人肉鬧鐘

【公主癌末期】人肉鬧鐘男友唔知醒 遭女友放上網公審

熱話

廣告

「公主病,指一些自信心過盛,要求獲得公主般待遇的女性」,這是「公主病」在網絡大典上的解釋,但如果遲遲沒有得到治療,「公主病」就會進化成「公主癌」,要了解「公主癌」,最簡單直接就是用例子來告訴大家,以下呢位「人肉鬧鐘」男友,因為唔知醒叫醒女友而被放到網上公審,真係要寫個「慘」字俾佢!

原文- 新Monday text-乖乖隆地洞 photo-連登討論區、Instagram

人肉鬧鐘男友唔知醒 遭女友放上網公審

近日就有一則事件成為網上熱話,港女事主W小姐吩咐男友校鬧鐘叫醒自己,因為W第二日朝早有Group Presentation,但可惜第二日早上男友唔知醒,W也就遲到了。W隨後把和男友的對話放上其擁有2萬名followers的Instagram Story中,言詞間十分憤怒,原來呢次Group Presentation佔成績35%,於是佢全怪責在沒有準時起床叫醒自己的「人肉鬧鐘」上!

之後有人話其實起床是自己的責任,鬧鐘應該自己校,但W並不同意,因為男友本身也要上學,都要校鬧鐘。

就算有人安慰W,但明顯W仲係好嬲,仲用了一個例子反駁……

網民:冇仔係咪生存唔到?

事件一出就引發網民熱烈討論,更推到1001,不少人都認為就算男方答應了會叫醒自己,但女方都係有責任校鬧鐘作保險,不能所有事都靠男友,尤其是有重要的Group Presentation時。

所謂家醜不出外傳,有人覺得男方十分可憐,一做錯事就被足本放上網。

 

當然啦,亦有人覺得整件事都是男方的錯,答應了就要做得到,是一種承諾,但馬上就有人來反駁。

 

經典重溫:無拍拖先識開水樽蓋

早幾個月前有人問「單身太久會學懂甚麼事」,就引來不少人留言,最大發現是原來有女生拍拖時是不會帶外套、紙巾及雨傘,要單身後才懂得這些照顧自己的常識。

有時真的看得令人十分火,因為其實一些看似十分簡單的生活細節,「公主病」病患者都不會去做,是不是有男人在身邊就甚麼都不會做?