連登仔力捧新晉YouTuber小麻 網友街上疑似捕獲真人竟撞樣阿Mag
廣告
早前有網民在網上發起一個名為「嚴選13位香港靚女YouTuber」的選舉，當中近年受連登仔力捧而急速冒起的新YouTuber小麻亦入選第13名的位置。一眾網民對於小麻的樣貌一直有所熱議，有人大讚佢「夠Pure夠True」，亦有人認為小麻只是「一般貨色」。
網民野生捕獲疑似YouTuber小麻 撞樣阿Mag超似樣！
近年急速彈起的YouTuber小麻，自出樣後便在網上引起熱議，有唔少網民大讚佢「夠Pure夠True」。出真樣原因是去年5月她為慶祝其Channel達到1萬訂閱人數，首度開樣拍片，當時她曾擔心要面臨退訂潮，結果其樣貌獲網民大讚清純又可愛，該段影片至今已有超過51萬Views數，其Channel訂閱數更不降反升，在短短數日內急增達4倍，至今已升到近8萬，可見其受歡迎程度。
女神形象幻滅！
近日就有連登仔指自己「懷疑見到小麻」，在內文貼出一張網民拍攝的照片，其照片中的女事主與小麻樣貌十分相似，而且該名女生的髮型和包包臉也超和小麻十分相似。照片一出引起網民的熱議，有網民哭訴「MOLAMOLA（冇啦冇啦）」，意指女神形象幻滅。
小麻撞樣林欣彤
有網民則直指小麻樣貌和林欣彤（Mag）仲有baby fat時的樣子一模一樣，可以話係餅印一樣，仲有人直言小麻係「分手樣」，被捕獲時個樣好似唔多開心，直言小麻的YouTube影片是開住白化濾鏡咁去拍片，所以睇上去會有美顏效果。
重溫回應外貌被批一事
小麻之前拍片回應了對於外貌上被批評的一事，坦言其實也是正常不過，認為每個人都有醜樣的一面，對於黑歷史被翻出，她認為「一笑置之」就算，仲指「其實樣貌係點冇乜所謂啦，啲觀眾都睇過晒啦，如果係鍾意你嘅片嘅，就算係睇到你黑歷史都唔會退訂啦」，睇得十分之豁達。
資料來源：連登討論區
