香港小姐

香港小姐2020 船P晒泳裝 大熱無影 陳煦凝勁減30磅迎戰

香港小姐

廣告

《香港小姐2020》繼日前foul走六人,剩下十二位佳麗即將又會再進行篩選,最後留低的十位佳麗才可正式進入八月三十日的港姐準決賽。十一位入圍佳麗陳煦凝陳楨怡何孟珊郭柏妍鄺美璇羅雪妍廖慧儀麥詩晴謝恩靈黃婉恩源菲然,昨日(8月21日)身穿泳裝,乘坐遊艇在維港拍攝特備節目《港姐見工有問題》片頭,其中一位佳麗卻缺席外景拍攝。

文:東方新地

香港小姐2020 船P晒泳裝 大熱無影 陳煦凝勁減30磅迎戰

左起陳楨怡、源菲然、麥詩晴、何孟珊及黃婉恩。
左起陳楨怡、源菲然、麥詩晴、何孟珊及黃婉恩。

長腿陳楨怡大熱

陳楨怡大晒模特兒身形,高人一等,突成大熱。
陳楨怡大晒模特兒身形,高人一等,突成大熱。
大熱之一的廖慧儀晒健美身材。
大熱之一的廖慧儀晒健美身材。
玩開健身的她 ,擁一排腹肌,小腿肌肉旺盛。
玩開健身的她 ,擁一排腹肌,小腿肌肉旺盛。

廖慧儀為腰間紋身解畫

廖慧儀日前與其他佳麗錄影無綫節目《姊妹淘》時,回應腰間有紋身一事,她指參選港姐時已申報,並謂此舉為紀念愛犬:「我養咗15年嘅寵物年初去世好傷心,當時仲做緊空姐,飛到英國就選了身體私密位置紋咗一朵花紀念。」

源菲然
源菲然

 

大熱郭柏妍
大熱郭柏妍
黃婉恩
黃婉恩
麥詩晴
麥詩晴
身材甚有睇頭的陳煦凝,被這件密實泳衣遮蓋,未有發揮。
身材甚有睇頭的陳煦凝,被這件密實泳衣遮蓋,未有發揮。

陳煦凝勁減30磅迎戰

樣貌標緻的陳煦凝,一向愛晒身材,其實她本為有肉地之人,今次選美前,更勁減30磅迎戰。

上圍有睇頭,可惜在泳裝片完全嘥料。
上圍有睇頭,可惜在泳裝片完全嘥料。

 

原本陳煦凝肥嘟嘟,腩肉勁厚。
原本陳煦凝肥嘟嘟,腩肉勁厚。
之後靠食減肥藥、做運動及節食,在半年內減逾30磅!
之後靠食減肥藥、做運動及節食,在半年內減逾30磅!
何孟珊
何孟珊
鄺美璇
鄺美璇

十一位佳麗炎夏穿著穿裝拍片,被密實泳裝埋沒好身材,而屬大熱之一的混血海外佳麗謝嘉怡,卻因身體不適未有出席。

早前篩走三人

上round被篩走的有寸嘴佳麗賴琦媛、甫士王侯嘉欣以及最後階段才加入的海外佳麗張盈悅,不過現場愁雲慘霧,個個變喊包。

十五名佳麗今日進行淘汰賽,再篩走三名佳麗。
十五名佳麗今日進行淘汰賽,再篩走三名佳麗。

賴琦媛衰寸嘴叼煙被foul

經過連日的網上投票,《香港小姐2020》日前再篩走三名佳麗,十二強佳麗誕生,而被指是大熱之選的賴琦媛Ivy,未知是否受參選以來先曾捲入整容風波,問答環節中又表現寸嘴,而有寸嘴Ivy之稱號,及後被影到扯煙後把煙頭隨街掉,回應時表示:「只是一時受不到朋友引誘」來否認是長期煙民,被指吸煙手勢純熟,又以「唔可以用手勢純熟來定斷煙齡長」一再否認長期食煙,有指因寸嘴本色貫徹始終,食煙影響形象而被foul。而另一被foul走的是兩星期前才加入的海外佳麗張盈悅Joyce,首次登場已被網民指身高太矮,寒背、走路姿勢差、似遊魂等,故被篩走也不無道理。

