《來自喵喵星的妳》楊秀惠脫黑絲 長腿誘陳豪

噚晚《來自喵喵星的妳》播到第7集,全晚高潮就係 楊秀惠 用腳情挑陳豪嗰part。劇情講到由楊秀惠飾演嘅Natasha為咗同陳豪飾演嘅Garfield有更進一步嘅接觸,就假稱約咗金主傾生意,仲嗌埋陳豪落私人會所色誘佢。孤男寡女共處一室,究竟有咩事發生令到陳豪流晒鼻血呢?答案就係楊秀惠嘅長腿,加埋對黑絲真係不得了!睇到小編都要學陳豪講番句:「Oh my God!」

 


延伸閱讀︰

謝安琪求上契 Juno 30萬利是贈契女

與Stephy分手半年 方力申秘撻何超蓮

台慶劇《來自喵喵星的妳》有陳豪、胡定欣及田蕊妮三大主角,不過都唔及楊秀惠搶眼!噚晚楊秀惠 一身低胸黑色晚裝,一對黑色絲襪非常煞食,加埋若對隱若現的42吋長腿,隔住個mon都睇到慾火焚身,今次真係叔叔不行了!唔知面對造型性感嘅 楊秀惠 ,人夫陳豪頂唔頂得住呢?


講講吓,仲成隻腳遞到陳豪面前,叫人點忍……



睇都未夠,楊秀惠 仲捉實陳豪隻手摸自己小腿,不過呢幕嘅重點係陳豪個樣……




送到埋口嘅腳,陳豪嚇到眼定定冇晒反應。楊秀惠 見佢目瞪口呆就再玩大啲:除絲襪!楊秀惠首先企起身,之後鏡頭就影住絲襪頭,「啪」一聲,對黑絲就順住對腳跌,然後… 冇然後啦……


同場加映:
現年32歲嘅 楊秀惠 當年係馬來西亞華裔小姐競選嘅冠軍級人馬,身高173cm,有樣有身材,今次劇中就盡情將天賦盡現觀眾眼前!






全文完