PTGF出租女友|沙律張沛樂自認PTGF始祖 為戲飲真酒打爆煙灰缸
文:東方新地|圖:沙律IG、《#PTGF出租女友》劇照及預告片截圖、《向西聞記新春sp》宣傳片截圖、《一秒拳王》劇照

《#PTGF出租女友》沙律 出席活動拒飲醉
電影《#PTGF出租女友》中有場戲講述沙律同恆仔(趙善恆)邊飲酒邊傾偈,沙律在現場亦飲真酒,她說:「劇組有問我拍呢場戲少少哋飲啤酒係咪ok,我話冇問題,入戲啲,因為飲酒同飲茶係唔同feel,啤酒唔會咁易醉,而且我都飲得嘅!」

而講到平日飲酒,沙律就話會睇心情,同朋友開心飲酒Relax當然好,但如果出席活動時,就不會飲太多,她笑言:「出席活動我就會揸杯酒做樣,唔會畀自己有控制唔到嘅情況出現。」

爆同恆仔冇親熱戲
沙律和恆仔在片內有不少對手戲,沙律透露兩人以往曾合作拍過網片,今次相隔幾年再在電影中碰頭,沙律形容大家都感覺到對方無太大轉變,至於兩人在片內的關係,沙律打趣說:「我哋好親密但冇親熱關係,講太多唔好啦,入場睇啦。」

沙律又提到覺得恆仔早前為拍《一秒拳王》操Fit後,人瘦了而且「乾身好多」,而恆仔亦有大讚沙律演技有進步,但她覺得自己仍有好大進步空間,因為自己演戲經驗始終不多,只是在學行階段。

連續打爛兩個煙灰缸
此外沙律又拍了一場「動作戲」,獲讚打得似模似樣,亦相當兇狠,她笑言:「我好開心自己有啲身手,我一直都好期待自己拍戲有動作場面,今次剪片後睇落感覺好型,一定冇專業咁勁,但有少少動作戲拍我都好開心。」

沙律以前有打拳,又玩過武術堂,今次正好大派用場,因她要擸煙灰缸擊向一位男演員對手,劇組特別帶來三個膠製的煙灰缸給沙律「打人」,豈料她連續打爛兩個,到剩最後一個道具時,劇組人員提她再打爛就要用真煙灰缸,沙律說:「對手係呆咗望住我,好驚,話『你唔好呀!』但最後佢都冇受傷,我又冇撞瘀嘅。」

常見問題
將來還有什麼演唱會值得留意?
有不少歌手宣布舉辦演唱會,例如:黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑(2月14日公開發售);喜歡K-pop的你亦有福了,ITZY和NCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
情人節有什麼好去處推介?
情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!