mirror 粉絲見面會

MIRROR五周年粉絲見面會現「跳樓價」 疑黃牛炒燶飛賤賣門票求甩身

最新娛聞

廣告

男團MIRROR於下月11月3日出道5周年,早前宣布將會提早於11月1日在迪士尼樂園舉辦包場粉絲見面會《 MIRROR 5th Anniversary Fantastic Meet 》,每人盛惠$1680,遭粉絲怒數3宗罪引起極大不滿,但門票依然最後全部售罄。距離粉絲見面會剩下不足一星期,在網上卻突然湧現大量「跳樓價」門票,疑似黃牛黨炒燶飛……

mirror 粉絲見面會 mirror 12怪盜 mirror 五周年見面會
MIRROR於11月1日在迪士尼樂園舉辦包場粉絲見面會。(圖片來源:[email protected]

網上湧現低價門票

網上不少演唱會群組和交易平台近日湧現大量平價MIRROR粉絲見面會門票,部份更賣得比原價的$1680還要低一半,甚至有賣家為了更吸引人買而加送海洋公園水上樂園門票。雖然這次的5週年活動門票只限官方MIRO會員預訂,但仍然有炒燶飛的情況,證明所謂的會員制度依然有漏洞。

mirror 粉絲見面會 演唱會群組湧現大量平價MIRROR粉絲見面會門票。
演唱會群組湧現大量平價MIRROR粉絲見面會門票。(圖片來源:網上圖片)
mirror 粉絲見面會 甚至賣平幾百蚊。
甚至賣平幾百蚊。(圖片來源:網上圖片)
mirror 粉絲見面會 暫時見到最平賣到$700一張。
暫時見到最平賣到$700一張。(圖片來源:網上圖片)

不肯定會否出席叱咤頒獎禮記者會

今日(26日)MIRROR 12子齊人現身商台並接受《叱咤樂壇》訪問,被主持人梁文禮問及是否會出席叱咤頒獎禮記者會,隊長Lokman楊樂文依然沒有答實:「以最新嘅更新,同上次更新嘅差唔多,有興趣去嘅,然後再睇下時間OK唔OK,大家期待下啦﹗」他亦透露《Catch A Vibe》是MIRROR今年的最後一首團歌之後將會全面籌備演唱會。成軍快要踏入5周年,副隊長AK江𤒹生坦言由《全民造星》到現在時間過得好快,至於Stanley邱士縉他們仍然「適應緊」,開始建立更默契的相處方式,又表示希望12位成員之後可以一同演出音樂劇,Edan呂爵安則表示希望MIRROR可以繼續紅落去。

姜濤:愈嚟愈多批評聲音

同時MIRROR近年亦飽受批評困擾,姜濤表示希望大家繼續努力:「呢5年雖然有好多開心事發生,亦feel到有唔開心嘅事發生,外界對我哋愈嚟愈多批評聲音,希望我哋每個人頂住壓力繼續前進。」Anson Lo盧瀚霆則對於一直以來給予幫助的人表達感激:「呢5年好好彩,得到好多人幫我哋,可以5年內做到好多,嚟緊5年繼續同我哋一齊行,無論影視工作及音樂,需要大家繼續留意同支持。」

見面會行程豐富

粉絲見面會將於11月1日星期三的上午10時半到晚上8時在迪士尼樂園舉行,場地預計能容納1萬2千人,與紅館的容納人數相約。雖然當日行程非常豐富,包括有巡遊派對、迷你演唱會,更有機會能與MIRROR成員玩機動遊戲兼影合照等精彩活動。

mirror 粉絲見面會 mirror 12怪盜 mirror 五周年見面會
(圖片來源:[email protected]
mirror 粉絲見面會 mirror 12怪盜 mirror 五周年見面會
(圖片來源:IG@mirror.weare)

粉絲怒數3宗罪!

1. 見面會門票貴過演唱會

MIRROR於今年5月27日在啟德郵輪碼頭舉行的《Hi MIRO!見面會》今次5周年位位盛惠$1680,相比起今年5月27日在啟德郵輪碼頭舉行的《Hi MIRO!見面會》門票價格$480更高為,甚至比起MIRROR去年的紅館演唱會最貴門票還要貴多$400,因此被粉絲鬧爆「搶錢」一樣:「12000人去,一晚有2000幾萬收入,你就發啦」、「Miro member俾咗錢,又有迪士尼年票,家陣仲要俾$1680,真係好嘢呀你地」、「有disney年票有冇得扣返入場費」、「貴過我張年卡喎」。

mirror 粉絲見面會 mirror 12怪盜 mirror 五周年見面會
(圖片來源:[email protected]
mirror 粉絲見面會 mirror 12怪盜 mirror 五周年見面會
(圖片來源:網上圖片)

2. 非實名制舉行 唔係MIRO都有得去

今年5月27日在啟德郵輪碼頭舉行的3場《Hi MIRO!見面會》,全部參加的均必須為持有2022年「MIRO」會籍的官方認可粉絲,而且亦使用實名制去杜絕黃牛問題,然而今次五周年的見面會卻並非以實名制進行,僅表示購買者必須於指定購票網站連結中提供電郵中收到的「MIRO專屬代碼」,而且每人最多可購買2張門票,意味着只能有6000人可以買得到門票,而且更可以攜帶非MIRO的人一同參加:「唔駛實名制,又可以帶一個非Miro會員入園玩,咁我續Miro Fan club嚟做咩」、「點解唔抽籤?點解唔實名?」、「非Miro 都入得? 咁我做Miro 為乜」、「應該實名+每人限買一張」、「其實要搶飛根本唔夠班牛玩,佢哋總有機會會攞到個code」。

mirror 粉絲見面會 mirror 12怪盜 mirror 五周年見面會
(圖片來源:[email protected]

3. 於平日舉行不合理 返工返學冇得去

見面會定在11月1日星期三舉行,而非正式5周年的日子11月3日星期五,貿貿然在平日舉行由朝到晚的見面會令大批要返工返學的粉絲大感不解:「無啦啦搞平日event,仲係由朝到晚,其實返工返學嗰d去到咩?」、「定你地諗住自己咁大個event,大家一定會請假去㗎?」、「想問吓有冇諗過學生miro member能否去到活動?」洗版式留言鬧爆主辦。

mirror 粉絲見面會 mirror 12怪盜 mirror 五周年見面會 MIRROR 近日MIRROR官方社交平台推出五周年全新宣傳照。
近日MIRROR官方社交平台推出五周年全新宣傳照。(圖片來源:[email protected]

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:[email protected][email protected]、網上圖片