JC

JC公開兩個月大囝囝外貌 網民勁讚:餅印父子!

最新娛聞

廣告

時間過得快,一眨眼名模Jessica C.(JC)個囝囝Elvis話咁快就兩個月大啦!日前,JC就喺個人社交網post出一家人為Elvis慶祝兩個月大嘅相,同時仲公開呀囝個樣俾大家睇添!唔知大家覺得Elvis似媽咪定爹哋多啲呢?

撰文:東方新地|圖片:新傳媒圖片庫、Instagram

切餅慶祝囝囝兩個月大

JC今年6月為老公安志杰誕下囝囝Elvis,由一家三口變做四口,兼湊成個「好」字!話咁快,囝囝就已經2個月大,一家人仲齊齊切蛋糕慶祝!安志杰呢家人一向行事大方示人,同囝囝慶祝生日亦唔介意公開Elvis兩個月大嘅樣俾大家睇,見到家姐不時情深望下細路,呢家人堅sweet呀!

公開囝囝正面照

除咗Elvis個側面樣,媽咪JC仲擺咗張囝囝嘅正面相上網,正式公開Elvis個樣俾大家睇清楚,唔少人就話Elvis似老竇,唔知大家點睇呢?不過除咗囝囝個樣吸睛外,JC手上帶住隻介指都非常吸引眼球注意!

Elvis同個維尼熊蛋糕一齊影相,見佢都好淡定咁望鏡頭微笑,真係有面對鏡頭嘅觸覺呀!

之後JC仲post出老公逗囝囝玩嘅一幕,父愛爆燈嘅安志杰勁識氹呀囝開心,Elvis笑到停唔到口,cute到爆!

JC為老公誕下8.8磅巨B

30歲嘅JC於本月19日作動及順產誕下8.8磅B仔,安志杰稱太太JC整個生產過程非常順利,入產房十幾分鐘BB就出世,而且BB出世一刻,特登推掉幾個工作陪老婆生B,並對囝囝是個巨B感到十分驚喜,全家上下都好開心,又感謝上天送一仔一女俾佢。

安志杰為囝囝改名「貓王」

據安志杰稱,B仔重8.8磅,身長53cm,醫生都話好勁,好少有咁大巨B。另外,佢亦已同仔仔改名,Elvis,並有趣地與已故美國搖滾樂巨星「貓王」皮禮士同名。

啱啱出世嘅Elvis雖然雙眼合起,但嘴仔望落好似笑緊咁。

老竇安志杰用強而有力嘅臂彎,溫柔抱住剛出世嘅囝囝。

JC會唔會再生B

據知JC生完兩日就已經出院,佢亦感謝家人及朋友關心,以及上天俾佢咁大福氣,有咁多人陪佢待產。至於會唔會再生,JC就話順其自然,因為就算再生都要等一段時間。

聽講2歲姐姐Tessa見到細佬第一眼,就已情不自禁咁不停錫細佬,對細佬又好細心,Tessa一定會係個好家姐!

Tessa又眼定定望住細佬Elvis,相信兩姊弟將來感情會好好!

一向愛錫老婆嘅安志杰錫錫JC做「獎勵」,一家四口幸福滿瀉!

而安志杰妹妹亦有上載去醫院探JC嘅合照,據知安志杰媽咪同細妹特登喺外國飛返嚟睇BB出世,而相中見到JC餵緊人奶,完全零遮掩,大方示人!

慈父安志杰 教女刷牙好有愛

曾以「警鐘胸」聞名嘅名模JC正為老公誕下囝囝,加埋大女Tessa,正好湊夠個「好」字。

Jessica Cambensy(@jesscambensy)分享的貼文張貼

日前JC在IG Story上載短片,片中老公安志杰為咗教導囡囡Tessa清潔牙齒嘅重要,夜晚喺廁所陪佢一齊刷牙,見Tessa跟住爸爸一齊向上刷、向下刷,眼碌碌咁好可愛!

兩父女一路刷一路對望,之後女兒Tessa覺得有爸爸陪刷牙好開心,邊刷邊笑!而安志杰怕囡囡企馬桶太高會跌親,一直用手扶住小手,好細心!

女兒Tessa都忍唔住向媽咪報以甜笑⋯

而契爺伍允龍日前都有去探吓契女Tessa,一見到佢仲忍唔住錫錫㖭!

Philip Ng 伍允龍(@straightblast5)分享的貼文張貼

早前Jessica C.已為慶祝自己生日,放出大肚性感相,今次佢趁住陀B到38周卸貨在即,再晒出數張性感孕照,力證其實大肚都可以好索!

Final stretch (literally). Any day now, my son.😉 It’s been another beautiful journey.🙏🏼#secondpregnancy #38weekspregnant #stillwaiting Photo by the one and only @oliviatsanghk Hair by @garysun Make up by @phoebeaki
Jessica Cambensy(@jesscambensy)分享的貼文 於張貼

但另一張相所見,正大肚谷奶嘅JC似乎一手不能掌握自己嘅「警鐘胸」,疑似露出少許乳暈。

另一張側影見到巨肚加巨躉。

早前JC已開始晒出不少大肚靚相。

Jessica Cambensy(@jesscambensy)分享的貼文張貼

JC大肚手腳依然纖幼,認真係一名索爆孕婦!

JC嘅懷孕照則以黑白色為主,有別於一般色彩鮮豔嘅照片,非常有特色!

Jessica Cambensy(@jesscambensy)分享的貼文張貼

安志杰哂六舊腹肌 影一家四口照

而老公安志杰亦放出一張一家四口嘅相,相中可見以內衣及內褲上陣嘅JC露出巨肚,躺在有六舊腹肌半裸嘅安志杰懷中,而女兒Tessa則輕撫着媽咪個肚,非常溫馨。

而另一張則係懷孕老婆JC緊緊抱住女兒Tessa,望落女兒同媽咪都有幾分相似,一樣係個美人胚子。

Jessica Cambensy(@jesscambensy)分享的貼文張貼

Jessica Cambensy(@jesscambensy)分享的貼文張貼

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言