Wyman翻舊照答謝花姐揭淵源!難得展現「少女式笑容」回顧黃偉文作品展

最新娛聞

廣告

黃偉文十年前在紅館舉辦的作品展,不但出動了半個樂壇的歌手做嘉賓,原來幕後操盤的單位也是實力非凡,十年後的今天Wyman在IG再次答謝當年幫過他的一位幕後人物,原來就係今日當時得令的MIRROR經理人花姐!

Wyman在IG留言「十年了,還一直在想有沒有人忘了多謝。真至今日機緣巧合,首次看到這張opening night 紅館後台相⋯⋯」原來當年花姐就係 Concert YY的演唱會導演之一,在DVD的片尾Credit更可以找到花姐的名字!

 Wyman的演唱會橫跨元宵和情人節,花姐揼低老公全力幫手。
Wyman的演唱會橫跨元宵和情人節,花姐揼低老公全力幫手。(圖片來源:[email protected]
 花姐自己亦有轉貼Wyman的答謝Post。
花姐自己亦有轉貼Wyman的答謝Post。(圖片來源:[email protected]
 網友終於明白點解Wyman出力幫MIRROR的成員填詞,原來二人早䅜下淵源。
網友終於明白點解Wyman出力幫MIRROR的成員填詞,原來二人早䅜下淵源。(圖片來源:[email protected]
 大家對花姐當年「畀仔圍」的少女式笑容表示意外。
大家對花姐當年「畀仔圍」的少女式笑容表示意外。(圖片來源:[email protected]
 與花姐合照的幾位粉紅壯男Dancer,來自容祖兒開場演唱《桃色冒險》的演出。
與花姐合照的幾位粉紅壯男Dancer,來自容祖兒開場演唱《桃色冒險》的演出。(圖片來源:Concert YY截圖)
 在《黃偉文作品展》DVD的製作名單中,可以見到花姐就是這場世紀演唱會的導演,角色舉足輕重。
在《黃偉文作品展》DVD的製作名單中,可以見到花姐就是這場世紀演唱會的導演,角色舉足輕重。(圖片來源:Concert YY DVD 截圖)

《黃偉文作品展》群星拱照黃Wyman

2012年初的Wyman演唱會一票難求,據報當時炒價直上三萬幾,因為嘉賓陣容一時無兩,包括退出舞台多年的樂壇天后彭羚:

 每場壓軸的主題曲都是《給十年後的我》,由陳奕迅、蘇永康、黃耀明、容祖兒、何韻詩和薛凱琪合唱,作為演唱會主角,Wyman自己也有唱出最後一句,當時不少觀眾都期望十年後再聚。
每場壓軸的主題曲都是《給十年後的我》,由陳奕迅、蘇永康、黃耀明、容祖兒、何韻詩和薛凱琪合唱,作為演唱會主角,Wyman自己也有唱出最後一句,當時不少觀眾都期望十年後再聚。(圖片來源:東方新地)
 容祖兒、陳奕迅、何韻詩、蘇永康、黃耀明、薛凱琪、李蕙敏及傅珮嘉是六場演唱會的「穩膽」。
容祖兒、陳奕迅、何韻詩、蘇永康、黃耀明、薛凱琪、李蕙敏及傅珮嘉是六場演唱會的「穩膽」。(圖片來源:東方新地)

1. Eason跛腳撐拐杖出席

6場演唱會幾乎請嚟半個香港樂壇,合共多達50幾位歌手撐場,陣容仲勁過各大頒獎禮,靚歌靚衫目不暇給,令呢個雜錦演唱會變得更有睇頭!正如Wyman話齋:

「無論有幾離譜幾咁想像唔到嘅衫,呢個show都會睇到!」

對於陳慧琳未能出席,Wyman亦有喺台上代爲解釋:「今日有一個壞消息,一個好消息。壞消息係我今朝接到個電話,呢位朋友本來今晚做嘉賓,但佢嘅醫生同屋企人建議佢最好留喺屋企安胎,我相信全香港都係錫陳慧琳嘅人,佢生仔個個都係契爺契媽,所以佢生個健康嘅寶寶重要過嚟唱歌!」對於話唔嚟又嚟嘅陳奕迅,Wyman抵死笑謂:「今日嘅好消息係聽到另一個電話,呢個人竟然唔顧自己身世同我講:『喂,你嘅演唱會第一場,以我同你嘅交情,我點可以唔嚟呀!』我就話如果你嚟到,我批個頭俾你當凳坐!」結果Eason冇食言,跛住都到場、坐住個頭唱,吹脹!

