【豐乳同露】神還原豪乳不知火舞竟是男兒身 絕密公開巨乳是怎樣煉成的

熱話

不知火舞作為格鬥遊戲最經典嘅女角色之一,無論中外嘅動漫展或者cosplay比賽都會有唔少人cosplay佢,不過要扮得似模似樣都要有啲先天優勢先得。無嘅話都唔緊要,因為呢位巴打竟然連不知火舞嘅波都做到出嚟!

撰文:占士│圖片來源:JUSKY、IG株式会社SNK

專業coser化身不知火舞參加比賽

神還原女神巨乳加長腿

呢位黎自香港,現居澳洲嘅專業coser A.K.WIRRU日前到當地嘅大型動漫展Oz Comic-Con參加cosplay比賽,化身成經典遊戲角色不知火舞嘅佢,神還原驚為天人嘅巨乳同長腿,無論現場嘅動漫迷定係網民睇完都讚不絕口,之但係現實中又邊有那麼大的咪咪呢?所以唔少人都估到呢對睇落唔識搖嘅巨乳肯定係D.I.Y嘅!不過就無乜人估到個coser原來係男兒身囉。

無論係遠睇定係Zoom近睇都咁真。

 

A.K.WIRRU公開不知火舞巨乳製作過程

作為一個專業嘅coser,A.K.WIRRU喺製作呢啲動漫人物嘅服飾當然有一手,但勢估唔到佢連動漫人物嘅性感身材都可以做出嚟,幾乎能夠以假亂真!佢仲將成個製作過程同大家開心些牙添!

不知火舞作為一個如此愛走光嘅角色,紅底底當然唔少得啦

A.K.WIRRU連不知火舞件「和服」上嘅細節都一絲不苟。

A.K.WIRRU試身時似乎連打底褲都冇著,真係好搏呀

魔鬼嘅身材加埋呢個……魔鬼嘅樣,真係唔係個個頂得住。

A.K.WIRRU除咗扮不知火舞扮得神似,其他動漫人物一樣扮得似模似樣。

讀者留言