銀河守護隊3影評｜ 7大入場前必看重點！電影劇情影評+終極預告！5.3 上映
《銀河守護隊3》7大入場前必看重點
《銀河守護隊3》重點一丨電影詳情
《銀河守護隊3》重點二丨劇情簡介
《銀河守護隊3》重點三丨銀河守護隊3影評
《銀河守護隊3》重點四丨電影預告
《銀河守護隊3》重點五丨預告片段曝光
《銀河守護隊3》重點六丨電影彩蛋
《銀河守護隊3》重點七｜上映時間、場次及預售情況
《銀河守護隊3》重點一丨電影詳情
| 《銀河守護隊3》電影詳情 | |
| 名稱 | 銀河守護隊3 (Guardians of the Galaxy Vol. 3) |
| 片種 | 動作,科幻,英雄 |
| 編劇 | — |
| 導演 | 占士根 |
| 主演 | 基斯柏特, 素兒蘇丹娜, 戴夫巴蒂斯塔, 畢列谷巴(為浣熊火箭配音), 雲迪素(為樹人配音), 寶姬曼迪夫, 嘉倫招莉仁 |
| 片長 | 2小時30分 |
| 級別 | IIA 級 |
| 語言 | 英語 (中文字幕) |
| 上映 | 2023年5月3日, Wed (公映) |
《銀河守護隊3》重點二丨劇情簡介
銀河守護隊3劇情講述「銀河守護隊」一眾成員在腦域Knowhere安定下來，但不久卻因為浣熊火箭的身世之謎而天翻地覆。為了拯救火箭，星爵帶領隊員展開危險任務，若不成功，「銀河守護隊」可能就此滅亡⋯⋯
回到目錄
《銀河守護隊3》重點三丨銀河守護隊3影評
觀眾總評分：8.2/10
火箭做了重心主角, 成套好多笑料,但打鬥太小, 今集著重温情, 不一般的marvel 片, 一般啦.
★★★★★★☆☆☆☆6/10
今集重點係講ROCKET的身世。故事談不上好感人，我一點都沒有想流淚的感覺，唔似新聞、影評講得咁感人、咁值得睇，更不係經典，劇情只係好普通… 記得同期我都有睇“落水流花”，人家故事真係感人N倍啦！ 但由於係MARVEL片，大製作嚟，商業味道嘅娛樂性係有，都可以入場觀看嘅。
★★★★★☆☆☆☆☆5/10
Marvel終於有一套似樣返嘅電影， 仲係少數令人落淚又哭笑不得嘅作品， 主線清晰，人物描寫深入感人， 節奏明快，動作場景運鏡得宜， 但礙於內容豐富，導致唔少剪接流暢度問題， 同埋令人忍唔住R頭反駁嘅位。 讚咗先，音樂方面Guardians of the Galaxy 系列從來都唔會令人失望，靈活運用唔同年代嘅舊歌，加插喺科幻片入面都完全唔會old school/唔夾，仲超洗腦。 文戲方面，今次Rocket條主線可以話係Marvel歷來最感人同最深入嘅主線，同場好多觀眾，包括男士都忍唔住都為Rocket同佢嘅朋友哭能咗，特別欣賞James Gunn安排Rocket後面救動物嘅一幕，用返同一條鎖匙，其實係Rocket彷彿回到過去，完成緊自我救贖，如果冇Rocket，相信架船最後只有智慧型生物走得甩。 James Gunn算係平衡得幾好，主題即使偏向沉重，但一啲都冇嗰種“so dark, are you from the DC Universe?”嘅感覺，（雖然佢黎緊真係主力過檔DC..）整套電影加插咗唔同嘅笑位，透過團隊入面唔同嘅碰撞同磨合自然咁令大家輕鬆笑出黎，好耐冇試過睇套戲又喊又笑。 打鬥方面不得不讚走廊全員集合嘅一幕，呢啲就係Marvel消失咗好耐嘅打鬥場面同運鏡！咁窄嘅空間，一樣可以睇到合體技，一樣可以睇得清楚每個人打緊啲乜，個個出招都充滿住自己嘅能力同性格，仲要絲毫眼殘嘅感覺都冇。點少得Groot+Star Lord 2個人全彈發射打全世界嗰幕，又係睇完之後超深刻，好耐冇試過睇完Marvel嘅打鬥場面會記得嗰幕同埋運鏡係點。 化妝都非常值得一讚，特別係中段出現咗大量人型動物角色，大部份都唔係用CG，而係用特技化妝，嗰度仲要成村人，可以令人一睇就睇得出邊種動物，真心勁。 最後仲想讚埋James Gunn個首尾呼應，如果有睇前兩集，就會知系列嘅開始，就係Star Lord聽住Come and get your Love去搵力量寶石，去到今集系列嘅尾聲，Rocket: "This one’s kind of special." 