Terry

網民:好耐無睇TVB劇係會笑!《愛回家》Terry化身IT狗題材超貼地

最新娛聞

廣告

無綫處境劇《愛回家之開心速遞》近期改風格,睇嚟專攻年輕人市場。先有大小姐扮學生妹、再有KC Cosplay女角色、今期就有Terry化身IT狗,網民大讚地又有共嗚。

撰文:東方新地 |圖片:電視劇照、lihkg

《愛回家》Terry化身IT狗題材超貼地

前兩日(2/10)《愛回家》講到做咩職位都失敗嘅Terry被舅父KC安排加入IT部。

好彩Terry有自知之明,一早講定自己只係識開機同關機,畀足心理準備Ivan。

Ivan就向Terry講解部門日常運作,點知Terry講咗句大眾對IT人嘅誤解:「我以為IT部好得閒添,日日都有好多時間打機!」

之後Ivan就介紹三位同事,分別叫Keyboard、CPU、Mouse,全部都同電腦有關。而佢哋都無同Terry打招呼,只係閃閃縮縮咁望咗Terry一眼。

Terry好唔識做咁問:「佢哋個個著衫Style都差唔多,係唔係制服,我係咪都要跟住著?」,令幾位同事即刻喺手機到鬧爆Terry!

Ivan教Terry整電腦口訣:「Check吓啲制,再Reboot部機就搞掂,唔使同人解釋點樣整返,如果整唔掂就講啲懶係深奧嘅IT術語,拎部電腦返IT部搞就得喇!」

Terry真係做到好成績,成功幫熊若水整返部手提電腦。為咗更加融入IT部,佢決定唔再著華麗嘅西裝,轉為著格仔恤衫、成為活脫脫嘅毒男,仲改咗自己個名做Wi-Fi。

之後更搞笑嘅係,一向熱愛演戲嘅Terry竟然講講吓嘢話唔慣面對面同人講咁耐嘢,真係唔只外表改變,性格都改埋。

有次威龍百貨畀黑客入侵,令到沉默寡言嘅IT部同事終於大開金口講嘢!

之後Ivan仲化身「IT狗」,帶領一眾下屬同黑客決一死戰,之後仲出現咗Matrix一幕!

IT部日以繼夜咁工作終於成功清除到所有病毒!

其實今集《愛回家》係想道出IT部嘅辛酸!因為現實世界裡面做IT嘅人就被叫人IT狗,上至修理電腦,下至換燈膽都會叫IT人幫手搞掂。Ivan講咗句:「我哋唔好咁快就否定自己嘅專業,總有地方需要我哋。記住,我哋係IT人,唔係IT狗!」

網民睇完呢集之後,都即劇大讚Terry演技,希望佢真係搵到啱自己嘅職業,更有網民表示自己係IT狗,題材貼地寫實又有共嗚!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!