佳麗們手持「工作證」以揭曉能否入職香港小姐呢份筍工,頭四名佳麗陳𤍥凝、郭柏妍、羅雪妍及海外佳麗謝嘉怡順利晉級。
佳麗們手持「工作證」以揭曉能否入職香港小姐呢份筍工,頭四名佳麗陳𤍥凝、郭柏妍、羅雪妍及海外佳麗謝嘉怡順利晉級。
一直被視為大熱、新聞多多又自信爆棚的賴琦媛,最終十二強止步,未能進入準決賽,相信連佢自己都唔相信呢個事實。
一直被視為大熱、新聞多多又自信爆棚的賴琦媛,最終十二強止步,未能進入準決賽,相信連佢自己都唔相信呢個事實。
第二個組別張盈悅及寸嘴Ivy揭到「多謝參與」,即被淘汰,被視為大熱的賴琦媛露出失望神色但仍保持微笑。
第二個組別張盈悅及寸嘴Ivy揭到「多謝參與」,即被淘汰,被視為大熱的賴琦媛露出失望神色但仍保持微笑。
廖慧儀(左一)、羅雪盈(左二)、何孟珊(右二)及源菲然(右一)均順利取得港姐「工作證」。
廖慧儀(左一)、鄺美璇(左二)、何孟珊(右二)及源菲然(右一)均順利取得港姐「工作證」。

黑馬侯嘉欣出局個個變喊包

被指愈戰愈勇的侯嘉欣,連司儀陸浩明都大讚佢進步神速,點名睇好佢,不過卻未能晉級,在揭曉賽果前,侯嘉欣表現已相當激動,口震震眼紅紅表示不枉參加港姐選舉,當只剩她和謝恩寧二分一晉級機會,問到她會想邊個晉級,侯嘉欣激動表示:「我想大家都可以一齊晉級。」雖然最後落敗,但跟謝恩寧互相擁抱鼓勵,亦獲得其他佳麗安慰,而不少佳麗聽到侯嘉欣未能晉級都表現傷心,個個變喊包,影大合照時還未能平靜心情,司儀陸號話畀五秒時間大家冷靜一下,可見侯嘉欣和一班佳麗當中已贏得友誼。

未知結果前,候嘉欣發表感言時已哽咽,仲話不枉此行參加港姐。
未知結果前,候嘉欣發表感言時已哽咽,仲話不枉此行參加港姐
只有二分一機會晉級,謝恩靈被問到想自己還是對手候嘉欣晉級時表現大方:「我會揀候嘉欣,因為佢真係好努力,好想睇到佢嘅才藝表演。」而已經成功晉級的麥詩晴(左)聽到後感動得眼有淚光。
只有二分一機會晉級,謝恩靈被問到想自己還是對手候嘉欣晉級時表現大方:「我會揀候嘉欣,因為佢真係好努力,好想睇到佢嘅才藝表演。」而已經成功晉級的麥詩晴(左)聽到後感動得眼有淚光。
輸了入圍資格卻未有輸掉友誼,候嘉欣和謝恩寧互相鼓勵。
輸了入圍資格卻未有輸掉友誼,候嘉欣和謝恩寧互相鼓勵。
郭柏妍(左)和羅雪盈替未能晉級的候嘉欣感可惜,齊齊變喊包。
郭柏妍(左)和羅雪盈替未能晉級的候嘉欣感可惜,齊齊變喊包。
候嘉欣人緣甚佳,個個佳麗為她未能晉級變喊包。
候嘉欣人緣甚佳,個個佳麗為她未能晉級變喊包。
十二位佳麗還要接受最後淘汰才可順利進入準決賽,戰況愈來愈激烈。
十二位佳麗還要接受最後淘汰才可順利進入準決賽,戰況愈來愈激烈。

晚裝示人好興奮

《香港小姐2020》上周突然out走三位佳麗,宣布十五名佳麗正式入圍,連日再密襲式出動,先接受Do姐大考驗,錄影節目《港姐有問題》,之後再首次穿上華麗晚裝拍攝宣傳短片,據知下周一將會再foul走三人,戰況會更加激烈。繼上周淘汰咗三位佳麗,《香港小姐2020》下星期一又會有新一輪淘汰,十五位佳麗喺被宣布有冇得繼續留低之前,日前著上晚裝拍攝宣傳片,今次算係入圍後最華麗嘅一次,難怪班佳麗心情都好興奮,不過因為愈foul愈多人,佢地都話呢日既心情有啲忐忑,個個都話同大家相處咗一段時間,如果被foul會好唔捨得大家,個個都希望自己有得繼續留低,不過世事冇咁完美囉!

