ft pic

真醉定交戲? 吳幸美《東張》試酒片hit爆

近期有隻聲稱會飲到不省人事嘅美國果味啤酒勁hit,呢隻俗稱「斷片酒」嘅Four Loko,酒精含量高達12%,飲一罐等於隊咗一支紅酒,認真唔講得笑!日前《東張西望》為咗測試斷片酒有幾勁,搵主持吳幸美親自試飲,只係飲咗200ml嘅吳幸美晌鏡頭前又喊又笑,甚至醉到趴低咗!究竟係酒精勁定係演技好呢?

延伸閱讀︰


周汶錡萌爆B 唱K神器賀周麗淇生日

胡說八道飯局 豹哥被迫扮紅唇刁蘭

吳幸美飲咗200ml嘅檸檬味斷片酒,即係少過一包維他奶,6分鐘後吳幸美開始覺得暈,再過10分鐘,心跳血壓都上升埋,但就未有任何醉酒反應。



20分鐘後,吳幸美開始對住鏡頭傻笑,跟手又失控喪喊,最後仲瞓低埋,唔知以為佢撞邪呀!飲醉酒失控唔出奇,奇就奇在吳幸美醉到斷晒片,但15分鐘後又突然清醒番,成個過程快過打針!






網民睇完片後,真心讚吳幸美夠勇,仲撐佢係真心飲醉!



不過亦有網民驚嘆吳幸美原來擁有世界級演技,一定要推佢做視后添!真定假都好,起碼依家多人講,人氣又賺咗喇!



全文完