TVB台慶2023

萬千星輝賀台慶2023|曾志偉講職位變動用6字總結!揚言要鞭策郭珮文

最新娛聞

廣告

TVB台慶2023|上月初鄧兆尊曾在YouTube暗示曾志偉將要離開TVB,周日(19日)TVB台慶2023後曾志偉接受訪問,就大談有關其職位變動的傳聞,又提到在台上頒發42萬獎金給郭珮文(Juliana)時,取笑她好似未瞓醒一事!

TVB台慶2023 萬千星輝賀台慶 上月初鄧兆尊在YouTube頻道中突然爆料,指得知自己在無綫的朋友「好似畀人炒咗」,又提示指對方早前返咗台灣睇醫生,所以兩人已好耐冇聯絡。
上月初鄧兆尊在YouTube頻道中突然爆料,指得知自己在無綫的朋友「好似畀人炒咗」,又提示指對方早前返咗台灣睇醫生,所以兩人已好耐冇聯絡。(圖片來源:YouTube@田豪祖3寶channel)

TVB台慶2023|曾志偉講職位變動:我驚變咗老闆

曾志偉在訪問中被問到職位可能有變動一事,笑言:「我驚變咗老闆,即係跳級,唔好啦!變乜鬼嘢,仲有咩變,我平時都係同所有員工、同事打成一片,我覺得職位係唔重要,最重要係你做到咩嘢,你做唔到好成績,畀你坐更高位都冇用。所以我對呢樣嘢唔係好著緊,我做戲都做咗咁多年,同埋自己年紀都唔細,但求做好件事。」

TVB台慶2023 萬千星輝賀台慶 曾志偉表示自己職位唔會變,並以「但求做好件事」作總結。
曾志偉表示自己職位唔會變,並以「但求做好件事」作總結。(圖片來源:東方新地)

TVB台慶2023|曾志偉學坤哥話齋:一步一步咁行落去

被問到有冇打算繼續做幾多年?曾志偉回答:「真係冇,好似頭先阿坤哥講咁樣,係一步一步咁行落去。由我啱啱入嚟到依家呢日,好多同事已經好明白,大家一齊走落去條路要點行。初初同大家一齊行嗰時,大家都仲喺度捉摸緊我想要啲乜嘢,但係到依家大家都好明白,同埋大家都好齊心去做。」而講到對未來的計劃,他就表示:「有嘅,但係好難喺依家就馬上講畀大家聽,今晚等我享受完今晚嘅賽果先。」

TVB台慶2023 TVB台慶 萬千星輝賀台慶 吳業坤 李佳芯 周吉佩 萬千星輝賀台慶 坤哥感性訴說入行以來辛酸,曾志偉眼濕濕為其留下男兒淚。
坤哥在台上感性訴說入行以來辛酸,更憶述9年前台慶扮棋一事,台下曾志偉眼濕濕為其留下男兒淚。(圖片來源:TVB截圖)

TVB台慶2023|曾志偉講郭珮文攞獎:要鞭策吓佢

講到郭珮文(Juliana)贏得42萬獎金後表情呆滯,被曾志偉問她:「你未瞓醒咩?」曾志偉笑言:「佢個人係咁㗎,我同佢綵排時已經係咁,佢成日都係錯咗又唔知錯咩,做得好佢又唔知做得好咩,所以有時artist係要鞭策,攞獎都要鞭策吓佢!咁其實攞獎係好開心嘅事㗎嘛,四十幾萬喎,佢都仲可以…(發夢?)我諗佢以為係做騷,一陣間會收返,我知攞車嗰個小朋友都係,正想話畀大家聽我哋真係冇內定,如果有內定就唔會咁嘅表情啦!」

TVB台慶2023 萬千星輝賀台慶 曾志偉頒獎畀Juliana時,指佢個樣好似未瞓。
曾志偉頒獎畀Juliana時,指佢個樣好似未瞓。(圖片來源:TVB截圖)
TVB台慶2023 李佳芯 周吉佩 萬千星輝賀台慶 麥美恩仲開心過佢!
Juliana贏得42萬獎金後,被麥美恩攬住Big爆的場面在網上瘋傳!(圖片來源:TVB截圖)
TVB台慶2023 萬千星輝賀台慶 曾志偉「神還原」Juliana贏得42萬獎金時的表情。
曾志偉「神還原」Juliana贏得42萬獎金時的表情。(圖片來源:東方新地)