上星期foul走三個,日前首次著晚裝拍攝宣傳片,佳麗表示開心又興奮。 美容編輯羅雪妍表示最擔心係好唔捨得一班佳麗,因為相處咁耐已有感情。

美容編輯羅雪妍表示最擔心係好唔捨得一班佳麗,因為相處咁耐已有感情。

年紀最細的謝恩靈話好緊張,因為上次佢係最後一個宣布入圍,希望今個禮拜的好表現令到自己有得留低。
年紀最細的謝恩靈話好緊張,因為上次佢係最後一個宣布入圍,希望今個禮拜的好表現令到自己有得留低。
至於被負面新聞纏身嘅賴琦媛(左一)就話會以平常心面對,仲話自己一直以嚟嘅努力會畀支持佢嘅人睇到。
至於被負面新聞纏身嘅賴琦媛(左一)就話會以平常心面對,仲話自己一直以嚟嘅努力會畀支持佢嘅人睇到。
五官標緻嘅Lisa謝嘉怡由蘇格蘭來港參選,穿上晚裝睇唔到粗壯嘅下身,佢真係無得輸。
五官標緻嘅Lisa謝嘉怡由蘇格蘭來港參選,穿上晚裝睇唔到粗壯嘅下身,佢真係無得輸。
另一位海外佳麗Joyce張盈悅被指寒背兼長期不在狀態,下一round仲有冇得留低呢?
另一位海外佳麗Joyce張盈悅被指寒背兼長期不在狀態,下一round仲有冇得留低呢?
樣同身材都不俗嘅Yancy黃婉恩,愈戰愈勇。
樣同身材都不俗嘅Yancy黃婉恩,愈戰愈勇。
黑馬之選麥詩晴被批腋下膚色過黑,她表示已盡最大努力全身美白。
黑馬之選麥詩晴被批腋下膚色過黑,她表示已盡最大努力全身美白。

Do姐點名講Lisa

15位入圍次輪比賽嘅港姐佳麗,為《港姐有問題》錄影,接受Do姐的考驗。
15位入圍次輪比賽嘅港姐佳麗,為《港姐有問題》錄影,接受Do姐的考驗。
Do姐大讚班佳麗好聰明又轉數怏,最難得係肯溫書,當中佢對完全唔 識中文嘅海外佳麗Lisa謝嘉怡最有印象。
Do姐大讚班佳麗好聰明又轉數怏,最難得係肯溫書,當中佢對完全唔 識中文嘅海外佳麗Lisa謝嘉怡最有印象。

今年因疫情關係港姐所有進程都改喺網上舉行,早前十五位佳麗為《港姐有問題》錄影,睇個名都知又係Do姐鄭裕玲同農夫主持啦,佢哋要接受Do姐嘅智力大考驗,事前仲收到一本天書,要佢哋返屋企溫書做功課,錄影完節目,Do姐就大讚佳麗表現非常出色,事關有好多佳麗都喺外國長大,連睇題目都好困難,今次除咗考天文、地理、歷史,就連電視城餐廳個餐牌都要背熟,認真玩嘢!嗰日Do姐雖然話為咗公平唔公開點名講睇好邊位佳麗,但佢就話由蘇格蘭返港參選嘅Lisa謝嘉怡畀佢印象好深刻,咁咪即係間接點咗名囉!

Do姐提醒有老婆有女嘅陸永唔好公開講邊個係佢嘅心水佳麗,不過陸永就忍唔住不停睇女仔囉!
Do姐提醒有老婆有女嘅陸永唔好公開講邊個係佢嘅心水佳麗,不過陸永就忍唔住不停睇女仔囉!
大會一早派咗本天書畀班佳麗返屋企溫書,好彩佢哋全部都好勤力,冇畀Do姐問到口啞啞。
大會一早派咗本天書畀班佳麗返屋企溫書,好彩佢哋全部都好勤力,冇畀Do姐問到口啞啞。
Lisa謝嘉怡話自己唔識中文,所以呢個挑戰係有啲難,而陳楨怡(右二)就話前一晚溫書溫到凌晨4點,所以爆晒瘡。
Lisa謝嘉怡話自己唔識中文,所以呢個挑戰係有啲難,而陳楨怡(右二)就話前一晚溫書溫到凌晨4點,所以爆晒瘡。
廖慧儀同陳煦凝都話親眼見識到Do姐同農夫嘅主持默契,獲益良多。
廖慧儀同陳煦凝都話親眼見識到Do姐同農夫嘅主持默契,獲益良多。