《來自喵喵星的妳》楊秀惠脫黑絲 長腿誘陳豪

噚晚《來自喵喵星的妳》播到第7集,全晚高潮就係 楊秀惠 用腳情挑陳豪嗰part。劇情講到由楊秀惠飾演嘅Natasha為咗同陳豪飾演嘅Garfield有更進一步嘅接觸,就假稱約咗金主傾生意,仲嗌埋陳豪落私人會所色誘佢。孤男寡女共處一室,究竟有咩事發生令到陳豪流晒鼻血呢?答案就係楊秀惠嘅長腿,加埋對黑絲真係不得了!睇到小編都要學陳豪講番句:「Oh my God!」