MIRROR ACE｜呂爵安射滿分遇驚天反擊 10米氣槍激戰楊樂文幽默露玄機

第一槍笑料百出！Frankie中框 Jer出動蘭花手

不過神槍手唔易做，第一槍已經笑料百出！Jeremy、Frankie同Ian齊齊「食白果」0分；而Alton更慘遇「甩轆」事件，竟然完全甩靶打中個框，同樣0分收場，全場爆笑！全場最搞笑絕對係Jer，Edan發現他出動「蘭花手」嬌俏揸槍，不過姿勢分搭夠，都成功執到4分！至於Anson Lo、Stanley同AK就發揮平穩，齊齊射出5分穩住陣腳。

Edan封「神槍安」 Lokman神勇平分秋色

雖然有人派膠，但亦有成員大爆發！Edan第一槍就神勇射出9分，即刻得戚到大叫：「Call me 神槍安！」而拍檔Tiger雖然只得1分，但都搞笑自我安慰話「都總算有少少貢獻」。另一邊廂，隊長Lokman亦不甘示弱，同樣射出9分靚成績，與「神槍安」平分秋色。

生死局壓力爆煲！Lokman歸功風水

去到決勝的第三槍「生死局」，氣氛超級緊張！Anson Lo同Stanley分別射出4分同5分；而Edan就繼續發揮水準，穩陣射出7分！壓力瞬間落在了Alton與Lokman這一組身上，皆因Lokman這一槍將決定他們能否逆轉勝。面對全場兄弟起哄，壓軸一擊竟然失手只得5分，未能絕殺對手。Lokman搞笑將自己學了半個鐘就咁勁的功勞歸功於一事：「我覺得全部都係關風水事囉！」

Edan虎仔奪冠擸走二千蚊現金大獎

激戰過後，賽果最終塵埃落定！Edan同Tiger憑住「神槍安」的超強發揮，無懸念勇奪第一名，開心到彈起慶祝，成功將二千蚊現金大獎平安入袋！至於表現平穩的Stanley組就奪得亞軍，而壓軸失手的Alton與Lokman組則力保季軍位置。其餘名次方面，Anson Lo組排第四，Frankie組排第五，而首局失利的Ian組就排在第六名，為這場刺激又爆笑的對決完美作結。