【港姐2018】Amber鄧卓殷 嬌滴滴鄰家女孩 仲係港大建築系畢業
廣告
《2018香港小姐競選》下月尾舉行，到目前為止已進行了兩輪面試，157名參加者只剩下最後20強。其中狄易達舊愛陳曉華(Hera)、身材索爆的潛水教練Honey Ho等都順利入圍，不過小編其實一直特別留意鄧卓殷(Amber)！呢位嬌滴滴、笑容甜美的靚女畢業於港大建築學系，美貌與智慧並重，最近仲開咗個新IG同大家交流交流！
撰文：東方新地｜圖片：新傳媒、Instagram
｜港姐面試佳麗 Amber鄧卓殷
一年容易又港姐，每年港姐面試都會成為大家茶餘飯後的話題，評頭品足就最過癮！今年面試有唔少高質靚女，除了備受熱捧的狄易達舊愛陳曉華(Hera)、身材索爆的潛水教練Honey Ho等外，大家有冇留意甜美可愛的鄧卓殷(Amber)呢？
去到次輪面試，Amber換上一襲橙色露肩短裙，加一對長長耳環，配埋本身招牌甜美笑容，即時Sharp醒唔少！
同Hera做咗好朋友？
早前次輪面試當日，Amber與Hera一同現身，原來兩位靚女喺第一輪面試後已經成為好朋友，外界都認為兩人都會順利參加下月決賽～
嬌滴滴鄰家女孩
Amber開新IG 大家follow咗未
今時今日個個都玩社交網站，另外幾位大熱佳麗如Hera、Honey等的IG一早被起底，followers仲愈來愈多，Amber有見及此，日前都開咗個新IG同大家交流交流，大家一齊睇睇有咩靚相～
港大建築系畢業
Amber畢業於香港大學建築學系，當然唔少得同大家分享一下畢業相！
周遊列國
自認比較男仔頭的Amber，個性似乎都係較好動，見到佢有唔少旅行照，周遊列國呢！
原來係舞林高手
睇Amber斯斯文文的外表，以為佢都係比較文靜，但其實佢係個舞林高手！唔知有冇機會喺港姐決賽當晚見到佢表演呢？
Amber以前啲造型都幾百變喎！佢又唔怕同大家分享舊照，抵讚！
