fm

歎得好健康!19歲丁子朗晒肌秒殺視帝馬壯

無綫節目《歎得好健康》已播出一個星期,其中應屆港姐季軍、27歲的陳雅思(Bonnie)集集換上性感泳衣、集集狂騷火辣身材,成功獲得新咪神的稱號!不過除了咪神外,相信大家都有留意入面有位大隻主持,佢就係應屆香港先生亞軍及最上鏡先生 丁子朗 (Karl),今年先19歲咋!子朗於節目中頻頻浸溫泉,大晒健碩肌肉,令各位女觀眾流晒口水!

視帝 馬壯被秒殺

《歎得好健康》中,四位主持黎耀祥、黎諾懿、丁子朗及陳雅思幾乎集集都浸溫泉,結實有型的子朗可謂風頭盡出,每當三位男士浸溫泉時,黎耀祥及黎諾懿為遮肚腩,通常將全身浸於水中,僅得子朗自信爆棚,大方展露完美身材,成功秒殺視帝祥及神之馬壯!