TVB台慶2021

TVB台慶2021|張振朗孭飛做台慶短劇 哭訴多年辛酸 感動全場

最新娛聞

廣告

TVB台慶2021圓滿結束,今年是總經理曾志偉入主後首個台慶,當然要搞得有聲有色,小生花旦傾巢而出,表現出無綫是好有人情味的大家庭。而每年都有的《萬千星輝賀台慶》短劇環節亦不再胡鬧,找來上位小生張振朗孭飛,道出藝員訓練班學員的辛酸,張振朗感同身受講到喊,大派洋蔥,不少在場藝員都畀佢搞到眼濕濕。

撰文:東方新地 圖片:無綫影片截圖、[email protected]張振朗

TVB台慶2021短劇

TVB台慶2021被喻為近年最認真的台慶,而每年的表演項目中不少得台慶短劇,今年以《西遊記》為主題,由張振朗孭飛,並與多位同樣出自藝訓班的男藝員一齊扮演孫悟空的徒孫。

TVB台慶2021 張振朗最右)與一眾藝訓班藝員齊演孫悟空徒孫。
張振朗(最右)與一眾藝訓班藝員齊演孫悟空徒孫。(圖片來源:無綫影片截圖)
TVB台慶2021 周嘉洛與阮政峰亦有份演出。
周嘉洛與阮政峰亦有份演出。(圖片來源:無綫影片截圖)

張振朗賣力演出

張振朗以輕鬆幽默的手法演繹台前幕後的種種心酸,當中初出道新人受到白眼與不公平對待亦一一展現,張振朗成個人凌空撻落木枱,睇到在場藝員嘩嘩聲,最後更被飾演導演的周嘉洛大鬧「垃圾」,但他依然繼續努力追夢,不輕易放棄。

TVB台慶2021 張振朗與飾演唐僧的朱敏瀚做對手戲。
張振朗與飾演唐僧的朱敏瀚做對手戲。(圖片來源:無綫影片截圖)
TVB台慶2021 張振朗最初以輕鬆搞笑手法來演繹。
張振朗最初以輕鬆搞笑手法來演繹。(圖片來源:無綫影片截圖)
TVB台慶2021 張振朗凌空撻落木枱,之後枱都爛埋,張振朗應聲倒地。
張振朗凌空撻落木枱,之後枱都爛埋,張振朗應聲倒地。(圖片來源:無綫影片截圖)
TVB台慶2021 現場個個睇到目瞪口呆。
現場個個睇到目瞪口呆。(圖片來源:無綫影片截圖)

辛酸經歷感動全場

張振朗哽咽著說:「我哋訓練班出身嘅呢,就算喺一個虛構嘅世界入面,都好想演好每一場戲,我雖然試過做死屍、士兵,精神病人,亦都試過凌晨4點布PA打畀我,佢話監製有個角色想搵我做,可唔可以朝早7點過嚟幫手呀?我話好呀,做啲乜嘢?係做替身。有人問點解夜媽媽仲要聽呢個電話呢?我話如果唔聽呢個電話唔知幾時會再有。好多謝訓練班嘅老師教識我,演戲係冇分啱定錯,只係睇你有幾想做好呢一件事,要幾想?係好想、好想、好想、好想……先至得。我哋訓練班起步可能比其他人慢,但只要有機會一定比其他人跑得快。我係訓練班第25期嘅張振朗。」張振朗說畢全場拍掌,鏡頭仲影住幾位藝員感動到眼濕濕。

TVB台慶2021 張振朗講到喊。
張振朗講到喊。(圖片來源:無綫影片截圖)
TVB台慶2021 JW王灝兒本來笑得好開心,當張振朗開始講藝員辛酸,她感動到喊。
JW王灝兒本來笑得好開心,當張振朗開始講藝員辛酸,她感動到喊。(圖片來源:無綫影片截圖)
TVB台慶2021 王敏奕與姚子羚都眼濕濕。
王敏奕與姚子羚都眼濕濕。(圖片來源:炰綫影片截圖)

網民讚張振朗有Heart

接著其他同台的藝訓班學員亦站起來報上名來,當中包括有份演出的周嘉洛、何廣沛、馬貫東、阮政峰及朱敏瀚等等,鼎爺李家鼎更以藝訓班的武術導師身份現身。張振朗的深情演出一發不可收拾,在台後接受訪問時繼續喊唔停,一次過釋放多年的冤屈。不少網民都覺得好感動,仲話睇到喊。

TVB台慶2021 張振朗帶領住一班藝訓班藝員接受訪問。
張振朗帶領住一班藝訓班藝員接受訪問。(圖片來源:[email protected]張振朗)
TVB台慶2021
(圖片來源:YouTube討論區)
TVB台慶2021
(圖片來源:YouTube討論區)
TVB台慶2021
(圖片來源:Facebook討論區)
TVB台慶2021
(圖片來源:Facebook討論區)
TVB台慶2021 張振朗落台後心情仍未能平伏。
張振朗落台後心情仍未能平伏。(圖片來源:無綫影片截圖)
TVB台慶2021 張振朗邊喊邊接受訪問。
張振朗邊喊邊接受訪問。(圖片來源:無綫影片截圖)

今年台慶真係好多感動位!

讀者留言