MIX1

送禮後即被撇 「補給兵」嬲爆公開混血女相

其實追女仔除了誠意之外,送吓小禮物氹女方開心無可厚非!不過,最近有位仁兄,自稱向心儀混血女送衫、手錶同袋後,以為諗住得米,點知混血女只當佢係一隻兵,仲要係補給兵喎!補給兵如夢初醒嬲爆,於是公開混血女相,實行大報復!

補給兵公開對話內容



由於不忿使咗錢後,未能奪得混血女芳心,於是補給兵喺網上公開二人對話內容!補給兵指普通朋友點會咁闊綽又送衫又送手錶同袋俾女性朋友,而混血女居然回應指以為對方鍾意送禮喎!補給兵終於知道被當傻仔後,諗住發火鬧爆對方,點知混血女先下手為強,叫補給兵以後唔使搵佢,即係連上訴發洩機會都冇呀,陰功!


 

相中可見,呢位混血女外形不俗,擁有一把長長秀髮,皮膚白皙,仲有40吋長腿!而且瓜子面鼻高高,笑容甜美,難怪補給兵被迷倒!而混血女於IG自稱19歲、5呎7吋高,兼有四分一西班牙血統,仲疑似喺某外國品牌服裝連鎖店上班!

混血女生活照被曝光


 

 




花生友兩邊都唔幫

而大部分花生友認為,補給兵同混血女都唔抵幫,指出收兵好正常,而且一個願打一個願捱,當交學費喎!

巴打精警總結: 「條仔做咩Post出嚟證明俾全世界知自己on9? 港女拜金拜得醒吹佢唔脹⋯⋯」

亦有網民自爆曾當過兵,感同身受!

另有網民指「鍾意收兵嘅女仔係乞人憎,但亦睇唔起甘願做兵嘅男仔」喎!

重點係:「個女仔係幾索嘅….」

「有時入咗伍自己都唔知,除非自願、否則都係條女問題。最緊要帶眼識人!」

延伸閱讀:機艙除衫 忘情自摸 索空姐瞬間被起底