龔嘉欣

TVB玩嘢又轉陣龔嘉欣視后夢終極粉碎《輕.功》搶閘頂上機會留畀朱晨麗

Nov 13 2022

廣告

無綫彈出彈入已經唔係新鮮事，由龔嘉欣主演的《新四十二章》話唔播又播，正當龔嘉欣以為視后夢返來時，無綫又傳出終極變陣，將改為由黎耀祥、朱晨麗及龔慈恩主演的《輕.功》頂上，龔嘉欣又空歡喜一場，而視后入場卷就會留畀朱晨麗。

龔嘉欣龔嘉欣原本希望可以憑《新四十二章》壓軸爭視后，點知最後都係被抽走。(IG@kungkaty) — 龔嘉欣原本希望可以憑《新四十二章》壓軸爭視后，點知最後都係被抽走。(圖片來源：IG@kungkaty)

龔嘉欣《新四十二章》再次被抽走，龔嘉欣在劇中再次無底線演出，可惜大家仲未有機會睇到。 — 《新四十二章》再次被抽走，龔嘉欣在劇中再次無底線演出，可惜大家仲未有機會睇到。（圖片來源：《新四十二章》宣傳照）

無綫玩嘢再挫龔嘉欣銳氣

無綫今年55周年台慶，推出4大台慶劇原定包括《美麗戰場》、《下流上車族》、《超能使者》以及《新四十二章》，早前卻宣布臨時變陣，改由黃宗澤、蔡思貝主演的《法證先鋒V》，頂替由陳豪及龔嘉欣主演的《新四十二章》，不過隨即有指《新四十二章》只是延期到12月5日壓軸播出，能趕在頒獎禮前播完，女主角龔嘉欣仍有一線機會爭視后，惟最新消息指無綫將再度變陣，《新四十二章》再度被抽起，改播由黎耀祥、朱晨麗及龔慈恩主演的《輕.功》。

龔嘉欣無綫一再變陣，把黎耀祥、龔慈恩及朱晨麗主演的《輕.功》替換《新四十二章》。(《輕.功》宣傳照) — 無綫一再變陣，把黎耀祥、龔慈恩及朱晨麗主演的《輕.功》替換《新四十二章》。(圖片來源：《輕.功》宣傳照)

龔嘉欣《輕.功》突然被指派成為今年的壓軸劇，未知男主角黎耀祥收到通知未呢？(IG@laiyiucheung) — 《輕.功》突然被指派成為今年的壓軸劇，未知男主角黎耀祥收到通知未呢？(圖片來源：IG@laiyiucheung)

龔嘉欣氣頂出走香港

主演的劇集被兩度被抽起，以為可憑《新四十二章》一圓視后的龔嘉欣極度失望，本來係威係勢變得非常氣頂，未知是否這個原因，龔嘉欣日前已出走香港到日本旅行散心，連一年一之的無綫《周年慶節目巡禮2023》都缺席，更在活動同日夜晚在其社交平台上載在日本大嘆「Sukiyaki」和牛美食照，分明「無聲抗議」。

龔嘉欣有指龔嘉欣對新劇再被抽起感到氣頂，寧願去日本玩都唔參與無綫一年一度的節目巡禮。 — 有指龔嘉欣對新劇再被抽起感到氣頂，寧願去日本玩都唔參與無綫一年一度的節目巡禮。（圖片來源：IG@kungkaty）

龔嘉欣身處日本的龔嘉欣在節目巡禮舉行當日在社交網大晒美味和牛，懶理巡禮排位及視后大戰。(IG@kungkaty) — 身處日本的龔嘉欣在節目巡禮舉行當日在社交網大晒美味和牛，懶理巡禮排位及視后大戰。(圖片來源：IG@kungkaty)

還看朱晨麗能否突圍而出

《輕.功》若然頂替《新四十二章》播出，換言之女主角之一的朱晨麗亦有機會角逐視后一獎，不過劇集未做宣傳亦未有Noise，就連官方劇照都未見街，只知朱晨麗在劇中表現如何真係要拭目以待。

龔嘉欣朱晨麗是《輕.功》女主角之一，但是否有份入圍爭視后仍是未知之數。(IG@kung_mimi) — 朱晨麗是《輕.功》女主角之一，但是否有份入圍爭視后仍是未知之數。(圖片來源：IG@kung_mimi)

龔嘉欣自傳出《輕.功》頂替《新四十二章》後，無綫卻沒有向媒體發放《輕.功》劇照。(IG@kung_mimi） — 自傳出《輕.功》頂替《新四十二章》後，無綫卻沒有向媒體發放《輕.功》劇照。(圖片來源：IG@kung_mimi）

蔡思貝C位大熱

日前舉行的無綫《周年慶節目巡禮2023》，在大合照上見到排正「C位」頭排中央位置有陳豪、林夏薇、譚俊彥、蔡思貝、馬國明和胡定欣。當日蔡思貝一身紅色低胸貼身裙極度搶眼，同時亦可為新劇《法證先鋒V》做勢。單睇排位加氣勢，蔡思貝比身穿古裝造型的陳瀅更為吸睛，加上今次少了龔嘉欣呢位強敵，變相是姊妹二人正面交鋒。

龔嘉欣每年單睇無綫《節目巡禮》「排位」，便可以從中睇得出受力捧的當家花旦小生名單，今年企「C位」的蔡思貝低胸性感搶晒鏡。(TVB影片截圖） — 每年單睇無綫《節目巡禮》「排位」，便可以從中睇得出受力捧的當家花旦小生名單，今年企「C位」的蔡思貝低胸性感搶晒鏡。(圖片來源：TVB影片截圖）

龔嘉欣蔡思貝前年已首次奪得視后，今年睇排位絕對有機會冧莊。 (IG@sisleychoi) — 蔡思貝前年已首次奪得視后，今年睇排位絕對有機會冧莊。 (圖片來源：IG@sisleychoi)

龔嘉欣龔嘉欣臨時被飛，視后大戰最後直路變成蔡思貝同陳瀅呢對好姊妹之爭。(IG@sisleychoi) — 龔嘉欣臨時被飛，視后大戰最後直路變成蔡思貝同陳瀅呢對好姊妹之爭。(圖片來源：IG@sisleychoi)

關鍵詞

龔嘉欣蔡思貝陳瀅

撰文：東方新地圖片來源：IG@kungkaty、IG@sisleychoi、輕．功》宣傳照、《新四十二章》宣傳劇照、IG@laiyiucheung、IG@rebecca_zhu