mirror 分拆

傳MIRROR內部分拆 Anson Lo「私有化花姐」 兩位當事人急澄清!

最新娛聞

廣告

男團MIRROR在本月5號迎來成立五週年的大日子,更於月初「包場」迪士尼與一眾鏡粉提前慶祝,人氣十分高企!不過人紅是非多,今日(10日),據《明報周刊》封面報導又突然傳出MIRROR內部分拆,Anson Lo私自掏腰包請黃慧君(花姐)做自己的經理人,將她「私有化」的傳言,令兩位當事人無奈上水急澄清……

mirror 分拆 今日10日),據《明報周刊》封面報導又突然傳出MIRROR內部分拆,Anson Lo私自掏腰包請黃慧君花姐)做自己的經理人,將她「私有化」的傳言
今日(10日),據《明報周刊》封面報導又突然傳出MIRROR內部分拆,Anson Lo私自掏腰包請黃慧君(花姐)做自己的經理人,將她「私有化」的傳言(圖片來源:網上圖片)

傳分拆成A B team 細仔組唔預姜濤

在今日傳出的消息中,有人爆料稱MIRROR內部分拆成A、B team,又稱分組的人選由Anson Lo選出,A team成員包括:盧瀚霆Anson Lo)、呂爵安(Edan)、柳應廷(Jer)、李駿傑(Jeremy)、邱士縉(Stanley)及陳瑞輝(Frankie)共六人。有指MIRROR內部早就有「大仔組」(楊樂文、江𤒹生、陳瑞輝、王智德、陳卓賢、邱傲然)。

另外,「細仔組」(盧瀚霆、呂爵安、柳應廷、李駿傑、姜濤、邱士縉)之分,因此現時傳言的A team並無姜濤在內,惹一眾姜糖不滿,隨即齊齊「出征」聲討Anson Lo以及花姐!

更有不少姜糖就事件表示:「支持姜濤單飛」、「心痛姜姜真心換絕情!」、「阿姜唔去team A仲好!B team又可以哥(Ian)與弟一齊」、「早就話咗花姐偏心,淨係照顧隊友唔理阿姜」,視乎對傳言信到十足十,落力狠批花姐!

mirror 分拆 MIRROR被傳內部分拆成A、B team。
MIRROR被傳內部分拆成A、B team。(圖片來源:IG@mirror.weare)
mirror 分拆 MIRROR被指有「大仔組」和「細仔組」之分。
MIRROR被指有「大仔組」和「細仔組」之分。(圖片來源:IG@ahfa0908)

花姐無奈成箭靶 IG限時動態急澄清

作為傳言的主角之一,花姐於中午時以於社交平台上載限時動態澄清,並稱傳言講到好似真的一樣,又表示傳聞十分無聊!亦表示:「Anson Lo請我?我係MakerVille員工,依家專心做MIRROR演唱會,所以係負責MIRROR,唔單止係Anson Lo!」。亦有粉絲為花姐澄清「唔湊姜濤」的傳聞,並表示姜濤早前出席活動時都是由花姐跟實,不存在冷落姜濤的情況。其實花姐早就公開表示過MIRROR成員出席活動時,由哪一位經理人負責的問題,並透露有時客戶會點名要求自己跟隨某成員,因此亦可能會造成自己只照顧一個成員的誤會。

「無聊!講到真嘅一樣,又有人信係真」

mirror 分拆 花姐在社交平台直斥傳言:「無聊!」
花姐在社交平台直斥傳言:「無聊!」(圖片來源:IG@ahfa0908)
mirror 分拆 早前姜濤出席品牌活動時花姐亦有陪伴在側。
早前姜濤出席品牌活動時花姐亦有陪伴在側。(圖片來源:網上圖片)

Anson Lo不甘花姐被屈 嬲爆上水澄清

花姐澄清後,傳言的另一位主角Anson Lo亦於稍後時間在社交平台澄清,Anson Lo嬲爆表示:「FAKE NEWS and rumours thrive online」(假新聞和謠言在網路上盛行),又稱有些人總是偏向那些強化自己偏見的內容,霸氣出聲保護花姐!隨後Anson Lo又上載了一則限時動態,並稱:「we keep living hard with conscience」(我們一直憑著良知努力生活)。其實Anson Lo已經不是第一次被傳言中傷,但是以往他都不會在社交平台特別澄清,這次嬲爆澄清亦被網民大讚man爆,直接將傳聞擊破。

「FAKE NEWS and rumours thrive online because few verify what’s real, and always bias towards content that reinforces their own biases.」(假新聞和謠言在網上盛行,因為很少有人去驗證甚麼是真的,而且總是偏向那些強化自己偏見的內容。)

「I work hard, just like everybody else does. You keep making claims with no proof, we keep living hard with conscience.」(我努力工作,就像其他人一樣。 你們一直在沒有證據下作出主張,我們一直憑著良知努力生活。)

mirror 分拆 Anson Lo罕見嬲爆澄清。
Anson Lo罕見嬲爆澄清。(圖片來源:IG@ansonlht)
mirror 分拆 Anson Lo不甘花姐被冤枉而出聲反擊。
Anson Lo不甘花姐被冤枉而出聲反擊。(圖片來源:IG@ansonlht)
mirror 分拆 Anson Lo甚少直接在社交平台回應傳聞。
Anson Lo甚少直接在社交平台回應傳聞。(圖片來源:IG@ansonlht)

