近30年港姐冠軍身高,最嬌小的的嘅一定係5呎3吋唔夠嘅謝嘉怡,佢同5呎11吋嘅「Hea爆港姐」張舒雅,足足相差幾個頭,但身高並冇拉開謝嘉怡同觀眾嘅「距離」,佢參選嗰陣都係大熱之一,而事實亦證明以下10位最「嬌小」嘅港姐冠軍都「各有所長」。
謝嘉怡最嬌小港姐
只有1.6米身高嘅2020年冠軍謝嘉怡,拍埋一眾佳麗身邊係有啲輸蝕,佢亦曾經表示親戚都好高,平時有着高踭鞋補救。但就憑佢擁有香港蘇格蘭嘅混血基因,網民覺得另有一番特色,讚佢個樣夠晒甜。
謝嘉怡參選前是手術室護士(圖片來源:[email protected])
亞軍陳楨怡、冠軍謝嘉怡及季軍郭柏妍(圖片來源:無綫電視截圖)
雖然謝嘉怡嬌的的 但反而好搶鏡(圖片來源:[email protected])
謝嘉怡卸任後回了蘇格蘭(圖片來源:[email protected])
劉倩婷大熱奪冠
2009年奪冠嘅劉倩婷高過謝嘉怡1厘米,即161cm,雖然冇高䠷身型,但當年係以大熱姿態撼低晒其他對手。佢加入TVB後主力司儀工作,2013年嫁年長16年嘅堪輿學家李丞責,婚後專心相夫教女,幸福爆晒燈。
劉倩婷當年喺問答環節留吓深刻印象予評判(圖片來源:無綫電視截圖)
(圖片來源:無綫電視截圖)
眾佳麗一字排開,突顯劉倩婷高度(圖片來源:無綫電視截圖)
劉倩婷婚後生活美滿(圖片來源:新傳媒資料庫)
楊婉儀細細粒女強人
身高1.63嘅楊婉儀係1995年冠軍,咪睇佢細細粒咁,其實係一個女強人,2013年開辦幼稚園,當時表示想一條龍服務,打算創辦小學。點知至2018年佢同老公做董事間公司被入稟追債,近年官司纏身,帶埋仔女移居美國過新生活。
亞軍李嘉慧、冠軍楊婉儀及軍周婉儀(圖片來源:新傳媒資料庫)
楊婉儀曾開辦幼稚園,(圖片來源:新傳媒資料庫)
楊婉儀現和子女在美國生活(圖片來源:[email protected])
喺楊婉儀嘅IG,老公長期冇影(圖片來源:新傳媒資料庫)
張名雅嫁律師男友
身高都係1.63米嘅張名雅係2012年冠軍,參選港姐前已經係溫哥華華裔小姐亞軍,之後以港姐身份參加2013年國際中華小姐奪得季軍,同張嘉兒都可謂有豐富嘅選美經驗。張名雅入行後曾主持《東張西望》、《流行都市》及《姊妹淘》等資訊節目,至於劇集就只有《以和為貴》和《鬼同你OT》令觀眾有較深印象,發展唔算突出。2016年嫁給了圈外律師男友蔡錦豪,婚後育有兩子。
亞軍黃心穎、冠軍張名雅及季軍朱千雪(圖片來源:新傳媒資料庫)
2016年嫁圈外律師蔡錦豪,育有兩子。(圖片來源:[email protected])
張名雅喺圈中發展唔算突出(圖片來源:新傳媒資料庫)
雖然已為人母,但張名雅身材仍然咁弗(圖片來源:[email protected])
陳凱琳吸金力強
提起陳凱琳,除咗會諗起佢同孖生細佬因為隔代遺傳嘅混血兒外貌,佢仲係2013年港姐冠軍,以及2014年國際中華小姐冠軍!身高163嘅Grace學歷同顏值都好高,而家貴為兩子之母嘅佢主力做KOL,有指兩年內吸金千萬,不過佢事後已經否認傳聞。
陳凱琳同細佬因隔代遺傳,所以擁混血兒外貌(圖片來源:[email protected])
陳凱琳與鄭嘉穎育兩子(圖片來源:[email protected])
陳凱琳做KOL勁吸金(圖片來源:[email protected])
陳凱琳係一名高學歷港姐(圖片來源:新傳媒資料庫)
翁嘉穗嫁個有錢人
好多人都話想嫁入豪門,選港姐係捷徑之一,事實上歷年都有唔少成功例子。好似1997年港姐冠軍翁嘉穗喺娛樂圈真係冇乜發展過,身過1.64米嘅佢樣貌清秀,自然多人追,選完港姐隔咗兩年就揀定咗富商男友鄔友正,榮升做少奶奶,婚後生咗兩個仔,廿幾年嚟過住豪門少奶奶嘅生活。
好多人話選港姐係嫁入豪門捷徑之一(圖片來源:新傳媒資料庫)
翁嘉穗唔通都鍾意MIRROR(圖片來源:[email protected])
翁嘉穗不時晒打卡相(圖片來源:[email protected])
楊思琦身材得天獨厚
楊思琦係2001年港姐冠軍,身高1.64米嘅佢得天獨厚,身為一女一子之母身材依然堅挺,多年嚟都係美容公司嘅寵兒。雖然多年都力指自己有「老公」照顧,屢以老公是圈外人希望保持低調為由解釋,但虛擬老公全方位失蹤,佢拼搏嘅精神似乎要獨力搵錢養家咁款,近年更轉戰抖音攻內地市場。
多年嚟都係美容公司寵兒(圖片來源:[email protected])
楊思琦兩女母感情好好(圖片來源:[email protected])
張嘉兒選美經驗豐富
選港姐要過五關斬六將,身高同樣貌都係重點之一,身高1.64米嘅張嘉兒絕對唔係「高人」,但當選2007年港姐冠軍前已經有選美經驗,喺2005年溫哥華華裔小姐競選中,奪得「神采飛揚獎」。唔止咁,仲代表香港贏到2008年國際中華小姐亞軍。加上佢當年被封「豬扒」港姐,至今闊臉不再,呢一點都令人覺得好神奇。
當年嘅闊臉張嘉兒已經不再(圖片來源:新傳媒資料庫)
於劇集《陀槍師姐2021》中張嘉兒要色誘許紹雄(圖片來源:《陀槍師姐2021》截圖)
張嘉兒好享受家庭樂(圖片來源:misskayicheung @IG)
(圖片來源:misskayicheung @IG)
梁韻蕊黑馬姿態贏鄺美雲
擁咗1.65米身高嘅梁韻蕊係1982年嘅冠軍,佢參選時完全係黑馬,喺越戰越敢嘅狀態下,最終「跑贏」咗大熱鄺美雲成為冠軍,不過星途就唔及鄺美雲,唔算有好多代表作。
鄺美雲當年只屈居亞軍(圖片來源:無綫電視截圖)
梁韻蕊(圖片來源:無綫電視截圖)