TVB

TVB男團Super Tiger重組變七人組合 「女神收割機」羅天宇已退團

最新娛聞

廣告

為了食住因《全民造星》而誕生的MIRROR、ERROR等男團、女團的熱潮,TVB繼去年推出女團After Class後,再於今年賀歲節目組了一個10人限定男團Super Tiger,壓軸跳唱了兩首歌曲登場,引起網民熱討,但後來男團Super Tiger一直未見有新動靜及推新歌,近日更傳出TVB決定重組Super Tiger,Foul走6人,再加入3人,令原本的10人男團變7人!

TVB 原本Super Tiger的成員包括有左起:林俊其、李紹堅、「賈明昇」鄒兆霆、「蔥頭」丘梓謙、羅天宇、許俊豪Lincoln)、曾展望GM)、魏柏豪、劉展霆Eden)及宋懿芳。
原本Super Tiger的成員包括有左起:林俊其、李紹堅、「賈明昇」鄒兆霆、「蔥頭」丘梓謙、羅天宇、許俊豪(Lincoln)、曾展望(GM)、魏柏豪、劉展霆(Eden)及宋懿芳。(圖片來源:[email protected]__sung)

TVB男團Super Tiger大地震 網民:未有歌就重組?

Super Tiger原本由10人組成,成員分別包括有羅天宇、許俊豪(Lincoln)、「蔥頭」丘梓謙、「賈明昇」鄒兆霆、曾展望(GM)、林俊其、魏柏豪、劉展霆(Eden)、李紹堅及宋懿芳。近日重組後,當中被力捧企開C位嘅羅天宇離團、鄒兆霆、曾展望、林俊其﹑魏柏豪及李紹堅等6人齊齊離團,簡直係大地震式重組!再添加的3名新成員包括有前天堂鳥隊長葉泓聲(Gordon)、林子超及邵展鵬。重組後的Super Tiger將會與袁偉豪於慈善籌款節目《萬眾同心公益金》獻唱張學友嘅名曲,重新出發!

tvb 男團 羅天宇企正C位。
素有「女神收割機」的羅天宇被受力捧企正C位,當時佢話好想入男團,結果相隔僅3個月已被Foul走。(圖片來源:youtube@TVB (official))
TVB 重組後的Super Tiger與袁偉豪一齊接受採訪,訪問時因為一講Super Tiger大家就笑,袁偉豪就提議佢哋改名!
重組後的Super Tiger與袁偉豪一齊接受採訪,訪問時因為一講Super Tiger大家就笑,袁偉豪就提議佢哋改名!(圖片來源:無綫娛樂新聞台截圖)

《 萬眾同心公益金 》繼續向多位經典巨星致敬。袁偉豪與男團Super Tiger攜手合作,以經典名曲向一代歌神張學友致敬,以歌聲為慈善出力!

Eden 回應與鍾柔美緋聞

而另一方面,Eden劉展霆亦回應了與鐘柔美的緋聞:「我哋喺跳舞方面就係好好嘅朋友,但其實平時私下都冇乜點聯絡」,又表示現時只想專注在自己的事業上,生怕影響鍾柔美的學業表現,以及名譽受損。

相關文章:15歲鍾柔美被爆戀28歲Eden 網友列舉5大證據 Yumi親自開腔回應

網民對Super Tiger重組唔睇好

由於Super Tiger首次出現於賀歲節目的表演,批評多於讚美,而且加上後來不斷傳出抄襲Mirror的消息,加上一首出道代表作都未有,Super Tiger就宣布重組,搞到網民都唔睇好,紛紛留言表示「未有出道作就重組」、「重組?組咗有幾耐,咁快cut人?」、「可加可減機制」、「啲衣著老土到呢」、「TVB正式成為亞視」等等。

tvb 男團 gordon表示好開心入咗super tiger
Gordon(右)表示好開心入咗Super Tiger,許俊豪Lincoln對天堂鳥舊隊友Gordon加入Super Tiger表現歡迎﹗(圖片來源:youtube@TVB (official))
TVB BOP天堂鳥去年已解散,組合中的3人除了Tyrese歐鎮源右)外,Gordon葉灝基中)及Lincoln許俊豪左)都一齊加入了新組合Super Tiger。
BOP天堂鳥去年已解散,組合中的3人除了Tyrese歐鎮源(右)外,Gordon葉灝基(中)及Lincoln許俊豪(左)都一齊加入了新組合Super Tiger。(圖片來源:[email protected]

重溫Super Tiger賀歲節目跳唱登埸被指「好尷尬」

Super Tiger當日在賀歲節目《恭喜發財好運來》壓軸登場,排舞時間只有4日半,分別唱跳表演了《青春有你》的主題曲《青春有你》以及《喜氣洋洋》。Super Tiger舞步到底能否稱得上賞心悅目,就要睇個人喜好,不過好明顯舞步不齊整,加上全程咪嘴演出,場面的確有點尷尬。Super Tiger事後獲得不少討論,網民的留言尤其激烈,當中不乏帶點取笑及嘲諷意味,例如「你不覺得尷尬,尷尬的就是別人」、「心情唔好,有朋友介紹我入嚟睇,佢話我睇完包笑到反艇」等等,當然亦都有唔少網民表示支持,認為很有新意、顏值夠高等等十分正面。

重溫精彩影片:

tvb 男團 佢哋一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!
佢哋曾經一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!(圖片來源:youtube@TVB (official))
tvb 男團 Super Tiger 成員包括:
(圖片來源:tvb截圖)

撰文:東方新地 圖片來源:youtube@TVB (official)、tvb截圖資料或影片來源:youtube@TVB (official)

讀者留言