23歲澳門小姐冠軍麥嘉欣顏值超高 簽微辣做新一姐拍戲做主持

正妹
近年來觀眾對港姐嘅熱情一年比一年咁逐漸減退,全因佳麗水準愈嚟愈參差,難得剛啱新鮮滾熱辣出爐嘅謝嘉怡混血鬼妹總算睇得吓,更被網民形容為近十年最靚冠軍㖭!其實要睇靚女,可以近近哋過大海睇澳門小姐,近年出品都幾高質,好似2017年中葡混血佳麗麥嘉欣直情係極品級數!

撰文、圖片:東方新地

顏值爆燈澳門小姐麥嘉欣 自爆現時單身

話說香港人鍾意過大海去澳門,原來澳門人麥嘉欣都鍾意過大海嚟香港拍拖,早前就同前甲一籃球員男友約埋一齊行商場、醫吓肚,然後去碼頭會合朋友上船開P。去年過生日有男友炮製生日驚喜,啱啱過嘅23歲生日身邊就換上閨密一齊喺酒店開粉紅色生日P。靜靜雞話你知,一海之隔始終唔係日日有得見,原來因為聚少離多各自忙事業,男友家陣已經退役成為前度,麥嘉欣早排幫微辣拍片都自爆現時單身、好耐冇人追喎!顏值爆燈、身材惹火、又啱啱簽埋微辣做一姐,其實行緊事業運未來有人追都未必有時間拍拖啫!

心地善良嘅Sofia,早前為保護動物協會派發水著福利。
心地善良嘅Sofia,早前為保護動物協會派發水著福利。
17年以澳門小姐身份代表澳門參選國際小姐奪冠,中葡混血兒麥嘉欣的超班顏值完勝近十年八年港姐三甲。
17年以澳門小姐身份代表澳門參選國際小姐奪冠,中葡混血兒麥嘉欣的超班顏值完勝近十年八年港姐三甲。
澳門有澳門嘅繽紛,香港都有香港嘅繁華,所以澳門小姐麥嘉欣閒時都會配合男友李爾晨嚟香港行街拍拖。
澳門有澳門嘅繽紛,香港都有香港嘅繁華,所以澳門小姐麥嘉欣閒時都會配合男友李爾晨嚟香港行街拍拖。
23歲女愛情來得快去得亦快,當初糖黐豆面露幸福笑容,據悉近日二人已經因為聚少離多而分手。
23歲女愛情來得快去得亦快,當初糖黐豆面露幸福笑容,據悉近日二人已經因為聚少離多而分手。
兩人在商場行完街再搵 間咖啡店hea多陣,原來等到夠鐘會合朋友上船遊船河。
兩人在商場行完街再搵 間咖啡店hea多陣,原來等到夠鐘會合朋友上船遊船河。
選美前已經做過model又係Kol,Sofia五官精緻身材亦驕人,IG早超過17萬人追 蹤, 早前仲做埋Mirobrajp內衣代言人。
選美前已經做過model又係Kol,Sofia五官精緻身材亦驕人,IG早超過17萬人追 蹤, 早前仲做埋Mirobrajp內衣代言人。
福利相唔係成日有,今年2月29日,Sofia就話四年一度難能可貴,連環po水著相話要派福利。
福利相唔係成日有,今年2月29日,Sofia就話四年一度難能可貴,連環po水著相話要派福利。
今年初麥嘉欣簽埋微辣做旗下藝人,仲接埋微電影同主持工作,曝光愈嚟愈多。
今年初麥嘉欣簽埋微辣做旗下藝人,仲接埋微電影同主持工作,曝光愈嚟愈多。
23歲生日閨密為佢準備咗個粉紅色生日P
23歲生日閨密為佢準備咗個粉紅色生日P
Sofia同媽咪感情勁好,兩母女經常一齊出遊。
Sofia同媽咪感情勁好,兩母女經常一齊出遊。