臨時老公

網上請「臨時老公」 8個鐘2000蚊網民爭住做

熱話

廣告

每逢過節,總會有單身人士誠招各大人士扮係自己男女朋友,一嚟可以過返個溫暖節日之外,又唔使畀親戚強逼介紹對象畀你。雖然聖誕將至,不過近日嘅招聘工請「臨時老公」唔係陪過聖誕,而係陪去百日宴啊!

撰文:東方新地 |圖片:香港討論區

網上請「臨時老公」

話就有位網民專登開個討論區戶口去出一個名叫「臨時工」嘅Post,內容大致係話想請一個25-35歲嘅人扮成佢老公出席酒樓百日宴,工作內容係抱BB同埋畀親戚認識。當日返足8個鐘有$2000人工。

呢份「臨時工」引嚟唔少網民留言應徵,有人話自己178高,28歲,不過因為樓主係新帳號都以PM唔到,更有人話自己似後生版鍾鎮濤。唔知係咪樓主已經好快搵到適合人選,所以都無再留言亦將自己嘅招騁工作刪除咗!

有網民話要搵人扮老公咁辛苦,不如將人情拎去食嘢算!又係嘅,萬一下次輪到另一個人擺酒,咪又要用$2000請人返嚟?

回顧5位藝人仔女百日宴

1. 梁詠琪

梁詠琪同老公Sergio喺2015年2月生咗囡囡Sofia(祈淑菲),GiGi兩公婆就為Sofia喺四季酒店擺百日宴,Sofia兩位契媽楊采妮同許茹芸,鄭中基同Eric Kwok等人都紛紛出席。

Gigi花盡心思將現場佈置成一個粉紅色魔術王國,除咗有魔術師現場表演,仲有彈床同吹氣城堡俾小朋友玩。主角Sofia着咗一條白紗裙,頭戴蝴蝶結相當可愛。GiGi就講笑話今次百日宴仲辛苦過開演唱會,因為自己包辦晒搵場地、聯絡同諗遊戲等等。不過最緊要囡囡開心啫!

2. 熊黛林

37歲的熊黛林(Lynn)當了七年天王嫂得個桔,16年嫁家族資產達百億的郭可盈胞弟郭可頌,今年4月為郭家誕下孖女。百日宴的會場布置以粉紅色為主,場內仲掛滿粉紅色氣球,好有公主feel,而Lynn話孖女已經改咗英文名,分別叫做Kaylor同Lyvia,各同父母英文名嘅頭一個字一樣!

Lynn透露幸好奶奶和家人都經常來幫忙照顧,所以未算太辛苦,她說:「過咗100日已經好好多,最開始的時候都真的無覺好瞓,隔2個鐘就要起身餵奶,反而瘦咗!」講到老公有冇幫忙做湊仔公,她說:「老公都有幫忙,但佢工作比較忙,所以我覺得佢都係努力工作,我就負責處理家庭事。」

「啫時」姑媽都有去

郭可頌嘅家姐郭可盈和姐夫林文龍、囡囡天若都有出席,郭可盈在其微博留言說:「一對各有特色的可愛小孖女👶🏻👶🏻,㊗️妳們健康開心!姑媽錫錫😘😘 ​​​​。」

現場以粉紅同粉藍色布置,沿住樓梯掛滿粉藍同粉紅氣球,至於回禮禮物,以粉紅、粉藍色手袋形盒子裝住樽裝糖果,好有心思。

琦琦表示送上好意頭的數字大利是畀Lynn一對孖女,佢大讚孖女好靚好可愛,又叫Lynn追多個,但Lynn就話好辛苦,唔打算再追!

3. 胡杏兒

拍拖一年閃電結婚、未到兩周年結婚紀念,現年38歲嘅胡杏兒,已經成功幫三代單傳老公李乘德誕下囝囝Brendan(李奕霆),杏兒從來不諱言希望抓緊時間在40歲之前要生至少兩個。囝囝Brendan滿百日嘅大日子,杏兒夫婦喺九龍塘一會所搞百日宴,大宴親朋好友,而杏兒老公仲喺Instagram留言話「Hopefully we will have the chance to carry two real babies one day (好希望有一日我哋有機會抱兩個真嘅BB!)」老公開到口,杏兒追多一個,真係事在必行。

當晚無論場地選址、回禮嘅小曲奇、場地嘅氣球布置等等、全部由杏兒全權策劃及精心安排。睇真啲佈置同主題仲係森林動物,好cute喎!

杏兒化身Pink Lady

杏兒幫主角囝囝打扮成黑白小紳士,同爹哋襯埋父子裝,杏兒自己就一身迷人Pink Lady現身,勁搶眼。

囝囝瞓不停

囝囝扭眼瞓,杏兒就四圍招呼朋友,預咗囝囝未必撐足全場,杏兒預備了多個大型BB紙版,畀來賓任影唔嬲,又安排即影即服務,安排夠晒貼心﹗

胡說八道會都有去

杏兒幫囝囝擺百日宴,胡說八道會班契媽又點可以錯過?平時其實聚會、上門已經見唔少契仔,估唔到胡定欣同姚子羚為咗撐場,都係收工趕番嚟,胡定欣仲係偷走、個頭仲係《包青天再起風雲》個古裝look添!呢啲咪誠意囉!

經濟百日宴

第一次做媽媽第一次搞百日宴,一向貼地務實的杏兒都係選擇中價私人會所,而不是為場面選擇五星級大酒店。地點位於九龍塘,方便男家沙頭角親友,地點又夠私隱唔怕被傳媒粉絲打擾。而酒菜和人數,最低消費係約16圍酒每圍六千大元包酒水,夠晒實惠!

4. 關心妍

Jade於2009年下嫁金融才俊楊長智,不過有感大家依舊年輕,未急於全力造人。直至後來全面停工,用盡各種方法谷胎,今年終於誕下女兒Jovia!兩公婆16年11月就為Jovia舉行百日宴,可見現場布置充滿童真,以白色及粉紅色為主,不單有大量心心汽球,中間更有一隻巨型吹氣熊仔!場地布置得咁靚,原來係由古巨基設計㗎!

Jade貼心地將百日宴分兩場舉行,先有自助午餐宴請親友,下午則以酒會形式招待好友。Jade指籌備百日宴有如搞一個大型project,比自己的演唱會更誇張!另外宴會上亦不斷放映出Jovia的可愛生活照,一家三口十分幸福!

另外有不少Jade的圈中好友到場祝賀!

鄭融及蔡一傑

許廷鏗及胡鴻鈞

蒙嘉慧

5.周焯華

15年8月太陽娛樂老闆周焯華(洗米華)嘅細女Damiana三個月大,洗米華就喺澳門金沙城中心包下泳池為Damiana搞百日宴,順道為大女Virginia慶祝13歲生日。

(左起) 洗米華家姐、洗米爸、周氏夫婦、女兒周梓潼、兒子周柏豪

現場佈置以粉紅色為主,其中一座粉紅色城堡同旋轉木馬最吸晴,影合照一流!成個party由朝玩到晚,由下午茶食到自助餐,招呼逾三百賓客,估計開支近百萬!由於party喺泳池舉行,所以周家眾人都係短褲踢拖相當casual,其中洗米嫂Heidi以一頭短金髮同蜜糖色肌膚嘅新形象示人,着住性感魚網衫嘅佢全程笑容滿面,睇嚟真係有女萬事足!

生日party有許志安做表演嘉賓,這些機會…

關鍵詞
百日宴