(圖片來源:東方新地)

2.陳奕迅、何韻詩尾場舌吻〈芳華絕代〉

6場裡面要數「最激場面」,肯定係尾場陳奕迅同何韻詩合唱張國榮、梅艷芳金曲〈芳華絕代〉時伸脷激吻。不過睇番網上流出嘅片段,可見到HOCC 縮咗一縮!(圖片來源:東方新地)

 6場裡面要數「最激場面」,肯定係尾場陳奕迅同何韻詩合唱張國榮、梅艷芳金曲〈芳華絕代〉時伸脷激吻。不過睇番網上流出嘅片段,可見到HOCC 縮咗一縮!
6場裡面要數「最激場面」,肯定係尾場陳奕迅同何韻詩合唱張國榮、梅艷芳金曲〈芳華絕代〉時伸脷激吻。不過睇番網上流出嘅片段,可見到HOCC 縮咗一縮!(圖片來源:東方新地)
 Wyman抵死笑謂:「如果你嚟到,我批個頭俾你當凳坐!」結果Eason冇食言,跛住都到場、坐住個頭唱,吹脹!
Wyman抵死笑謂:「如果你嚟到,我批個頭俾你當凳坐!」結果Eason冇食言,跛住都到場、坐住個頭唱,吹脹!(圖片來源:東方新地)

3. 黃偉文親自操刀 成功召喚彭羚!

Wyman除了為自己每次出場準備不同造型,更答應了親自為近50名演出者從頭到腳做styling,當中最靚絕對係彭羚:

 萬衆期待嘅彭羚冇令人失望,表演多年歌唱功力依十足,唱了〈小玩意〉及〈漩渦〉等金曲,聲靚衫靚,一絕!
萬衆期待嘅彭羚冇令人失望,表演多年歌唱功力依十足,唱了〈小玩意〉及〈漩渦〉等金曲,聲靚衫靚,一絕!(圖片來源:東方新地)

4. 容祖兒華麗靚衫 唱足6場擔大旗

 容祖兒Concert YY 黃偉文作品展 2012
撐足6場嘅祖兒,Wyman 晚晚幫佢換衫,呢套更係由Wyman 親自設計,佢話「當初冇人覺得靚,所以今次喺自己個show 度堅持要佢着出嚟,重話Joey 着住嚟唱〈牆紙〉襯到絕。」(圖片來源:東方新地)
 同Wyman老友鬼鬼嘅Joey又唱又跳打頭陣,演繹多首如〈痛愛〉、〈心淡〉、〈破相〉等hit歌,好比自己演唱會一樣咁賣力!
同Wyman老友鬼鬼嘅Joey又唱又跳打頭陣,演繹多首如〈痛愛〉、〈心淡〉、〈破相〉等hit歌,好比自己演唱會一樣咁賣力!(圖片來源:東方新地)

5.李蕙敏「億萬之裙」

被Wyman比喻爲心目中嘅「億萬之裙」,地位至高無上正是Amanda,Wyman話當年多得Amanda唱佢首〈你沒有好結果〉唱到街知巷聞係將Wyman帶俾大家認識令今日咁多人搵佢寫歌。

 被Wyman譽爲心目中嘅「億萬之裙」,地位至高無上正是Amanda,Wyman話當年多得Amanda唱佢首〈你沒有好結果〉唱到街知巷聞係將Wyman帶俾大家認識令今日咁多人搵佢寫歌。
Amanda沙聲獻唱,狀態麻麻,期後的DVD後製都唔特別Tune得返,算係一個紀錄。(圖片來源:東方新地)

6.大肚楊千嬅破冰出席

尾場另一焦點係曾經傳同Wyman 不和的楊千嬅,喺尾場都腹大便便俾面出席,Wyman 重送咗部「紫色BB 車」畀佢,有咩唔妥都一次過粉碎曬啦?

