Ivy So連環4連擊大派福利網民睇到眼火爆：咁樣俾人抽水！

Ivy So聖誕連環4擊賞sweet爆男友視覺

COLLAR成員Ivy So首次進軍舞台劇－《百分百感覺 2024》 FEEL 100%，擔正做女主角。近日Ivy So為《百分百感覺 2024》做宣傳，由24號起po出連環4擊的男友視覺影片，勢要粉絲們過一個暖笠笠的聖誕！

第1擊.第一人稱戴頸巾

Ivy So飲熱飲，第一人稱幫佢戴頸巾，感覺超sweet！粉絲都留言話好正，見到都暖晒！

逐格睇：

第2擊.Ivy So搓手仔

第2條就係Ivy So搓手仔扮聖誕鹿，夠晒可愛。

逐格睇：

第3擊.Ivy So拆禮物

第3條係Ivy So怕醜拆禮物，最後仲要肉緊攬住份禮物！

逐格睇：

第4擊.Ivy So拖人手仔

最後一條就最刺激，事關Ivy So直頭拖住人手仔，仲將手放喺自己塊面度！唔少粉絲都留言話唔好俾佢哋知隻手係邊個，「唔好畀我知道隻手係邊個的」、「邊個隻手夠膽出嚟認咗佢」、「咁樣俾人抽水，嬲死我！」

逐格睇：

百分百感覺 2024︳重現本土經典四角戀戰一觸即發

本土最強青春漫畫IP、香港經典愛情主題作品《百分百感覺》驚喜重臨，2024年將首次進軍舞台，為大家帶來Feel 100%嶄新配搭，新世代活力女神Ivy@COLLAR將會飾演的「100分」完美少女，極速俘虜吳肇軒、Locker林家熙兩位型男，顏卓靈亦會加入戰團，眾人周旋於這一場現代青春愛戀，百分百揭開當今情侶Feel So Good的戀愛新態度。

顏卓靈加入戀戰力追Ivy@COLLAR 有激烈床戲？

對於首次參演舞台劇的「蘇媽」Ivy@COLLAR 即將陷入四角關係，問到兩位男主角有沒有乘機「自肥」，她指：「佢哋光明正大咁蝦我，唔畀我食嘢，食少少零食又話我肥！」吳肇軒和Locker林家熙聽罷立即跪地認錯。問到顏卓靈於今次排練期間，為何不准其他人稱她為Cherry，她解釋：「因為Ivy喺戲入面嘅角色係Cherie，同我本人撞名，所以大家可以嗌返我Jackie或者大嗌顏卓靈都得！」。女演員Vida Wu 胡偉寶亦透露將與吳肇軒有激烈床戲，笑指：「我哋都好投入喺個角色入面，導演好好，畀空間我哋兩個自己排呢場親密戲。」

《百分百感覺 2024》愛上你的感覺故事大綱：

廣告公司工作的許樂（Locker林家熙飾）和 Jerry（吳肇軒飾），是同事、好友、二人更一同合租公寓，在一次工作中遇上少女 Cherie（Ivy@COLLAR飾）。在許樂心目中 Cherie 是他等待已久的 100 分女孩。許樂出盡計謀希望抱得美人歸。但怎料竟然被 Jerry 捷足先登。Jackie（顏卓靈飾）為保護好友 Cherie 也與三人纏上。憑著感覺的帶領，眾人聚在一起。Cherie 想二人關係更進一步，Jerry 卻對 Cherie 若即若離。而追求失敗的許樂卻依然對 Cherie 一往情深不離不棄，作為朋友的 Jackie 也陷入自我懷疑的危機。大家努力維持「關係」，但當面對「關係」與「感覺」的抉擇，眾人如何選擇？人會轉變，那「感覺」也會變嗎？當初的那個「百份百感覺」的成份還有甚麼？