女團Lolly Talk vs COLLAR 　網友數出三大優點力撐LT完勝

Lolly Talk的歌曲成為熱播清單

近日，有網民於討論區分享表示自己逛街時經常聽到店鋪播放Lolly Talk的歌曲，指「一間聽到《三分甜》，樓下聽到《七姊妹》，COLLAR冇人播」。他表示甚少聽到店鋪播放COLLAR的歌曲，從而判斷現時Lolly Talk人氣高過COLLAR。此帖引起大量網民討論，並紛紛細數Lolly Talk優勝之處。

網民細數Lolly Talk 3大優勝之處

Lolly Talk︳1團員樣貌較優勝

不少網民認為團員樣貌可增加人氣，並將COLLAR和Lolly Talk的團員作比較，指「COLLAR除左Ivy so無邊個靚，Lolly Talk平均係靚啲，特別係Yanny，樣貌身材一絕」、「COLLAR出道已經講， 8個有7個都路人樣，仲有5個係樣衰」。網民直指Lolly Talk的團員樣貌普遍比COLLAR的團員優勝。

2團體行甜美形象更親民

亦有網民表示Lolly Talk以青春、甜美的形象示人，加上歌曲風格青春甜美，令人感覺「睇Lolly Talk開心好多」。另外網民藉此分析指「如果公私營機構或當局，推廣青年發展政策或服務，我諗搵 LT （Lolly Talk）做代言，會較為優勝： 一來成員平均年齡較對手團體年輕，二來成員又多機會作集體宣傳，給予凝聚力印象。」Lolly Talk的歌曲更容易散發歡樂的氣氛感染觀眾。相反，網民認為COLLAR的形象和歌曲非大眾。

3商業化導致反效果

最後網民坦言COLLAR成員風格不一，「COLLAR感覺上只係東拼西湊，夾硬將一班贏咗比賽嘅人同Viu覺得好嘅人擺埋一齊就算，給人感覺商業化」。該名網友認為COLLAR紅了，ViuTV不停要COLLAR拍綜藝、賣廣告、拍劇、唱主題曲，以致較少人欣賞COLLAR的音樂作品。相反，Lolly Talk較專注音樂發展，可發掘的潛力亦相對較多。

Lolly Talk 和 COLLAR各有優缺點

不過亦有網民表示COLLAR和Lolly Talk 風格不一，各有長處，「COLLAR跳舞係勁啲，但lolly talk啲歌係真係仲好聽」、「COLLAR實力高啲，lolly talk就青春啲，似女團多啲」不應以偏概全比較兩者。