傳言被指為冚姜濤「咪嘴」事件

早前姜濤出席活動時因「咪嘴」而遭到網民狠批,事件到今天仍然持續發酵中。因此突然爆出12子分成A B team的消息時,不少網民質疑是否為姜濤的「咪嘴」事件轉移視線。

亦有人認為年尾的頒獎禮降至,haters們又開始散出傳言影響Anson Lo:「我比較想花姐回應下『墊底音樂』嗰單,定係呢單係自己流出嚟想轉移視線?」、「又老作想造死AL,花姐話無聊否認咗啦!前兩星期先見花姐跟姜濤出C牌event有哂報導喎,唔駛又幫佢賣慘賣委屈,加轉移視線笑甩咀事件,年尾近投票幾年都用同一招已經唔work啦」、「有冇再無聊啲呀?一到投票牛鬼蛇神就老作老屈帶風向搞AL(Anson Lo)」、「叱咤近了,某啲人又要出手搞AL了」

mirror 分拆 網民爭議傳聞是為姜濤早前「咪嘴」事件轉移視線。
網民爭議傳聞是為姜濤早前「咪嘴」事件轉移視線。(圖片來源:IG@keung_show)

MIRROR姜濤表演突然甩嘴 穿崩後以笑遮醜惹咪嘴疑雲

MIRROR成員姜濤日前擔任一個畢業禮的壓軸表演嘉賓,載歌載舞時卻突然甩嘴,出現疑似咪嘴穿崩的尷尬情況……

姜濤任壓軸嘉賓疑咪嘴穿崩

姜濤於本月4日在「共創明Teen」計劃畢業禮上擔任壓軸表演嘉賓,他當時在活動上獻唱了《Master Class》及《蒙着嘴說愛你》。不過,他唱到《蒙着嘴說愛你》尾段時,大會安排4位小朋友上台,一直專心唱歌的姜濤見到身旁突然多了4位小朋友即刻嚇了一跳,並說:「你哋出咗嚟喇?」不過當時身後繼續播放的音樂卻仍然有姜濤的「唱歌聲音」,因此惹來咪嘴疑雲!

mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 一開始都唱得好好地。
一開始都唱得好好地。(圖片來源:Youtube@Lingowong1023)
mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 見到身旁突然出現四位小朋友即刻嚇親。
見到身旁突然出現四位小朋友即刻嚇親。(圖片來源:Youtube@Lingowong1023)

姜濤以笑遮醜場面尷尬

當時的姜濤不知如何是好,唯有不停以笑遮醜,又遮面又蹲下來不停掩嘴笑。不過,台上的4位小朋友卻反而目無表情,令場面變得更加尷尬,搞到姜濤都忍唔住笑指:「你唔郁嘅!」他又問另一位小朋友:「你係唔係好唔耐煩?」但4位小朋友依然冇乜反應,姜濤到最後指無可奈何拖著他們慢慢離開舞台。

mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 無理背後音樂,直接蹲下繼續笑。
無理背後音樂,直接蹲下繼續笑。(圖片來源:Youtube@Lingowong1023)
mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 結束後同身旁小朋友搭訕,但小朋友就冇乜反應。
結束後同身旁小朋友搭訕,但小朋友就冇乜反應。(圖片來源:Youtube@Lingowong1023)

自嘲太老怕學生唔識自己

此外,當姜濤唱完《Master Class》之後,又唱又跳的姜濤喘晒氣,並表示擔任畢業禮的壓軸嘉賓簡直緊張過開自己演唱會:「我入行5年以嚟第一次喺學生哥面前表演,係有少少緊張過開演唱會。同埋好驚見到你哋,因為雖然好多人話我仲係好後生,但係我真係覺得自己好老。」姜濤又笑指在場學生應該唔知自己係邊個:「你哋知唔知我係邊個?我唔知你哋呢個世代知唔知我係邊個。」

mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 今次姜濤擔任「共創明Teen」計劃畢業禮壓軸嘉賓,獲姜糖們大讚姜濤為「年輕人的榜樣」
今次姜濤擔任「共創明Teen」計劃畢業禮壓軸嘉賓,獲姜糖們大讚姜濤為「年輕人的榜樣」(圖片來源:Facebook@Eric Chan 陳國基)

網民留言狠批 姜糖回擊為偶像平反

姜濤今次疑似咪嘴出崩的影片流出後,隨即在網上引起熱議。有網民批評姜濤不夠專業,指出他原本就已經經常咪嘴:「有睇佢演唱會就會知佢唱成點,冇睇嘅講亦唔會知」、「善良孝順努力都救唔番」、「有邊次嘅演出係符合一個普通藝人嘅基本標準呢」、「淨係識傻笑,專業啲喇」等。眼看偶像被攻擊,姜濤的粉絲亦不斷護主,紛紛留言為姜濤平反,堅持表示是大會播放的背景音樂中的「墊底」太大聲,又堅稱姜濤確實有真唱,只是「墊底音樂」蓋過姜濤的聲音。

mirror 分拆 姜濤疑咪咀穿崩「以笑遮醜」 台上尷尬狂笑惹網民 姜濤 雖然網民狠批姜濤唔專業,但一班「姜糖」紛紛留言護主為其平反!
雖然網民狠批姜濤唔專業,但一班「姜糖」紛紛留言護主為其平反!(圖片來源:IG@keung_show)

重溫相關影片,在3分18秒開始可以見到姜濤被小朋友嚇到甩嘴嘅有趣畫面!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@mirror.weare、IG@ansonlht、IG@ahfa0908、IG@keung_show、