年度男歌手金銀姜濤愛的告白贈ＭIRROR Anson Lo眼濕濕講感受

姜濤深情示愛逐一點評MIRROR成員

「年度男歌手」金銀銅獎最後花落誰家，分別係Anson Lo、姜濤及Ian奪得。ＭIRROR團內成員爭歌王，花生一定多！其中鬥得最激烈的當然係Anson Lo盧瀚霆、姜濤。當姜濤得銀獎時，姜濤用了5分鐘時間逐一多謝每位隊友並發表「愛的宣言」。

Lokman：我記得頭幾年我哋有好多好多嘅內部有好多問題，睇《調教你MIRROR》會知道，但係我知道經過《調教你MIRROR》，你有努力成為一個好嘅隊長。我好Respect你，多謝！

Tiger：雖然《調教你MIRROR》話同你講會有每日 50 句，但都係一句都冇，但係你好有 talent，喺電影方面、唱歌方面其實你都有你嘅talent，所以繼續加油！

Jeremy：你係我最surprise嘅一個人，老實講我喺《全民造星》並無太多留意你，但係我想講，講真，你係我覺得喺我哋咁多成員之中，真係進步最多嘅一位。

Alton：我每一次搵你都係傾啲無聊嘢，但係我知道你一直好渴求有表現自己嘅機會，我相信你總有一日一定會做到。

Frankie：其實我同 Tiger 起碼有一句，但係我同你一句都冇哈哈，但係我知道你仲好努力搵緊自己嘅目標，我相信你比《調教你MIRROR》更加清楚自己嘅目標。

Anson Kong：雖然脾氣都係照舊啦，但係我知道你好努力她努力成為我地副隊長，所以好尊重你。

Ian：I love you，我 proud of 你值得擁有嘅一切，你攞獎我好開心。

Stanley：我知道你好想成為一個演員，我知道你對演戲嘅熱誠，比起在場每一位都更加更加多，所以你一定會成為一個好演員。

Jer：我知道你好想做到自己嘅音樂路，我知道你一直對自己嘅音樂好有堅持，繼續堅持落去，因為我都係一個咁樣嘅人！

Edan：你實在係一個非常全能努力嘅人，我只可以講… MIRROR入面我第二佩服你！

Anson Lo：第一個，Anson Lo！我知道外界成日都會將我哋攞來去比較，我知道我哋好多支持者，有時會因為我哋有好多嘅爭拗，但係我想講我從來無理呢啲嘢，我想講我真心地喺《全民造星》第一日開始，我哋經歷過好多好多誤會，但係我永遠都係最信你，你知嘅，所以 I love you。

viutv anson 姜濤呢段話好有愛呀！ — 姜濤呢段話好有愛呀！（圖片來源：ViuTV截圖）

viutv anson Jeremy以心心手勢回應。 — Jeremy以心心手勢回應。（圖片來源：ViuTV截圖）

viutv anson Anson Lo非常感動！ — Anson Lo非常感動！（圖片來源：ViuTV截圖）

Anson Lo：我哋永遠都係ＭIRROR

接下來到金獎得主Anson Lo上台時，Anson Lo一度哽咽說：「近日好大壓力，多謝神徒嘅陪伴，好想同睇屋企，爹哋媽咪講聲Hi，今日係家姐生日，想講聲對唔住，近排我好少喺屋企食飯，你哋好擔心我嘅作息，好多謝你嘅體諒，同埋你哋今朝嘅短訊，好Sweet，我會令你地好自豪，最後要多謝ＭIRROR每一位兄弟。」

最後，Anson Lo同樣以愛回應姜濤剛才的表白，並團結ＭIRROR：「啱啱姜濤講嘅外界嘅紛爭同比較，我哋冇辦法控制，呢樣嘢永遠都會存在，但冇嘢可以阻擋到我哋12個人嘅力量，無論報紙點寫、無論外界嘅評語，我哋做嘢都只會一樣，一齊繼續努力，每個想分化我哋嘅comment，我想同你講，我哋永遠都係ＭIRROR。」

viutv anson Anson Lo同大家講：「我哋永遠都係ＭIRROR。」 — Anson Lo同大家講：「我哋永遠都係ＭIRROR。」（圖片來源：ViuTV截圖）

Edan事後搞笑回應：「收到『姜老師』訊息」

MIRROR於頒奬典禮後受訪，兄弟回應姜濤評論，大家表示事前唔知，Edan搞笑表示「知道自己排第二梗係開心，大家估唔到佢會咁講，收到姜老師訊息」，Frankie就話最近拍《12怪盜》多咗傾偈；Anson Lo 表示未試過公開收到咁肉麻嘅「示愛」，即席回應姜濤「Love You Too, Man! 」

姜濤爆身邊好友叫佢唔好再講做「乜乜第一」

而姜濤就表示感恩：「今年發生咁多事情，有獎我真係諗唔到」，提到今年自己抱著重新開始的心態，被問到如何構思台上感言，佢就話笑言身邊好友勸他得獎感言不要太高調，自嘲說「佢哋叫我唔好再講『咩咩第一』，你都搞到咁喇」，他解釋自己於節目期間坐在最後排，眼前就是這11位兄弟，所以忽發奇想構想了這一大段「告白」。