只有粉絲先會知道呢個首尾呼應special得很。 讚完之後，中肯啲講返，一樣有啲位令呢套戲扣咗分。 由於內容極之豐富，除咗浣熊主線同佢嘅動物朋友，又要交待唔係呢個時代嘅Gamora點樣重新認識團隊，仲有主角對自己嘅迷茫，仲有隊員本身彼此嘅矛盾，新出場壞人嘅目的背景，仲有2件唔知做乜春嘅金粉餅（淨間先再X呢兩件金粉餅）一黎交待得好急，如果觀眾跟唔上/一唔留神就好易會miss咗野，仲有唔少剪接同流暢度問題，好似走廊大戰打完唔夠幾秒就見到全員跑緊，好多中間嘅野cut咗咁。 仲有都係同Ant man 3一樣嘅戰鬥力問題…今集boss戰力都係衰在好飄忽…開頭用引力X打Adam Warlock…後尾Rocket一對反引力鞋就已經完勝佢…咁問題就黎喇，以Adam Warlock咁勁嘅存在，雖然佢初初受咗傷姐，但有咩理由會比個bossX住黎打到郁唔到… 另外反駁嘅位係Star Lord身上，有睇前兩集都知Star Lord喺Ego死咗之後，佢已經冇咩特別能力，係元素槍，太空面罩，噴射靴，領導能力之類…你老尾去到第3集個個Gear都有Upgrade，Nebula都識飛，浣熊有引力鞋，連Groot都有幾支槍旁身！仆你個街Star Lord會喺太空差啲凍死？唔係呀嘛…面罩呢？噴射靴呢？導演你為咗逼Adam Warlock救人，導演你唔係拎走晒Star Lord啲裝備咁黑心呀fa…好心你係都寫浣熊行最後差啲凍死啦…咁都起碼講得過呀嘛… 最後X一X兩件金粉餅，我知…係第2集遺留落黎嘅蘇州屎…Adam Warlock喺Marvel世界有幾勁我都知…但係我睇完成套戲，真心唔知佢做乜鳩，直頭係冇咩存在價值，（唔關演員事，邊個演都係衰的了）佢咁屈機，關鍵時刻又暈…又力不從心咁，好心是但搵個無名刺客片頭嗰幕取代佢行刺，cut走晒金粉餅母子，Star Lord有返面罩同噴射靴…成套戲交待唔洗咁急，根本唔影響所有劇情之餘仲好睇咗… 雖然有呢啲唔完美嘅地方，但由於好嘅地方都算係蓋過咗呢啲瑕疵，總括黎講都有8分~為Guardians of the Galaxy系列畫上一個唔錯嘅句號。 P.S. 腦入面仲loop緊Come and Get your Love
★★★★★★★★☆☆8/10
真係好一般, 之前睇評分啲人太神化係marvel 近來最好的電影, 但我睇完只覺一般, 完全兩回事,有得笑下,動作又小,不是心目中以前的marvel 片.
★★★★★★☆☆☆☆6/10
一般
★★★★☆☆☆☆☆☆4/10
《銀河守護隊3》重點四丨電影預告
銀河守護隊3預告講述Marvel Studios 《復仇者聯盟4：終局之戰》後，這隊非一般的超級英雄繼續由上兩集導演占士根 (James Gunn) 領軍及編劇，全員回歸——星爵 Peter Quill (基斯柏特 Chris Pratt)、嘉魔娜 Gamora (素兒莎丹娜 Zoe Saldana)、達拉斯Drax (戴夫巴蒂斯塔 Dave Bautista)、火箭浣熊 Rocket (畢列谷巴 Bradley Cooper 聲演)、樹人 Groot (雲迪素 Vin Diesel聲演)、螳螂女 Mantis (寶姬曼迪夫Pom Klementieff)和 獵布拉Nebula (凱倫吉蘭 Karen Gillan)，貫徹一向的玩嘢抵死過癮風格，以最強隊形配合升級動作特技大場面，為《銀河守護隊》系列最後一集作終極一戰！「銀河守護隊」一眾成員在腦域KNOWHERE安定下來，但不久卻因為火箭浣熊的身世之謎而天翻地覆。為了拯救火箭，星爵帶領隊員展開危險任務，若不成功，「銀河守護隊」可能就此滅亡……
回到目錄
《銀河守護隊3》重點五丨預告片段曝光
《銀河守護隊3》重點六｜電影彩蛋
現時暫未有銀河守護隊3彩蛋消息，東方新地將為你持續更新！
回到目錄
《銀河守護隊3》重點七｜上映時間、場次及預售情況
《銀河守護隊3》劇情大綱是什麼？
《銀河守護隊3》描述「銀河守護隊」一眾成員在腦域K…詳情請看
《銀河守護隊3》演員角色包括誰？
《銀河守護隊3》演員角色包括基斯柏特, 素兒蘇…詳情請看
