Santis

Santis小背心打羽毛球勁吸睛 網民:一定要做佢對手

最新娛聞

廣告

Santis(陳濬樺)早前與網台「FHProduction」正式解約恢復自由身,其後自己創辦YouTube頻道,繼續做YouTuber和KOL分享生活日常。日前運動場所正式因疫情緩和而解禁,Santis約埋神秘人一齊打羽毛球,吊帶背心上陣飛身殺波的她相當火辣吸睛,即時成為網民的討論對象。與此同時,有網民又發現MC張天賦咁啱得咁橋又係差唔多時間打緊羽毛球!

Santis不時在IG派褔利!
Santis不時在IG派褔利!(圖片來源:IG@santis_chan)

Santis吊帶背心上陣同「神秘人」打波

由於疫情緩和,政府早前解封室內、外運動場所,巿民報復式做運動導致一場難求。不過Santis好好彩,約到幾位朋友一齊去打羽毛球,Santis事後更與其中一位「神秘人」共進餐,在IG開心Share。網民見到Santis身穿黑色吊帶背心上陣飛身殺波,很有動感,紛紛表示被Santis吸引眼球,寫道「正X到癫」、「3條仔真係打緊波?」、「姿勢都冇啦,姿色就有」、「一定要做佢對手,做佢隊友乜都冇得睇好慘」等等。

Santis 更衣室自拍。
更衣室自拍。(圖片來源:IG@santis_chan)
Santis 相當吸睛。
相當吸睛。(圖片來源:IG@santis_chan)
Santis 照咁睇,神秘人應該係個女性嚟嘅。
照咁睇,神秘人應該係個女性嚟嘅。(圖片來源:IG@santis_chan)

MC張天賦又咁啱打羽毛球

Santis(陳濬樺)早前曾經與MC張天賦傳過緋聞(MV偷加嘴戲/相約一齊行超巿等),雖然事後Santis都解釋二人只是朋友和工作的關係,但網民亦已經將Santis和MC劃上等號。咁啱得咁橋,喺Santis在IG表示打羽毛球的同一日差不多時間,MC亦在IG分享了自己打羽毛球的限時動態,令部分網民又對號入座!不過MC當時就係同陳柏宇一齊打,而且場地都明顯唔同,只係咁啱大家都係有共同興趣罷了!

Santis 有陳柏宇阿女做人證!
有陳柏宇阿女做人證!(圖片來源:IG@mcheung1201)
不少網民在見到Santis就會聯想到MC張天賦。
不少網民在見到Santis就會聯想到MC張天賦。(圖片來源:IG@mcheung1201_)

Santis解釋與MC行超巿

Santis曾在其個人YouTube頻道上大玩「你問我答」,曾經就有人問過佢有關興MC行超巿的事,雖然她否認與MC曾經有戀情,不過就笑晒口講好鍾意行超市:「特別係一啲好大型超市,有好多好創新嘅嘢,好似之前我見到自家種薄荷葉,我覺得好新奇,所以鍾意去超市發掘一啲新嘢,當係其中一個shopping嘅必去點,所以好多時我會自己一個去行超市﹗」

熊仔頭 Santis Santis話最愛去超市發掘新嘢,唔知上次同MC張天賦發掘咗啲咩呢?
Santis話最愛去超市發掘新嘢,唔知上次同MC張天賦發掘咗啲咩呢?(圖片來源:YouTube@Santis Chan)

Santis被疑與誰打羽毛球?

Santis近日社交網分享與神秘人朋友打羽毛球,不少網民立即聯想到⋯⋯詳情請看

Santis如何澄清緋聞?

Santis早前曾開直播解釋喜愛行超市的原因⋯⋯詳情請看

撰文:東方新地圖片來源:IG@santis_chan、IG@mcheung1201_、YouTube@Santis Chan)