前空少陳國麟溝盡日韓泰台港女仔讚日本妹在家夠開放但有兩大缺點

《不正常愛情研究所》陳國麟多異地戀

現年37歲的陳國麟（Doniven）在節目中自爆曾先後跟日本、泰國、韓國、香港同台灣女孩子拍過拖，他笑言對象主要是亞洲女孩，因為歐美女仔嫌自己瘦及不夠高大。講到第一次異地戀，原來是發生在美國求學時期，他說︰「係一位韓國女仔，佢比較豪邁爽朗，好直接。試過有次帶另外一個朋友出嚟，跟住女朋友同我講『I don’t like your friend，I don’t want to see your friend again.』。」

陳國麟 Doniven先後同日本、泰國、台灣等地女仔拍拖。 — Doniven先後同日本、泰國、台灣等地女仔拍拖。（圖片來源：TVB提供）

陳國麟 Doniven同Alan都曾有位韓國女朋友，Alan透露他在大學時期曾經和韓國女仔拍拖。 — Doniven同Alan都曾有位韓國女朋友，Alan透露他在大學時期曾經和韓國女仔拍拖。（圖片來源：TVB提供）

讚日本女孩在家夠開放

至於不少香港男仕夢寐以求的日本女孩，現實似乎未必如大家所想一樣。Doniven解釋日本女仔無疑溫柔，但較難知道對方真實想法︰「佢哋民族性太注重別人感受，帶佢去食飯樣樣都話好食，乜嘢都話好，唔知邊樣係佢真實諗法。」他又提到日本女孩在街外比較保守，不會跟另一半攬攬抱抱。不過他笑笑口補充︰「返到屋企就唔同嘅，開放好多。」

陳國麟 Doniven 講到不同地區女仔的性格。 — Doniven 講到不同地區女仔的性格。（圖片來源：TVB提供）

陳國麟 Doniven大讚日本女仔在街比較保守，但返到屋企就好開放。 — Doniven大讚日本女仔在街比較保守，但返到屋企就好開放。（圖片來源：TVB提供）

韓國妹愛情侶裝宣主權

Doniven又爆韓國女仔很喜歡跟另一半穿情侶裝出街，原因是宣示主權同佔有欲較強。而講到最溫柔的女仔，大家可能意想不到，原來是泰國女仔，原因是泰國女多男少，造成她們會千方百計取悅男仔。

陳國麟 Doniven話泰國女仔溫柔，會幫男朋友按摩。 — Doniven話泰國女仔溫柔，會幫男朋友按摩。（圖片來源：TVB提供）

陳國麟 Doniven講起都非常回味，但身邊做過空姐的Susuca似乎不太接受Doniven的情史，頻頻反白眼。 — Doniven講起都非常回味，但身邊做過空姐的Susuca似乎不太接受Doniven的情史，頻頻反白眼。（圖片來源：TVB提供）

難忘台灣女友︰浪漫多心思

講到最難忘的一段情，Doniven話是剛散沒多久的台灣前度，他形容女友做事好窩心，而且很有文青女孩感覺︰「佢會好花小心思，每個月都會寫小卡片講下去過邊度玩，又會計劃嚟緊去邊。」還有一件事令Doniven非常感動，她會用航班App追看自己行程，然後會cap圖，他說︰「跟住佢會畫個心心喺架飛機度，寫住『我個寶寶喺太平洋上空，還有4個小時就見面咯』」