玉桂狗 小王子

玉桂狗驚喜登陸置富Malls 「BLING雪聖誕王國」迎接大家到訪!

生活

廣告

玉桂狗 小王子
(圖片來源:官方授權圖片)
玉桂狗 小王子
(圖片來源:官方授權圖片)

玉桂狗化身小王子,住進置富Malls · Cinnamoroll「BLING雪聖誕王國」,迎接大家到訪,一同在這個猶如童話的BLING雪閃耀國度歡度佳節。搶先踏進夢幻王國的客人就是「靚靚準人妻」湯洛雯及「青春跳唱偶像」鍾柔美Yumi,他們更為「BLING雪聖誕王國」主持開幕典禮及獻唱歌曲,又以一身甜美的聖誕造型與粉絲大玩遊戲,並率先分享婚事進度及年尾大計,提早報佳音!

靚湯Yumi愛不釋手狂攬玉桂狗

靚湯及Yumi甫踏足「BLING雪聖誕王國」已被場內的玉桂狗佈置深深吸引,原來兩人不約而同也是「愛狗之人」,難怪如此興奮。兩人都表示聖誕佳節一定要與愛犬一起慶祝,還會為「主子」炮製重磅聖誕餐。Yumi表示:「玉桂狗白雪雪軟綿綿,令我諗起我隻貴婦狗Cha Cha。玉桂狗呢身咁可愛嘅小王子造型仲即時畀到靈感我,我諗到開聖誕party時,幫Cha Cha點樣扮靚靚!」靚湯亦大感認同:「呢度成個氣氛好夢幻,好似真係置身冰雪王國,搞到我都想試下幫屋企兩隻狗佈置張靚靚床仔,等我地一家人溫馨咁過聖誕。」

玉桂狗 小王子
(圖片來源:官方授權圖片)
玉桂狗 小王子
(圖片來源:官方授權圖片)

年尾喜事浪接浪 靚湯一次過迎接婚禮、聖誕、跨年

除了忙於工作外,靚湯更要打點年尾的婚禮:「我哋啱啱係巴黎影完婚紗相返嚟香港,忙緊揀相,仲同婚禮場地協調緊當日嘅安排,好多細節未定,好似賓客名單、人數、佈置、流程、菜單等,真係好繁瑣!馬明怕煩,多數都要我做決定,估唔到仲辛苦過做嘢,不過都好興奮同期待嘅,仲要連住聖誕、跨年,應該好難忘。」至於就讀中六的Yumi則忙於準備公開試,未必能像以往派對連場,「以前過聖誕一定同屋企人同朋友由23號慶祝到boxing day,忙過返學。不過今年就要努力備戰,去少啲party,留返多啲時間溫書。」

玉桂狗 小王子
(圖片來源:官方授權圖片)
玉桂狗 小王子
(圖片來源:官方授權圖片)

與粉絲大玩遊戲 鬥靚佈置聖誕樹

Yumi獻唱兩首舞曲《下一個暑假》及《y2k還襯我麼?》,青春感滿瀉;靚湯亦大展歌喉,翻唱《說愛你》及《小幸運》,透過甜蜜歌聲預祝現場觀眾聖誕快樂。此外,兩人更戴上大會精心準備的Cinnamoroll配飾,與粉絲大玩默契遊戲,比賽擺出男女合作跳舞的姿勢,亳無偶包及女神架子,非常投入,又與粉絲一同佈置聖誕樹,並在樹上掛上聖誕祝願。靚湯許願:「嚟緊步入人生新階段,希望同另一半快樂成長!」Yumi則期望:「希望自己嘅學業同工作都做得更好,DSE考到好成績!」

玉桂狗 小王子
(圖片來源:官方授權圖片)

圖片來源:有關機構