【香港小姐2020】冠軍謝嘉怡(Lisa) 蘇格蘭海外佳麗終現身 壓軸極品登場
廣告
25歲來自蘇格蘭的謝嘉怡(Lisa)憑住精緻的混血靚樣被睇高一線，終於成為2020年香港小姐冠軍！至於另一位22歲來自美國的張盈悅(Joyce)咁遠水路嚟陪跑，就真係有啲嘥時間同心機喇！《香港小姐2020》如箭在弦，繼16位本地佳麗努力備戰中，兩位同屬極品海外佳麗亦首度正式蒲頭：
自蘇格蘭嘅謝嘉怡(Lisa) 一出場已經令觀眾集中精神目不轉睛望住個「芒」，25歲係手術室護士，混血靚樣身材有肉地，行出嚟真係殺晒，網民眼睛都好雪亮，個個讚口不絕，睇嚟謝嘉怡以秒速成為頂頭大熱。
不得不提，謝嘉怡嘅提名人係肥媽Maria Cordero，原來肥媽個仔同佢爸爸係好朋友，點計佢都算係有後台，有傳無綫高層都一致睇好謝嘉怡，仲勒令佢要減肥，謝嘉怡日前去整頭時就承認正在減肥中，會食得清啲同埋跟住網上健身班做運動。
洛杉磯大學生張盈悅
好嘢就緊係壓軸出場啦!講緊《香港小姐2020》最後兩位入圍嘅海外佳麗，今日無綫再開網上記招，宣布兩位海外佳麗完成十四日隔離後終於可以見人。首先出場係由美國洛杉磯來港嘅22歲張盈悅(Joyce)，大學畢業嘅佢真係好似咩都唔知，懵懵吓咁出場，樣同身材都係普通民女一個，驚喜度係零，驚嚇度反而有。
