甜片

學術頒獎典禮意外播「甜片」?!其實都係學術性研究啫!

生活

廣告

男人睇「甜片」絕對係天經地義嘅事嚟,有邊個男人未試過「左青龍,右滑鼠」呢?近日就有Facebook Page「韋宗成」上載咗一張疑似學術頒獎典禮嘅照片,重點竟然落喺右邊嘅下載紀錄,可以見到不少「甜片」下載紀錄於各位學術界人士面前曝光。呢位學生認真博學多才呀!

撰文:白仔丨圖片:韋宗成

學術頒獎典禮竟出現「甜片」下載紀錄

呢位學生哥認真唔話得,除了下載「甜片」外,仲要用上祖國偉大嘅下載工具迅雷,真係唔驚俾人偷資料咩?而當中下載紀錄可見,呢個學生哥都係非常鍾情於日本愛情動作片嘅研究,而且種類亦都有非常多。

由下載紀錄可見,呢位哥仔都幾重口味,大多數主題都係以「S M」為主,呢個係咩意思小編就唔喺度解釋啦,大家自行Google啦。而當中亦都不乏見到各位男士經常觀看嘅女主角,包括有立花 里子、夏芽 涼、大橋 未久等等熟悉嘅名字。聽見係咪都漲卜卜呢?

立花里子都被香港人認為同TVB藝人姚子羚有幾分相似,唔少人都會睇立花嘅「甜片」去幻想…..唔講落去啦!而且近排姚子羚都非常多緋聞出現,更被指佢就係某段流出片段嘅女主角。

網民:「仇日是愛國 甜片是生活」

亦有網民喺照片底下留言話,雖然祖國非常仇日,仲成日話唔會再用架仔出嘅產品。但係來自日本嘅愛情動作片絕對係生活嘅一部分,點可以冇咗佢哋呢!所以話,幾憎日本都好,「甜片」都係MUST嘅生活必需單品(仲有廁紙)

點都好,希望呢位學生哥下次可以學精小小,最緊要就開個無痕,又或者定時定候清除自己嘅下載紀錄,咁樣先唔會再出事再中伏啦~

關鍵詞
學生