 陀住仔嘅楊千嬅大嘅三首Wyman作品〈可惜我是水瓶座〉、〈勇〉、〈野孩子〉,有現場觀眾表示「罕有地」唱現場都唱得唔錯。
陀住仔嘅楊千嬅大嘅三首Wyman作品〈可惜我是水瓶座〉、〈勇〉、〈野孩子〉,有現場觀眾表示「罕有地」唱現場都唱得唔錯。(圖片來源:東方新地)
 「生死之交當天不知罕有 到你變節了 至覺未夠」- 楊千嬅退場的時候,接續就係《最佳損友》。
「生死之交當天不知罕有 到你變節了 至覺未夠」- 楊千嬅退場的時候,接續就係《最佳損友》。(圖片來源:Concert YY截圖 )

相關文章:黃偉文直斥楊千嬅《Mr.》被亂改名「離題又老土」 兩天王都係改嘢慣犯

7.Sammi首場現身自嘲〈姨婆掉眼淚〉

作為頭兩場嘉賓,雖然Sammi當晚唔係咁舒服,但仍頂硬上上台演出,更笑言爲唱〈如何掉眼淚〉呢首歌而設計咗呢個名爲〈姨婆掉眼淚〉嘅妝,十分抵死!

 作為頭兩場嘉賓,雖然Sammi當晚唔係咁舒服,但仍頂硬上上台演出,更笑言爲唱〈如何掉眼淚〉呢首歌而設計咗呢個名爲〈姨婆掉眼淚〉嘅妝,十分抵死!
作為頭兩場嘉賓,雖然Sammi當晚唔係咁舒服,但仍頂硬上上台演出!(圖片來源:東方新地)

8. Wyman趣怪造型逐格睇

 Wyman 全場最環保就係呢身以Nike Air Force 打造嘅衫。
Wyman 全場最環保就係呢身以Nike Air Force 打造嘅衫。 (圖片來源:東方新地)
 加埋副超重有啲似《X-Men 》鐳射眼。
加埋副超重有啲似《X-Men 》鐳射眼。 (圖片來源:東方新地)

9. Concert YY海報出動四大女歌手同場拍攝

演唱會在2011年尾開始宣傳,單是海報已經轟動一時,召集四大女歌手盛裝同場合照,單是思考排位已經費煞思量,幸運地各人都畀足面Wyman,認同「齊人互動效果較好」的概念,超級合作並抵得諗地度期出席拍攝,Wyman更為海報寫了兩篇專欄詳述「嗰張相」的拍攝花絮。可惜陳慧琳因為要安胎而缺席表演。

 當年的演唱會宣傳海報出動到四大女歌手容祖兒+何韻詩+陳慧琳+鄭秀文,攝影師家安和美術指導All Rights Reserved的SK提議真正「五人合照」而不是用電腦合成。
當年的演唱會宣傳海報出動到四大女歌手容祖兒+何韻詩+陳慧琳+鄭秀文,攝影師家安和美術指導All Rights Reserved的SK提議真正「五人合照」而不是用電腦合成。(圖片來源:Concert YY 2012 官方海報by All Rights Reserved)

10. 同年推出DVD 全城狂煲試機天碟

6場演唱會的精彩場面最後收錄在年尾推出的CD及DVD內,開場由容祖兒唱出〈桃色冒險〉、〈跑步機上〉、〈隆重登場〉3首跳舞組曲做熱身,淨係睇呢part歌舞已經值回碟價。〈初一十五〉由黃偉文親自同吳君如一齊演唱,難說得上係聽覺享受,但氣氛最好。

之後有細訴人生無奈嘅〈活著多好〉、〈燕尾蝶〉、〈囍帖街〉等等,展示黃偉文另一人生觀,而最觸動到人的就是壓軸一首〈給十年後的我〉,黃偉文唱到:「别太遲又十年後至想,快樂嗎?」提醒大家要及時行樂,正好同演唱會的party主題呼應。

 詞神黃偉文入行18年嚟最精的84首歌喺曬呢6CD或4DVD演唱會入面。
詞神黃偉文入行18年嚟最精的84首歌喺曬呢6CD或4DVD演唱會入面。(圖片來源:東方新地)
 2012年花姐在演唱會第一場的後台自拍。
2012年花姐在演唱會第一場的後台自拍。(圖片來源:[email protected]
 花姐05年離開工作了13年的TVB,做了一個月的便利店收銀員,之後又擔任演唱會監製,早就參過不少大製作。
花姐05年離開工作了13年的TVB,做了一個月的便利店收銀員,之後又擔任演唱會監製,早就參過不少大製作。(圖片來源:[email protected]

撰文:東方新地圖片來源:黃偉文IG,花姐IG

讀者留言