ft pic

冇男友有好姊妹 胡定欣喊住開35歲生日P

今個月9號係胡定欣35歲生日,日前定欣提早同胡說八道一班好姊妹切蛋糕慶祝,雖然今年冇男朋友一齊過,但有杏兒、豹嫂、姚子羚等老友又錫又攬,一時感觸竟然開心到喊!其實今年定欣幾套劇都大收,好有機會冧莊做視后,35歲有事業有姊妹有樓有車,已經係人生贏家啦!

延伸閱讀:


12年恩怨一筆勾銷 楊怡請胡定欣飲喜酒

猜枚可以賭幾大? 何猷君贏表哥一架法拉利

定欣早前雖然同音樂人Terry Chan分手,無法達成35歲前結婚嘅願望,但定欣今年事業一帆風順,《公公出宮》、《一屋老友記》同《城寨英雄》三套劇擔正做女一之餘,收視都相當唔錯!究竟定欣係因為冇仔陪太傷心,定還是覺得有班好姊妹太幸福而喊呢?



除咗胡說八道幾個老友,好拍檔牙佬袁偉豪亦有出席生日P,早排岑杏賢先投訴過男友太忙冇時間陪自己,估唔到牙佬寧願犧牲休息時間都抽空同定欣慶祝,真係唔話得!不過其實定欣都好忙㗎,開P前先要出席時裝騷,仲大解放穿上透視裝配Bra top,女人味滿瀉晒啦!







全文完