Rosemary峇里旅行玩半裸 比拼辣媽泳衣中門大開
撰文：東方新地｜圖片：Instagram
Rosemary峇里旅行
最近，陀住BB七個月的Rosemary與老公Jason飛咗去峇里旅行，放鬆身心。去到世外桃園，Rosemary緊係唔放過呢個機會，連日嚟不斷上載於峇里影嘅靚相同一眾網友分享，見到啲相都感覺到佢而家心情有幾嘆！
雖然大住個肚，但Rosemary一於闊佬懶理危險，大玩盪鞦韆，睇見好似有啲牙煙咁，皆因都有啲高。
影靚相又點少得錫老婆嘅Jason一齊入鏡，見到Rosemary已有7個月肚，但都只肥肚唔肥身，真係羨慕死人！
Rosemary大肚玩半裸
另外，Rosemary更晒出一張半裸上陣嘅浸浴照上個人社交網，坐喺水中大晒白滑背脊嘅佢噴血程度簡直攞滿分！
楊洛婷泳衣中門大開
另一邊廂，靚媽之一嘅楊洛婷亦都飛咗去泰國旅行，仲著起件一件頭粉紅色泳衣，重點係中門大開！一向有料嘅Rabee唔洗做任何動作，無論咩角度影，波邊都出哂嚟，認真夠哂性感！
曬太陽曬得興起，一於換個表情，攤喺沙灘櫈擺出嘟嘴樣，網友都差啲頂唔順，皆因Rabee太過「胸狠」！
遊泰國點可以少咗飲椰搞解口渴？
陀B六個月 Rosemary 谷奶換Bra
Rosemary上載大肚比堅尼照，表示懷胎九個月時間現已過了一半，隨時準備好同BB墮入愛河！佢更直認上圍谷奶升cup：「依家著衫要好鬆身，要換晒所有bra，做瑜伽都有困難，要著運動型bra，再加老公嘅大碼T恤！」
Over halfway through nine months preparing to fall in love for a lifetime! #excitedforthefuture
早前Rosemary已透露BB預產期為9月，有機會同佢同一日生日 (9月18日)。
Rosemary又話預備咗唔少嬰兒用品，同埋一間白色布置嘅BB房，朋友亦送咗大批BB衫畀佢。
A good dose of vitamin sea to fuel the week ahead! #happymonday
第一次陀B嘅Rosemary表示有向正陀緊第二胎嘅好友Jessica C.同Ana R.取經： 「有問佢哋幾時先感覺到BB踢我個肚，我仲未感受到，可能我肚皮比較實！ 」
平日Rosemary熱愛做瑜伽，大肚都keep住做！
至於仔女性別，Rosemary話冇所謂：「照嘅時候我感覺到，但我唔講得住，我同老公都想等吓，不過就知唔係twins。」
上月母親節，Rosemary宣告成功陀B，加入媽咪俱樂部。
Ana R. 薄紗上陣
Rosemary的名模好友Ana R同樣陀住第二胎，唔知係咪同好友JC心有靈犀，臨盤在即，同樣影咗一輯性感大肚照留念，大多照片都係只披薄紗上陣！
