的女藝人。可惜香香現時已離開大台,雖然短期內未有機會再睇佢拍劇,不過希望佢好快有喜訊公布,由香香公主升呢做香香媽媽啦!

8|黃翠如 94.4

由旅遊節目主持成功轉型成為女演員的翠如BB,現已為無綫一線花旦,愛笑傻大姐一般貼地的性格深受粉絲歡迎,其IG當中有不少切合佢輕熟女年齡的靚相,亦有佢同眾多藝人朋友的合照,相當精彩~

7|楊千嬅 102

楊千嬅除了在歌唱方面的成就不庸置疑,不過在電影方面的成績亦是成就佢高人氣的因素!遲啲會喺無綫劇《多功能老婆》睇到佢演出~

6|蔡卓妍(阿Sa) 103

另一位人氣歌手,Twins中的阿Sa蔡卓妍,在IG上坐擁逾103萬followers,隨著年歲漸長,阿Sa由當初稚嫩的小女孩,變成了一位成熟的女性,渾身散發的女人味更是叫人欲罷不能。

5|胡定欣 128萬

TVB藝員中,在IG人氣最高的一定係胡定欣!兩屆視后定欣有幾受歡迎都無需多講啦,可惜佢近日盛傳約滿後會離開大台,如果冇得睇佢拍劇真係相當可惜!

4|薛凱琪 142萬

Fiona薛凱琪最近人氣可能不復當年,不過IG粉絲有增無減,在網絡上人氣依舊!

3|應釆兒 154萬

應釆兒本來就係個大美女,網絡上人氣高企是常識吧,加上佢近年與老公陳小春及可愛兒子Jasper參加不同綜藝節目,在各地大受歡迎,可謂母憑子貴?

2|G.E.M. 鄧紫棋 423萬

16歲就出道的阿G.E.M.鄧紫棋,歌藝固然出眾,自從登上中國的歌唱節目在內地迅速走紅,紅到出太空,IG四百幾萬粉絲,小兒科啦。

1|Angelababy 682萬

全IG最高人氣的香港女藝人、「IG女皇」,就係Angelababy!

讀者留言