TVB台慶2023|台慶表演曾志偉畀100分

而講到台慶的表演,曾志偉就話要畀100分:「唔係話所有節目真係做得好好,但我係畀所有同事100分,因為每個人都盡心盡力,為咗TVB生日,好似自己屋企擺酒咁樣,為咗啲來賓去做好自己,可以睇到佢哋每一個團隊精神。其實今朝綵排嘅時候都見到,有啲同事拍緊劇唔得閒嚟,寧願請老師幫佢喺片場排,有啲喺屋企自己練,都要做好自己嗰part,我覺得呢啲team spirit好難得。」

TVB台慶2023 萬千星輝賀台慶 曾志偉大讚TVB同事的團隊精神。
曾志偉大讚TVB同事的團隊精神。(圖片來源:東方新地)

TVB台慶2023|曾志偉:要擺出誠意畀觀眾睇

曾志偉續指:「即係同我哋以前做主持一樣,每一part都要大家擊掌,good show!good show!咁樣,呢個係好重要嘅,今朝綵排嗰陣時,我已經同大家講,我哋做節目有一樣嘢最重要,就係一定要擺出誠意畀觀眾睇,觀眾個個都係叻人嚟,你有心做定hea住做大家係知嘅,今日觀眾係完全接受到,覺得佢哋每一個同事都係用心去做好自己嘅每一part,咁所以得返嚟嘅反應係咁好。」

TVB台慶2023 萬千星輝賀台慶 曾志偉TVB同事的團隊精神。
曾志偉話做節目最重要係擺出誠意畀觀眾睇。(圖片來源:東方新地)

TVB台慶2023|指初初綵排近乎有啲難睇

被問最鍾意節目邊一part,曾志偉表示:「part part都鍾意,除咗祥仔(阮兆祥)嗰part,其他我都研究過,都知係咩,佢哋嗰三個講咗畀我聽,但我唔知係排咩嘢,其餘嗰啲綵排時我都見過,由初初唔係幾好睇,近乎有啲難睇,到噚晚排到深夜4點幾,再開會,到今朝中午再返嚟,切燒豬,再排,然後,都未去到好睇,但大家所有人眼裡面都充滿火,起碼大家真係好用心,好有信心去做好今晚,做完之後見到大家個情緒,我就知道,今日唔只大家滿意,佢哋自己都好滿意!」

TVB台慶2023 萬千星輝賀台慶 曾志偉初初綵排時節目近乎有啲難睇。
曾志偉初初綵排時節目近乎有啲難睇。(圖片來源:東方新地)

TVB台慶2023|明年主題要突破求變

而講到明年TVB台慶主題,曾志偉就話:「其實我哋都係過完一關又一關,港姐完咗就等台慶,台慶完咗就plan出年嘅嘢,我每次都係畀一個主旨大家,我唔希望大家度啲嘢裡面係空寥寥冇內涵嘅,譬如呢兩年我返嚟,第一年係『追夢』,舊年就係『傳承』,今年就係『初心』,等所有監製、同事、編劇大家都知道要度咩,知道要畀觀眾睇咩,要接受咩訊息,明年我有少少同大家提過嘅,就係因為我哋做咗56年,好多嘢都係做懷舊,希望我哋明年係『突破』、係『變』。」

TVB台慶2023 萬千星輝賀台慶 曾志偉透露明年主題係突破求變。
曾志偉透露明年主題係突破求變。(圖片來源:東方新地)

TVB台慶2023|口號係「娛樂變身」

究竟點「變」?曾志偉續說:「其實變唔係一定話全部都新,呢個世界冇可能全部都新,係舊瓶新酒,因為我哋拍電影都係,依家我哋都離唔開差利卓別靈嘅年代,即係笑中帶淚、淚中又笑,其實我哋今日個台慶都係,我哋有十年嘅感人,但係都有福祿壽嘅搞笑啦,係接住一part又一part,帶畀觀眾唔同嘅情緒,咁樣先至令觀眾覺得『好嘢!可以引住我哋嘅情感去走』,另外就係睇到大家嘅齊心,明年我都希望向住呢個方針去走、去求變,暫時畀大家嘅口號係『娛樂變身』。」

TVB台慶2023 萬千星輝賀台慶 曾志偉話做節目最重要係擺出誠意畀觀眾睇。
暫時曾志偉畀大家嘅口號係「娛樂變身」。(圖片來源:東方新地)

曾志偉啜爆性感女模影片詳情?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更…詳情請看

被啜爆的性感女模是誰?

影片流出之後,女模的身份背景亦立即被起底。原來女模擁有180cm魔鬼身形,曾經被傳是擔任過多間上市公司主席富豪余錦基的契女…詳情請看

撰文:東方新地圖片來源:東方新地、TVB截圖、YouTube@田豪祖3寶channel