100毛新女叻叻撞樣一位韓國女神人氣急升 一個原因唔揀專家Dickson?
100毛最近有位新女主持叻叻(Natalie)由於相貌甜美身形標青而引起網民關注,不少網民都大讚她勁似一位韓國女神,有網民更在她的IG Q&A中大膽追問叻叻的感情狀況,叻叻都有坦白回應,更用一句說話去解釋自己唔揀專家Dickson做男友的原因!


100毛新女叻叻 獲網民大讚:真心靚
叻叻加入100毛前是一名大學生兼模特兒,去年中她加入100毛,至今已有約半年時間,期間主持過《圍爐取戀》及《呢啲Lady》等節目,又做過《國家級任務》、《驗新報告》等節目的嘉賓,現時她除了拍片外,也有經營網店。


網民:全程望住叻叻
去年叻叻初登場,有不少網民都大讚她笑容好甜美,連專家Dickson的目光都忍唔住被她吸引:「叻叻給人好舒服的感覺,真係幾好」、「我全程望住叻叻,隻眼無離開過」、「新主持幾好,唔做作」、「新主持好好,好chill同埋幾醒目」。


獲讚撞樣少女時代太妍
網民紛紛大讚「叻叻真心靚,清純有啲韓國feel」、「有幾分Jisoo氣質」、「有啲iu feel」、「素顏都好靚」等,不過更有更多網民就直指叻叻撞樣一位韓國女神:「叻叻某D角度似太妍喎」、「睇落似teayeon」!



指係專家Dickson唔揀佢
叻叻早前在IG玩Q&A回答網民疑問,被追問到感情狀況,叻叻回答自己是「O2」,意指拍過兩次拖,現況係「Occupied」,即係拍拖中。此外有網民問到佢會唔會考慮同專家Dickson拍拖?叻叻就回答:「你選擇人,人亦能選擇你」直指係專家Dickson唔揀佢!


否認有P過下巴
有網民就講到叻叻係「少有嘅女睇片好靚,但ig啲相麻麻」,有網民更直接質疑她造假:「你啲圖有p過?個下巴好似有啲怪,建議唔使p啦,你上節目live個樣都好靚喇!」叻叻就即時影了張下巴相作回應,表示:「我下巴就是長成這樣的,我諗我已經係唔p相嘅女仔嚟!」


IG刪三點式泳衣照
睇番叻叻IG相,之前稍為性感的相片都已被刪除,包括三點式泳衣照,不過叻叻的Facebook仍有保留這些相片,而其個人YouTube頻道自去年中已無新片,她也表示自加入100毛後,多了好多不同工作機會,日日都要忙住周圍拍攝。










重溫叻叻初登場影片:
成個package都好正!
撰文:東方新地圖片來源:[email protected]毛記電視、[email protected]_is_me、[email protected] Ho、[email protected]_ss資料或影片來源:[email protected]毛記電視